‘ଭାରତ ଯୋଡୋ ଯାତ୍ରା’ରେ ତ୍ରିରଙ୍ଗା ନେଇ ଯାଉଥିବା ବେଳେ ଚାଲିଗଲା କଂଗ୍ରେସ ନେତାଙ୍କ ଜୀବନ: ଶୋକ ପ୍ରକାଶ କଲେ ରାହୁଲ ଗାନ୍ଧୀ
ମୁମ୍ବାଇ: ଭାରତ ଯୋଡୋ ଯାତ୍ରାରେ ଭାଗ ନେଇଥିବା ବେଳେ କଂଗ୍ରେସ ସେବା ଦଳର ନେତା କୃଷ୍ଣକାନ୍ତ ପାଣ୍ଡେଙ୍କର ଦେହାନ୍ତ ହୋଇଛି । କଂଗ୍ରେସର ଭାରତ ଯୋଡୋ ଯାତ୍ରା ଏବେ ମହାରାଷ୍ଟ୍ର ଦେଇ ଯାଉଛି । ଗତରାତିରେ ହିଁ ଏହି ଯାତ୍ରା ମହାରାଷ୍ଟ୍ରରେ ପ୍ରବେଶ କରିଛି । କଂଗ୍ରେସର ସେବା ଦଳର ସାଧାରଣ ସମ୍ପାଦକ ଥିଲେ ପାଣ୍ଡେ ।
କଂଗ୍ରେସ ଏକ ବୟାନରେ କହିଛି ଯେ, ପଦଯାତ୍ରାରେ ସମୟରେ ପାଣ୍ଡେ ତଳେ ପଡ଼ିଯାଇଥିଲେ ଓ ତାଙ୍କୁ ମେଡିକାଲ ନିଆଯାଇଥିଲା । ମେଡିକାଲରେ ତାଙ୍କୁ ମୃତ ଘୋଷଣା କରାଯାଇଥିଲା । କଂଗ୍ରେସର ବରିଷ୍ଠ ନେତା ଜୟରାମ ରମେଶ କହିଛନ୍ତି ଯେ, ପାଣ୍ଡେ ନିଜେ ଓ ଦଳର ବରିଷ୍ଠ ନେତା ଦିଗବିଜୟ ସିଂହଙ୍କ ସହ ତ୍ରିରଙ୍ଗା ଧରି ଯାଉଥିଲେ ଓ ଏହା ପରେ ପଡ଼ିଯାଇଥିଲେ । ତାଙ୍କୁ ତୁରନ୍ତ ଆମ୍ବୁଲାନ୍ସ ସହାୟତାରେ ମେଡିକାଲକୁ ନିଆଯାଇଥିଲା, ଯେଉଁଠାରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର ।
ରାଜ୍ୟସଭା ସଦସ୍ୟ କହିଛନ୍ତି ଯେ, ସେ ଜଣେ ଦୃଢ଼ କଂଗ୍ରେସ କର୍ମୀ ଥିଲେ ଏବଂ ନାଗପୁରରେ ଆରଏସଏସ ସହ ଲଢ଼ୁଥିଲେ । ଭାରତ ଯୋଡୋ ଯାତ୍ରାର ନେତୃତ୍ୱ ନେଉଥିବା ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ପାଣ୍ଡେଙ୍କ ପ୍ରଶଂସକଙ୍କୁ ଗଭୀର ସମବେଦନା ଜଣାଇଛନ୍ତି । ସେ ଟ୍ୱିଟ୍ କରି କହିଛନ୍ତି ଯେ, କଂଗ୍ରେସ ସେବା ଦଳର ସାଧାରଣ ସମ୍ପାଦକ କୃଷ୍ଣକାନ୍ତ ପାଣ୍ଡେ ଜୀଙ୍କର ଦେହାନ୍ତ ସମଗ୍ର କଂଗ୍ରେସ ପରିବାର ପାଇଁ ଅତ୍ୟନ୍ତ ଦୁଃଖଦାୟକ । ମୁଁ ତାଙ୍କ ପ୍ରିୟଜନଙ୍କୁ ମୋର ଗଭୀର ସମବେଦନା ଜଣାଉଛି ।’
कांग्रेस सेवा दल के महासचिव, कृष्णकांत पांडे जी का निधन पूरे कांग्रेस परिवार के लिए बहुत दुःखद है। उनके प्रियजनों को मैं अपनी गहरी संवेदनाएं व्यक्त करता हूं।
आज, यात्रा के दौरान अंतिम समय में उन्होंने हाथों में तिरंगा थामा था। देश के लिए उनका समर्पण हमें सदा प्रेरणा देता रहेगा। pic.twitter.com/VvC1O5ZJfh
— Rahul Gandhi (@RahulGandhi) November 8, 2022