ବୋରଓ୍ବେଲ ଭିତରେ ଅନ୍ଧାରରେ 10 ଦିନ…ନୂଆ ବର୍ଷରେ ଉଦ୍ଧାର ହେଲା ଚେତନା, ଜାଣନ୍ତୁ କିପରି ଅଛି ସ୍ଥିତି

ନୂଆଦିଲ୍ଲୀ : ବୋରଓ୍ବେଲରେ ଖସିପଡିବାର 10 ଦିନ ପରେ ଉଦ୍ଧାର ହେଲା 3 ବର୍ଷର ଶିଶୁ ଚେଚନା । କିନ୍ତୁ ଜୀବନ୍ତ ଅବସ୍ଥାରେ ନୁହେଁ ବରଂ ମୃତ ଅବସ୍ଥାରେ । ରାଜସ୍ଥାନ କୋଟପୁତଲୀରେ ବୋରୱେଲକୁ ଖସିପଡିଥିବା ୩ ବର୍ଷର ଝିଅ ଚେତନା ଜୀବନ ଯୁଦ୍ଧ ହାରି ଯାଇଛି । ଚେତନାକୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲେ ହେଁ ସେଠାରେ ଡାକ୍ତର ତାକୁ ମୃତ ଘୋଷଣା କରିଛନ୍ତି ।

୨୩ ଡିସେମ୍ବର ୨୦୨୪ ମଧ୍ୟାହ୍ନ ପ୍ରାୟ ସାଢେ ଗୋଟାଏ ବେଳେ ଖେଳୁଥିବା ଚେତନା ଖେଳୁ ଖେଳୁ ବୋରୱେଲରେ ଗଳିପଡିଥିଲା । ତେବେ ତାର କାନ୍ଦଣା ଶବ୍ଦେ ଶୁଣି ପ୍ରଥମେ ପୋଲିସକୁ ଖବର ଦିଆଯାଇଥିଲା । ତେବେ ଖବର ପାଇ ପୋଲିସ ସ୍ଥାନୀୟ ପ୍ରଶାସନର ସହାୟତାରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଲୁହାଛଡ ଦିଆଯାଇ ୧୫୦ ଫୁଟ ଗଭୀର ଗର୍ତ୍ତରୁ ୩୦ ଫୁଟ ଉପର ପର୍ଯ୍ୟନ୍ତ ଟାଣି ଅଣାଯାଇଥିଲା । ତେବେ ଏହା ପରେ ମଧ୍ୟ ଉଦ୍ଧାର କାର୍ଯ୍ୟରେ ବିଫଳତା ଦେଖାଦେଇଥିଲା । ସେମ୍ବର ୨୬ ତାରିଖ ଦିନ ଉଦ୍ଧାର ଅଭିଯାନ ନିମନ୍ତେ ଉତ୍ତରାଖଣ୍ଡରୁ ସ୍ପେଶାଲ ଟିମକୁ ଡକାଯାଇଥିଲା। ଏହା ପରେ ପାଇଲିଂ ମେସିନରେ ଲଗାତାର ଗାତ ଖୋଳିବା ଆରମ୍ଭ ହୋଇଥିଲା। ତେବେ ଗତକାଲି ବିଳମ୍ବିତ ରାତିରେ ଶିଶୁକୁ ଉଦ୍ଧାର କରାଯାଇଥିଲେ ହେଁ ମୃତ ଘୋଷଣା କରିଥିଲେ ଡାକ୍ତର ।