ଅପରାହ୍ନ ୩ ଟାରୁ ରାତି ୯ଟା ପର୍ଯ୍ୟନ୍ତ ବିପଜ୍ଜନକ ଭାରତୀୟ ରାସ୍ତା, ଏହି ସମୟରେ ଘଟୁଛି ୪୦% ଦୁର୍ଘଟଣା: ରିପୋର୍ଟ
ନୂଆଦିଲ୍ଲୀ: ଦେଶରେ ଅନେକ ସମୟରେ ସଡ଼କ ଦୁର୍ଘଟଣାରେ ଅନେକ ଲୋକ ପ୍ରାଣ ହରାଉଛନ୍ତି। ସରକାରଙ୍କ ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ, ୨୦୨୧ ମସିହାରେ ସମୁଦାୟ ୪ ଲକ୍ଷ ୧୨ ହଜାର ୪୩୨ ସଡ଼କ ଦୁର୍ଘଟଣା ଘଟିଥିଲା ଏବଂ ସେଥିରେ ମୃତ୍ୟୁ ସଂଖ୍ୟା ୧,୫୩,୯୭୨ ଥିଲା। କିନ୍ତୁ, କିନ୍ତୁ, ଏହାକୁ ନେଇ ଏକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି ଯେ ଭାରତର ରାସ୍ତାରେ ଅଧିକାଂଶ ଦୁର୍ଘଟଣା ଅପରାହ୍ନ ୩ ଟାରୁ ୯ ଟା ମଧ୍ୟରେ ଘଟିଛି। ପରିବହନ ମନ୍ତ୍ରଣାଳୟ ଅନୁଯାୟୀ ୨୦୨୧ ମସିହାରେ ହୋଇଥିବା ମୋଟ ଦୁର୍ଘଟଣାର ୪୦ ପ୍ରତିଶତ ଏହି ସମୟରେ ଘଟିଛି।
ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ଦ୍ୱାରା ପ୍ରକାଶିତ ବାର୍ଷିକ ରିପୋର୍ଟ ‘ଭାରତରେ ସଡକ ଦୁର୍ଘଟଣା – ୨୦୨୧’ ଅନୁଯାୟୀ, ୨୦୨୧ ମସିହାରେ ମୋଟ ୪.୧୨ ଲକ୍ଷ ଦୁର୍ଘଟଣା ମଧ୍ୟରୁ ଅପରାହ୍ନ ୩ ଟାରୁ ୯ ଟା ମଧ୍ୟରେ ୧.୫୮ ଲକ୍ଷରୁ ଅଧିକ ଦୁର୍ଘଟଣା ଘଟିଛି। ଏଥି ସହିତ, ୨୦୨୧ ମସିହାରେ, ରାତି ୬ ଟାରୁ ୯ ଟା ମଧ୍ୟରେ ମୋଟ ୮୫ ହଜାର ୧୭୯ ଦୁର୍ଘଟଣା ଘଟିଥିଲା, ଯାହା ମୋଟ ମାମଲାର ୨୧ ପ୍ରତିଶତ ଅଟେ। ଯେତେବେଳେ କି, ୭୩, ୪୬୭ ଦୁର୍ଘଟଣା ଅପରାହ୍ନ ୩ ଟାରୁ ୬ ଟା ପର୍ଯ୍ୟନ୍ତ ଘଟିଛି, ଯାହା ମୋଟ ମାମଲାର ୧୮ ପ୍ରତିଶତ ଅଟେ। ପରିସଂଖ୍ୟାନ ଅନୁଯାୟୀ, ୨୦୨୧ ମସିହାରେ ୪୯୯୬ ଟି ଏଭଳି ଦୁର୍ଘଟଣା ଘଟିଥିଲା, ଯାହାର ସମୟ ସ୍ଥିର ହୋଇପାରି ନାହିଁ।
ଏହି ରିପୋର୍ଟରେ କୁହାଯାଇଛି ଯେ ଅପରାହ୍ନ ଏବଂ ସନ୍ଧ୍ୟା ସମୟ ସବୁଠାରୁ ବିପଜ୍ଜନକ ସମୟ ଅଟେ। ଏଥି ସହିତ, ରାତି ୧୨ ଟା ଠାରୁ ସକାଳ ୬ ଟା ପର୍ୟ୍ୟନ୍ତ ସମୟ ବ୍ୟବଧାନରେ ଦୁର୍ଘଟଣା ସଂଖ୍ୟା ସର୍ବନିମ୍ନ ଅଟେ, ଅର୍ଥାତ୍ ଏହି ସମୟ ସବୁଠାରୁ ସୁରକ୍ଷିତ ବୋଲି ବିବେଚନା କରାଯାଏ। ସେହିପରି ରାଜ୍ୟ ମାନଙ୍କ ତଥ୍ୟକୁ ବିଶ୍ଳେଷଣ କରି ଜଣାପଡିଛି ଯେ ତାମିଲନାଡୁରେ ସନ୍ଧ୍ୟା ୬ ରୁ ୯ ଟା ମଧ୍ୟରେ ସର୍ବାଧିକ ଦୁର୍ଘଟଣା (୧୪,୪୧୬) ଘଟିଛି। ଏହା ପରେ ମଧ୍ୟପ୍ରଦେଶ ଯେଉଁଠାରେ ୧୦,୩୩୨ ଦୁର୍ଘଟଣା ପଞ୍ଜିକୃତ ହୋଇଛି। କେରଳ, କର୍ଣ୍ଣାଟକ ଏବଂ ଉତ୍ତରପ୍ରଦେଶର ଆକଳନ ସହିତ ଅପରାହ୍ନ ୩ ଟାରୁ ୯ ଟା ମଧ୍ୟରେ ୮୨,୮୭୯ ଦୁର୍ଘଟଣା ମାମଲା ରୁଜୁ ହୋଇଛି।
