“କେଜିଏଫ’ ଏବଂ “ବିଷ୍ଟ୍’ ସହିତ ଟକ୍କର ଦେବାକୁ ଡରିଲେ ଶାହିଦ, ପୁଣି ଘୁଞ୍ଚିଲା “ଜର୍ସି’ର ରିଲିଜ ତାରିଖ

ପ୍ରେକ୍ଷାଳୟକୁ ଆସିବାକୁ ଥିବା ଶାହିଦ କପୁରଙ୍କ ଅଭିନୀତ ଫିଲ୍ମ “ଜର୍ସି’ ର ରିଲିଜ ତାରିଖ ପୁଣି ଥରେ ଘୁଞ୍ଚିଛି । ଏପ୍ରିଲ ୧୪ ତାରିଖରେ ରିଲିଜ୍ ହେବାକୁ ଥିବା ଏହି ଫିଲ୍ମକୁ ପୁଣି ଥରେ ଘୁଞ୍ଚାଯାଇଛି । ଚଳିତ ସପ୍ତାହରେ ରିଲିଜ ହେଉଛି ବହୁ ପ୍ରତିକ୍ଷିତ ୟସଙ୍କ ଅଭିନୀତ ଫିଲ୍ମ କେଜିଏଫ ଚାପ୍ଟର-୨ । ଏହା ସହିତ ଥାଲାପତି ବିଜୟଙ୍କ “ବିଷ୍ଟ୍” ମଧ୍ୟ ସିନେମା ଘରକୁ ଆସୁଛି । ଏହି ଦୁଇ ହାଇ ବଜେଟ ଫିଲ୍ମ ସହିତ ସହିତ ଟକ୍କରରୁ ବଞ୍ଚିବା ପାଇଁ ଫିଲ୍ମର ନିର୍ମାତା ଏହି ନିଷ୍ପତି ନେଇଛନ୍ତି ।

ଏପ୍ରିଲ ୧୪ ତାରିଖରେ ଏହି ତିନି ଫିଲ୍ମ ରିଲିଜ ହେବାର ଥିଲା । ପୁର୍ବରୁ ଦର୍ଶକ ମାନଙ୍କ ମଧ୍ୟରେ କେଜିଏଫ ଚାପ୍ଟର-୨ ଏବଂ ବିଷ୍ଟ କୁ ନେଇ ଉତ୍କଣ୍ଠା ଲାଗି ରହିଛି । ଏଭଳି ପରିସ୍ଥିତିରେ ଜର୍ସିର ନିର୍ମାତା ଏହି ଦୁଇ ଫିଲ୍ମ ସହିତ ଟକ୍କର ଦେବାକୁ ପଛଘୁଞ୍ଚା ଦେଇଛନ୍ତି ।

ତେଲୁଗୁ ସୁପରହିଟ୍ ଫିଲ୍ମର ରିମେକ ହେଉଛି “ଜର୍ସି’ । ନାଚୁରାଲ ଷ୍ଟାର୍ ନାନି ଅଭିନିତ ଏହି ଫିଲ୍ମ ତେଲୁଗୁ ଭାଷାରେ ସୁପରହିଟ୍ ହୋଇଥିଲା । ଏଥିରେ ଜଣେ ୩୬ ବର୍ଷିୟ ବ୍ୟକ୍ତି ନିଜ ୬ ବର୍ଷ ପୁଅର ଇଚ୍ଛାକୁ ପୁରଣ କରିବାକୁ ଚାହୁଁଛି । ବ୍ୟକ୍ତି ଜଣକ ତା ପୁଅର ଖୁସି ପାଇଁ ଜୀବନରେ ସବୁଠୁ ଭଲ ପାଉଥିବା କ୍ରିକେଟ ପୁଣି ଥରେ ଖେଳିବାକୁ ନିଷ୍ପତି ନେଉଛି । ବାସ୍ତବରେ ସେହି ଲୋକଟି କ୍ରିକେଟକୁ ଛାଡ଼ିଦେଲେ ଆଉ କିଛି ଜାଣି ନାହିଁ ।