ବୈଷ୍ଣୋ ଦେବୀ ଦଳଚକଟା ଘଟଣା: ସାମ୍ନାକୁ ଆସିଲା ଦଳଚକଟାର ମିନିଟିଏ ପୂର୍ବର Video

ନୂଆଦିଲ୍ଳୀ: ଜମ୍ମୁ କାଶ୍ମୀରର ବୈଷ୍ଣୋ ଦେବୀ ମନ୍ଦିରରେ ଦଳା ଚକଟା କାରଣରୁ ୧୩ ଜଣ ଶ୍ରଦ୍ଧାଳୁଙ୍କ ପ୍ରାଣହାନି ଘଟିଛି । ଅନେକଙ୍କୁ ଉଦ୍ଧାର କରାଯାଇ ହସ୍ପିଟାଲରେ ମଧ୍ୟ ଭର୍ତ୍ତି କରାଯାଇଛି । ଉତ୍ତର ଭାରତରୁ ଅଧିକାଂଶ ଲୋକ ଏହି ଯାତ୍ରାରେ ସାମିଲ ହୋଇଥିବା ବେଳେ ଦଳାଚକଟା ଘଟିଥିଲା । ମୃତକ ମାନଙ୍କ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି । ଦଳା ଚକଟାର କିଛି ମିନିଟ ପୂର୍ବର ଭିଡିଓ ବର୍ତ୍ତମାନ ବେଶ ଭାଇରାଲ ହେବାରେ ଲାଗିଛି ।

ଜଣେ ଶ୍ରଦ୍ଧାଳୁ ଏହି ଭିଡିଓ ଶୁଟିଂ କରିଥିବା ଜଣାପଡିଛି । ଦୁଇ ଗୋଷ୍ଠୀ ମଧ୍ୟରେ ଠେଲାପେଲାରୁ ହିଁ ଏହି ଦଳାଚକଟା ଆରମ୍ଭ ହୋଇଥିଲା । ଗୋଟିଏ ଗୋଷ୍ଠୀର କିଛି ଯୁବକ ୟୁ ଟର୍ଣ୍ଣ ନେଇ ମନ୍ଦିରରେ ପ୍ରବେଶ କରିବାକୁ ଚାହୁଁଥିଲେ । ଏହାକୁ ନେଇ ଠେଲାପେଲା ଆରମ୍ଭ ହୋଇଥିଲା । ମନ୍ଦିରରେ ଅସମ୍ଭବ ଭିଡ କାରଣରୁ କିଛି ଲୋକ ଦାଢରେ ତଳେ ଶୋଇ ପଡିଥିଲେ । ତଳେ ଶୋଇଥିବା ଲୋକ ଦଳାଚକଟାରେ ପ୍ରାଣ ହରାଇଥିଲେ । ଦେଖନ୍ତୁ ଭିଡିଓ…