ଅଧଘଣ୍ଟାରେ ପହଞ୍ଚିବ iPhone 14: ଜାଣନ୍ତୁ କିପରି…
ନୂଆଦିଲ୍ଲୀ: ନିକଟରେ ଆଇଫୋନ୍ ର ଲେଟେଷ୍ଟ ମଡେଲ iPhone 14 ଲଞ୍ଚ ହୋଇଛି । ଅବଶ୍ୟ ଏହି ଫୋନକୁ ନେଇ ଅନେକ ଦିନରୁ ୟୁଜର୍ସ ଉତ୍ସାହିତ ମଧ୍ୟ ଥିଲେ । ତେବେ ବର୍ତ୍ତମାନ ଗ୍ରାହକଙ୍କୁ ଆଉ ଅଧିକ ସମୟ ଫୋନ୍ ପାଇଁ ଅପେକ୍ଷା କରିବାକୁ ପଡ଼ିବନି । କାରଣ ଏବେ ମାତ୍ର ୩୦ ମିନିଟ୍ ରେ ଘରେ ପହଞ୍ଚିଯିବ ଆଇଫୋନ୍ ।
କାରଣ ଜୋମାଟୋର ସବ୍ ବ୍ରାଣ୍ଡ୍ ବ୍ଲିଙ୍କଇଟ୍ ଆପ୍ପଲ ରିସେଲର ୟୁନିକର୍ଣ୍ଣ ସହ ସହଭାଗିତା କରିଛି । ଅବଶ୍ୟ ଏହା କେବଳ ଦିଲ୍ଲୀ ଏବଂ ମୁମ୍ବାଇରେ ଉବଲବ୍ଧ । ଘରେ ଗ୍ରୋସରୀ ଜିନିଷ ଡିଲିଭର କରୁଥିବା ବ୍ଲିଙ୍କଇଟ୍ । କମ୍ପାନୀ ତରଫରୁ କୁହାଯାଇଛି ଯେ ଗ୍ରାହକଙ୍କ ପାଖରେ ଅର୍ଡର କିଛି ମିନିଟ୍ ମଧ୍ୟରେ ପହଞ୍ଚିଯିବ ।
ସୂଚନାଯୋଗ୍ୟ, ଲଞ୍ଚ ହୋଇଥିବା ଆଇଫୋନ ୧୪ ର ୧୨୮ ଜିବି ଭ୍ୟାରିଏଣ୍ଟର ଦାମ୍ ୭୯,୦୦୦ ଟଙ୍କା, ୨୫୬ ଜିବି ଭ୍ୟାରିଏଣ୍ଟର ଦାମ୍ ୮୯,୦୦୦ ଟଙ୍କା ଏବଂ ୫୧୨ ଜିବି ଭ୍ୟାରିଏଣ୍ଟର ମୂଲ୍ୟ ୧,୦୯,୯୦୦ ଟଙ୍କା ରହିଛି । ସେହିଭଳି ଆଇଫୋନ୍ ୧୪ ପ୍ରୋ ମଡେଲର ବିଭିନ୍ନ ଭ୍ୟାରିଏଣ୍ଟ ୧୨୮ ଜିବିର ମୂଲ୍ୟ ୧,୨୯,୦୦୦, ୨୫୬ ଜିବି ର ୧,୩୯,୦୦୦ ଟଙ୍କା, ୫୧୨ ଜିବି ଭ୍ୟାରିଏଣ୍ଟର ମୂଲ୍ୟ ୧,୫୯,୯୦୦ଟଙ୍କା ଏବଂ ୧ ଟିବି ଭ୍ୟାରିଏଣ୍ଟର ମୂଲ୍ୟ ୧,୭୯,୯୦୦ ଟଙ୍କା ରହିଛି ।
ଯଦି ଆପଣ ଆଇଫୋନ୍ ୧୪ ସିରିଜ୍ ଅଫିସିଆଲ ୱେବସାଇଟ୍ ରୁ କିଣୁଛନ୍ତି, ତେବେ ଆପଣଙ୍କୁ ଏଚଡିଏଫସି କାର୍ଡରେ ୬୦୦୦ ଟଙ୍କାର ଡିସ୍କାଉଣ୍ଟ ମଧ୍ୟ ମିଳିବ ।
