ହାତରେ ତିରଙ୍ଗା ଧରି ନେହୁରା ହେଉଥିଲେ ଯୁବକ: ଶୁଣିଲେଣି… ପିଟିଚାଲିଲେ ଏଡିଏମ୍…
ନୂଆଦିଲ୍ଳୀ: ସୋସିଆଲ ମିଡିଆରେ ପାଟନା ଏଡିଏମ କେ କେ ସିଂହଙ୍କ ଏକ ଭିଡିଓ ଭାଇରାଲ ହେଉଛି । ଏଥିରେ ସେ ତିରଙ୍ଗା ଧରିଥିବା ଜଣେ ଯୁବକଙ୍କୁ ନିସ୍ତୁକ ଭାବରେ ପିଟୁଥିବାର ଦେଖାଯାଉଛନ୍ତି । ଯେତେବେଳେକି ଯୁବକ ଜଣେ ତଳେ ପଡ଼ିଯାଇଥିଲେ, ଏବଂ ତାଙ୍କ ହାତରେ ତିରଙ୍ଗା ମଧ୍ୟ ରହିଥିଲା । ଏଡିଏମଙ୍କ ଲାଠିଚାର୍ଜରେ ଯୁବକ ଜଣକ ଲହୁଲୁହାଣ ହୋଇପଡ଼ିଥିଲେ । ଟ୍ୱିଟରରେ ଏହି ଭିଡିଓକୁ ଶେୟାର କରିବା ସହ ଲୋକେ ଏଡିଏମଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ସୂଚନାଯୋଗ୍ୟ, ବିହାରର ରାଜଧାନୀ ପାଟନାରେ ଡାକ ବଙ୍ଗଳା ଛକଠାରେ ଟିଚର ପରୀକ୍ଷାର୍ଥୀ ପ୍ରଦର୍ଶନ କରୁଥିଲେ । ପ୍ରଦର୍ଶନକାରୀଙ୍କ କହିଥିଲେ ଯେ ୨୦୧୯ ରୁ ଚାକିରିରେ ନିଯୁକ୍ତି ପାଇଁ ଅପେକ୍ଷା କରୁଛନ୍ତି । କିନ୍ତୁ ସରକାର ଆଶ୍ୱସନା ଦେଇଆସୁଛନ୍ତି, ଫଳରେ ସେମାନେ ବିରୋଧ ପ୍ରଦର୍ଶନ କରୁଛନ୍ତି । ଆଉ ଏହି ହଟ୍ଟଗୋଳ ମଧ୍ୟରେ ପୋଲିସ ଲାଠିଚାର୍ଜ କରି ଭିଡ଼କୁ ହଟାଇବାକୁ ଲାଗିଥିଲା ।
ସେଠାରୁ ପ୍ରଦର୍ଶନକାରୀଙ୍କୁ ହଟାଇବାକୁ ଏଡିଏମ ନିଜେ ଆସିଥିଲେ ଏବଂ ଉକ୍ତ ଯୁବକ ମିଡିଆ ସହ କଥାବାର୍ତ୍ତା ହେଉଥିବା ସମୟରେ ପିଟିଥିଲେ । ପ୍ରଦର୍ଶନକାରୀଙ୍କ ହାତରେ ତିରଙ୍ଗା ଥିଲା ସେ ତିରଙ୍ଗା ଆଗକୁ କରି ନିଜକୁ ରକ୍ଷା କରିବାକୁ ଚେଷ୍ଟା କରିଥିଲେ କିନ୍ତୁ ଏଡିଏମଙ୍କ ଲାଠିଚାର୍ଜ ଜାରି ରହିଥିଲା ଏବଂ ମାଡ଼ରେ ବ୍ୟକ୍ତି ଜଣକ ଲହୁଲୁହାଣ ହୋଇଯାଇଥିଲା ।
ଏହି ଘଟଣାର ଭିଡିଓ ଶେୟାର କରିବା ସହ ଲୋକମାନେ ଏଡିଏମ ଗୁଣ୍ଡାଗିରି କରୁଛନ୍ତି ବୋଲି କହିଛନ୍ତି । ଏଡିଏମଙ୍କ ଉପରେ ଶିକ୍ଷକ ଆଶାୟୀଙ୍କୁ ପିଟିବା , ଏବଂ ତିରଙ୍ଗାର ଅପମାନ କରିଥିବା ନେଇ କାର୍ଯ୍ୟାନୁଷ୍ଠାନ ଦାବିକରୁଛନ୍ତି ।
So Patna ADM is beating this teacher so mercilessly only for protesting.
Reasons could be?
1. Bihar main hahakar hai,
kyunki sarkar main @NitishKumar hai.
2. Bihar main Jangal Raj hai,
Jabse @yadavtejashwi ki sarkar hai.
3. Both— Shashank Shekhar Jha (@shashank_ssj) August 22, 2022
