ଛାତ୍ରୀଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ଅଧ୍ୟାପକ: କଡା କାର୍ଯ୍ୟାନୁଷ୍ଠାନ ଦାବିରେ କଲେଜରେ ଉତ୍ତେଜନା
ଯାଜପୁର: ଯାଜପୁର ଜିଲ୍ଲା ବ୍ୟାସନଗର ଅଟୋନୋମସ କଲେଜରେ ଦେଖିବାକୁ ମିଳିଛି ବଡ ଉତ୍ତେଜନା । ଜଣେ ଅଧ୍ୟାପକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି କଲେଜ ସାମନାରେ ଧାରଣା ଦେଇଛନ୍ତି ଛାତ୍ରଛାତ୍ରୀ । ଜଣେ ଛାତ୍ରୀଙ୍କୁ ଏହି କଲେଜର ଅଧ୍ୟାପକ ଅଶାଳୀନ ବ୍ୟବହାର ନେଇ ଅଭିଯୋଗ ହୋଇଛି । ଏହାପରେ ସମ୍ପୃକ୍ତ ଅଧ୍ୟାପକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି ହୋଇଛି । ଏହି ଦାବି ସହ ପାଟିତୁଣ୍ଡ ମଧ୍ୟ ହୋଇଛି ।
ତେବେ ଖବର ପାଇ ଘଟଣାସ୍ଥଳରେ ପହଞ୍ଚିଛି ପୋଲିସ । ତେବେ ପୋଲିସ ପହଞ୍ଚିବା ପରେ ମାମଲା ସାମାନ୍ୟ ଥଣ୍ଡା ହୋଇଛି । ପୋଲିସ ସେଠାରେ ରହି ଛାନଭିନ କରୁଥିବା ବେଳେ ଉତ୍ତେଜନା ଲାଗି ରହିଛି । ବ୍ୟାସନଗର ଅଟୋନୋମସ କଲେଜରେ ଛାତ୍ରୀଙ୍କୁ ଦୁର୍ବ୍ୟବହାର ନେଇ ଅଭିଯୋଗ ହେବା ପରେ ଛାତ୍ରଛାତ୍ରୀମାନେ ଅଧଞକ୍ଷଙ୍କ ଅପିସ ସମ୍ମୁଖରେ ଧାରଣା ଦେଇ ଅଧ୍ୟାପକଙ୍କୁ ଗିରଫ ପାଇଁ ଦାବି କରୁଥିଲେ ।
