ମଧୁବନ: ବିହାରର ମଧୁବନରୁ ଏକ ବଡ଼ ଦୁର୍ଘଟଣାର ଖବର ସାମ୍ନାକୁ ଆସିଛି । ସେଠାକାର ରେଳ ଷ୍ଟେସନରେ ରହିଥିବା ଟ୍ରେନରେ ଲାଗିଥିଲା ଅଚାନକ୍ ନିଆଁ । ଦେଖୁ ଦେଖୁ ଅନେକ ଅନେକ ବଗିରେ ନିଆଁ ଲାଗିଯାଇଥିଲା । ସେଠାରେ ଉପସ୍ଥିତ ଥିବା ଲୋକମାନେ ପାଣି ଢ଼ାଳି ନିଆଁ ଲିଭାଇବାକୁ ଚେଷ୍ଟା କରିଥିଲେ, କିନ୍ତୁ ସେତେବେଳକୁ ସମସ୍ତ ବଗିରେ ନିଆଁ ପହଞ୍ଚିସାରିଥିଲା । ଏହି ସମୟରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ସୂଚନା ଅନୁସାରେ, ଦିଲ୍ଲୀରୁ ଆସୁଥିବା ସ୍ୱତନ୍ତ୍ରତା ସିନାନୀ ଏକ୍ସପ୍ରେସରେ ଶନିବାର ସକାଳେ ଅଚାନକ୍ ନିଆଁ ଲାଗିଥିଲା । କୁହାଯାଉଛି ଯେ, ରାତିରେ ହିଁ ଏହି ଟ୍ରେନଟି ମଧୁବନ ପହଞ୍ଚିଥିଲା ଓ ଷ୍ଟେସନରେ ରହିଥିବା ସମୟରେ ନିଆଁ ଲାଗିଥିଲା । ଯାହାଫଳରେ ଷ୍ଟେସନରେ ଥିବା ଲୋକେ ଓ କର୍ମଚାରୀମାନେ ନିଆଁ ଲିଭାଇବାକୁ ଚେଷ୍ଟା କରିଥିଲେ । କିନ୍ତୁ ନିଆଁର ଭୟାବହତା ଦେଖି ଅଗ୍ନିଶମ ବାହିନୀକୁ ଫୋନ୍ କରିଥିଲେ ।
#WATCH | Fire breaks out in an empty train at Madhubani railway station in Bihar pic.twitter.com/Rps2N8gwKk
— ANI (@ANI) February 19, 2022