(Video) ପ୍ରଚଣ୍ଡ ଖରାରେ ପାରା ନେଲେ ପାଇପ୍ ପାଣିରେ ଗାଧୋଇବାର ମଜା; ଭାଇରାଲ ହେଉଛି ଭିଡିଓ…
ଅସହ୍ୟ ତାତିରୁ ରକ୍ଷା ପାଇବା ପାଇଁ ଖାଲି ମଣିଷ ନୁହେଁ ପଶୁପକ୍ଷୀମାନେ ମଧ୍ୟ ଡହଳ ବିକଳ ହୋଇଥାନ୍ତି । ମଣିଷମାନେ ସିନା ଖରାରୁ ରକ୍ଷା ପାଇବା ପାଇଁ ବ୍ୟବସ୍ଥା କରିପାରିଥାନ୍ତି । କିନ୍ତୁ ପଶୁପକ୍ଷୀମାନେ ଏଭଳି କରିପାରିନଥାନ୍ତି । ଡହଳ ବିକଳ ହେଉଥାନ୍ତି ପଶୁପକ୍ଷୀ । କେତେବେଳେ ଟିକିଏ ପାଣି ଦେଖିଲେ ସେଥିରେ ଶୋଷ ମେଣ୍ଟାନ୍ତି ତ’ କେତେବେଳେ ସେଥିରେ ବୁଡ଼ି ଖରାରୁ ରକ୍ଷା ପାଇଥନ୍ତି । ତେବେ ବର୍ତ୍ତମାନ ଏହିଭଳି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଖରାରୁ ରକ୍ଷା ପାଇବା ପାଇଁ କିଛି ପାରା କିପରି ପାଣିରେ ଗାଧୋଇବାର ମଜା ନେଉଛନ୍ତି ।
ଭିଡିଓରେ ଦେଖାଯାଉଛି କିପରି ପ୍ରଚଣ୍ଡ ଖରାରୁ ରକ୍ଷା ପାଇବା ପାଇଁ ପାରାମାନେ ଏହି ପାଇପ ପାଣିରେ ଗାଧେଇବାର ମଜା ନେଉଛନ୍ତି । ଡେଣା ଉପରକୁ ଭଲ ଭାବରେ ଓଦା କରି ପାକାଉଛନ୍ତି ନିଜକୁ । ତେବେ ଏହି ପାରା ଗୁଡିକୁ ପାଇପ ସାହାଯ୍ୟରେ ପାଣି ଦେଉଛନ୍ତି ଜଣେ ବୃଦ୍ଧ । ଏକାକୀ ବାହାରେ ଏକ ଚେୟାରରେ ବସି ରହିଛନ୍ତି । ତାଙ୍କର ଏହି ମହାନ କାର୍ଯ୍ୟକୁ ଖୁବ୍ ପ୍ରଶଂସା ମଧ୍ୟ କରୁଛନ୍ତି ଲୋକେ । ଏହି ହୃଦୟସ୍ପଶୀ ଭିଡିଓକୁ ଦେଖି ଅନେକ କମେଣ୍ଟ ମଧ୍ୟ ଦେଉଛନ୍ତି । ତେବେ ଏହି ଖରା ଦିନରେ ପକ୍ଷୀ ମାନଙ୍କ ପାଇଁ ଘର ବାହାରେ କିମ୍ବା ଛାତ ଉପରେ ପାଣି ରଖିବାକୁ ଅନୁରୋଧ । କାହିଁକି ନା କେଇ ବୁନ୍ଦା ଜଳ ଏଭଳି ପଶୁପକ୍ଷୀଙ୍କ ଜୀବନ ରକ୍ଷା କରିବାରେ ସାହାଯ୍ୟ କରିବ…
Empathy??
India, on average, recorded its warmest March days in 121 years with the maximum temperature across the country clocking in at 1.86°C above normal. April might be no better. Let’s be empathetic to our fellow settlers of the planet. pic.twitter.com/nPvYgnprir
— Susanta Nanda IFS (@susantananda3) April 9, 2022