କେବଳ ଆର୍ଯ୍ୟ ସମାଜ ମନ୍ଦିରର ମ୍ୟାରେଜ୍ ସାର୍ଟିଫିକେଟରୁ ପ୍ରମାଣିତ ହେବନି ବିବାହ: ହାଇକୋର୍ଟ
ନୂଆଦିଲ୍ଲୀ: ବାହାଘର ପ୍ରମାଣ କରିବା ପାଇଁ ଆର୍ଯ୍ୟ ସମାଜ ମନ୍ଦିରର ବିବାହ ପ୍ରମାଣପତ୍ର ଯଥେଷ୍ଟ ନୁହେଁ । ଏକ ଆବେଦନ ଶୁଣାଣି ସମୟରେ ଆହ୍ଲାବାଦ ହାଇକୋର୍ଟ ଏହି ମନ୍ତବ୍ୟ ଦେଇଛନ୍ତି । ଏହା ସହିତ ହାଇକୋର୍ଟ ଜଣେ ବ୍ୟକ୍ତି ଦ୍ୱାରା ନିଜ ପତ୍ନୀଙ୍କୁ ଫେରାଇ ଆଣିବା ପାଇଁ ଦାଖଲ ହୋଇଥିବା ଆବେଦନକୁ ଖାରଜ କରିଛନ୍ତି । ଆବେଦନକାରୀ ଭୋଲା ସିଂହ ପ୍ରମାଣ ଭାବରେ ଆର୍ଯ୍ୟ ସମାଜ ମନ୍ଦିର ଦ୍ୱାରା ପ୍ରଦାନ କରାଯାଇଥିବା ବିବାହ ପ୍ରମାଣପତ୍ର ଦାଖଲ କରିଥିଲେ ।
କୋର୍ଟରେ ଆବେଦନକାରୀ ଅଭିଯୋଗ କରିଥିଲେ ଯେ କର୍ପସ ଆବେଦନକାରୀଙ୍କ ପତ୍ନୀ । ଏହା ସହ ଆର୍ଯ୍ୟ ସମାଜ ମନ୍ଦିର ଗାଜିଆବାଦର ମ୍ୟାରେଜ୍ ସାର୍ଟିଫିକେଟ କୋର୍ଟରେ ଜମା କରିବା ସହ କିଛି ଫଟୋ ଉପସ୍ଥାପନା କରିଥିଲେ ।
ହାଇକୋର୍ଟ କହିଛନ୍ତି ଯେ, ଆର୍ଯ୍ୟ ସମାଜ ସୋସାଇଟି ଦ୍ୱାରା ପ୍ରଦାନ କରାଯାଇଥିବା ବିବାହ ପ୍ରମାଣପତ୍ର ଉପରେ ଏହି କୋର୍ଟ ଏବଂ ଅନ୍ୟାନ୍ୟ ହାଇକୋର୍ଟ ପ୍ରଶ୍ନ କରିଛନ୍ତି । ଅଦାଲତ ଦର୍ଶାଇଛନ୍ତି ଯେ, ଆର୍ଯ୍ୟ ସମାଜ ପ୍ରମାଣପତ୍ରଗୁଡ଼ିକର ସତ୍ୟତାକୁ ବିଚାର ନକରି ବିବାହ ଆୟୋଜନରେ ବିଶ୍ୱାସକୁ ଅପବ୍ୟବହାର କରୁଛି । ଅଦାଲତ କହିଛନ୍ତି ଯେ, ଯେହେତୁ ବିବାହ ପଞ୍ଜୀକୃତ ହୋଇନଥିଲା, ତେଣୁ ଆର୍ଯ୍ୟ ସମାଜ ମନ୍ଦିରର ସାର୍ଟିଫିକେଟ ଆଧାରରେ ଉଭୟ ପକ୍ଷଙ୍କ ବିବାହ ହୋଇଥିବା ନେଇ ଅନୁମାନ କରାଯାଇପାରିବ ନାହିଁ ।
ଜଷ୍ଟିସ ସୌରଭ ଶ୍ୟାମ ଶାମଶେରୀଙ୍କ ଏକ ଡିଭିଜନ ବେଞ୍ଚ କହିଛନ୍ତି ଯେ, ଅପରାଧିକ ତଥା ନାଗରିକ ଆଇନ ଅନୁଯାୟୀ ଆବେଦନକାରୀଙ୍କ ନିକଟରେ ଅନ୍ୟ ଉପାୟ ଉପଲବ୍ଧ ରହିଛି । ତେଣୁ ମନ୍ଦୀ ପ୍ରତ୍ୟକ୍ଷୀକରଣ ପାଇଁ ବର୍ତ୍ତମାନ ରିଟ୍ ଯାଚିକା ବିଚାରଣୀୟ ନୁହେଁ ।
