କୁକୁର ସ୍ମୃତିରେ ତିଆରି ହେଲା ମନ୍ଦିର: ଜମିରେ ମୂର୍ତ୍ତି ସ୍ଥାପନା କରି ପାଲଟିଛନ୍ତି ଉଦାହରଣ
ତାମିଲନାଡୁ: ତାମିଲନାଡୁରୁ ଆସିଛି ଏକ ଏମିତି ଘଟଣା, ଯାହା ମଣିଷ ଏବଂ ପଶୁ ମଧ୍ୟରେ ଥିବା ନିବିଡତାର ଏକ ଜ୍ୱଳନ୍ତ ଉଦାହରଣ ପାଲଟିଛି । ଆଜିକା ଯୁଗରେ ବାପା ମା’ଙ୍କୁ ଭୁଲି ମଣିଷ ଯାଉଥିବା ବେଳେ ଗୋଟିଏ ପଶୁ ପ୍ରତି ଥିବା ଏଭଳି ପ୍ରେମ ତାଙ୍କୁ ସମସ୍ତଙ୍କଠୁ ଅଲଗା ବନାଇଛି । ନିଜ ପୋଷା କୁକୁରର ସ୍ମୃତିରେ ଏକ ମନ୍ଦିର ନିର୍ମାଣ କରିବା ସହିତ କୁକୁରର ମୂର୍ତ୍ତି ମଧ୍ୟ ନିର୍ମାଣ କରିଛନ୍ତି ମାଲିକ ମୁଥୁ ।
ସୂଚନା ଅନୁସାରେ, ତାମିଲନାଡୁର ଶିବଗଙ୍ଗାର ଏହି ଘଟଣା ଏବେ ସବୁଆଡେ ଚର୍ଚ୍ଚାର ବିଷୟ ପାଲଟିଛି । ମୁଥୁ ନାମକ ୮୨ ବର୍ଷୀୟ ଜଣେ ବ୍ୟକ୍ତି ଗତ ୧୧ ବର୍ଷରୁ ପୋଷା କୁକୁର ଟମ ସହିତ ରହୁଥିଲେ । କିନ୍ତୁ ଗତ ୨୦୨୧ ମସିହାରେ ରୋଗରେ ପୋଷା ଟମର ମୃତ୍ୟୁ ହୋଇଯାଇଛି । ଏହି ଘଟଣାକୁ ସହି ନପାରି ମୁଥୁ ଖୁବ ଉଦାସ ରହୁଥିଲେ ଏବଂ ଟମକୁ ମନେ ମନେ ଖୁବ ଖୋଜୁଥିଲେ । ତେବେ ଶେଷରେ କୁକୁରର ସେବା ଏବଂ ସ୍ମୃତିକୁ ମନେ ରଖିବା ପାଇଁ ମୁଥୁ ଏକ ନିଷ୍ପତ୍ତି ନେଲେ । କୁକୁର ଟମର ସ୍ମୃତିରେ ମୁଥୁ ନିଜ ଜମିରେ ଏକ ମନ୍ଦିର ନିର୍ମାଣ କରିବା ସହିତ କୁକୁରର ମୂର୍ତ୍ତି ସ୍ଥାପନା ମଧ୍ୟ କରିଛନ୍ତି । ମୁଥୁଙ୍କ ପରିବାର ସମସ୍ତେ ଟମକୁ ଭଲ ପାଆନ୍ତି । ତେଣୁ ଟମର ସ୍ମୃତିକୁ ମନେ ରଖିବା ପାଇଁ ଏହି ମୂର୍ତ୍ତି ନିର୍ମାଣ କରିଛନ୍ତି ମୁଥୁ ।
#WATCH तमिलनाडु: शिवगंगा में 82 वर्षीय मुथु ने अपने पालतू कुत्ते टॉम के लिए अपने खेत में मंदिर बनाया है। मुथु पिछले 11 वर्षों से अपने पालतू कुत्ते टॉम के साथ रह रहे थे, पिछले वर्ष बीमारी के कारण टॉम की मृत्यु हो गई थी। pic.twitter.com/XepMwbDoG2
— ANI_HindiNews (@AHindinews) April 5, 2022
କୁକୁରଟି ପ୍ରଶିକ୍ଷିତ ତିଲା, ତେଣୁ ପରିବାରର ସମସ୍ତଙ୍କ କଥା ସେ ମାନୁଥିଲା । ତେଣୁ ବାପାଙ୍କ କଥା ଅନୁସାରେ ପ୍ରତି ଶୁକ୍ରବାର ଏବଂ ସବୁ ଶୁଭ ଦିନରେ ଟମର ଏହି ମୂର୍ତ୍ତିରେ ପୁଷ୍ପମାଲ୍ୟ ଚଢାଯାଏ ବୋଲି କହିଛନ୍ତି ମୁଥୁଙ୍କ ପୁଅ ମନୋଜ ।
