ଇତିହାସ ରଚିଲା ଭାରତ: ଜିତିଲା ପ୍ରଥମ ମହିଳା ୧୯ ବର୍ଷରୁ କମ୍ ଟି -୨୦ ବିଶ୍ୱକପ
ନୂଆଦିଲ୍ଲୀ: ଇତିହାସ ରଚିଛି ୧୯ ବର୍ଷରୁ କମ୍ ଭାରତୀୟ ମହିଳା ଦଳ । ପ୍ରଥମ ଦେଶ ଭାବେ ୧୯ ବର୍ଷରୁ କମ୍ ଟି -୨୦ ବିଶ୍ୱକପ ଟାଇଟଲ ଜିତିଛି ଭାରତ । ଦକ୍ଷିଣ ଆଫ୍ରିକାର ପୋଟଫେଷ୍ଟରୁମରେ ଖେଳାଯାଇଥିବା ଫାଇନାଲ ମ୍ୟାଚରେ ଭାରତ ଇଂଲଣ୍ଡକୁ ସାତ ୱିକେଟରେ ପରାସ୍ତ କରିଛି । ତିନିଟି ୱିକେଟ୍ ହରାଇବା ପରେ ଟିମ୍ ଇଣ୍ଡିଆ ୧୪ ଓଭରରେ ୬୯ ରନ୍ ଲକ୍ଷ୍ୟ ହାସଲ କରିଥିଲା । ଯେଉଁଥିରେ ସୌମ୍ୟ ତିୱାରୀ ୨୪(ଅପରାଜିତ) ଏବଂ ଗୋଙ୍ଗାଡି ତ୍ରିଶା (୨୪) ସର୍ବାଧିକ ରନ୍ ସଂଗ୍ରହ କରିଥିଲେ । ଇଂଲଣ୍ଡ ପାଇଁ ଥିବାବେଳେ ଷ୍ଟୋନହାଉସ୍, ସ୍କ୍ରାଇଭେନ୍ସ ଏବଂ ବେକର୍ ଗୋଟିଏ ଲେଖାଏଁ ୱିକେଟ୍ ନେଇଥିଲେ ।
ଏହି ମ୍ୟାଚର ଇଂଲଣ୍ଡ ଦଳ କେବଳ ୬୮ ରନରେ ସୀମିତ ରହିଯାଇଥିଲା । ଇଂରାଜୀ ବ୍ୟାଟ୍ସମ୍ୟାନ୍ମାନେ ଭାରତୀୟ ବୋଲରଙ୍କ ସାମ୍ନାରେ ଆଦୌ ତିଷ୍ଠି ପାରି ନଥିଲେ ଏବଂ ଆରମ୍ଭରୁ ହିଁ ସେମାନଙ୍କ ୱିକେଟ୍ ଖସିବାରେ ଲାଗିଥିଲା । ଇଂଲଣ୍ଡର କେବଳ ଚାରିଜଣ ବ୍ୟାଟ୍ସମ୍ୟାନ୍ ଦୁଇ ଅଙ୍କରେ ପହଞ୍ଚି ପାରିବେ । ଭାରତରୁ ଟି ସାଧୁ, ପାର୍ଶଭି ଚୋପ୍ରା ଏବଂ ଅର୍ଚ୍ଚନା ଦେବୀ ଦୁଇଟି ଲେଖାଏଁ ୱିକେଟ୍ ନେଇଥିଲେ ।
𝗖.𝗛.𝗔.𝗠.𝗣.𝗜.𝗢.𝗡.𝗦! 🏆🎉
Meet the winners of the inaugural #U19T20WorldCup
INDIA 🇮🇳 #TeamIndia pic.twitter.com/ljtScy6MXb
— BCCI Women (@BCCIWomen) January 29, 2023
