ଗେହଲୋଟଙ୍କ ଜୋରଦାର ପ୍ରଶଂସା କଲେ ପ୍ରଧାନମନ୍ତ୍ରୀ ମୋଦୀ, ପୁଣି କଥାକଥାରେ କଲେ କଟାକ୍ଷ
ନୂଆଦିଲ୍ଲୀ: ରାଜସ୍ଥାନରେ ଚଳିତ ବର୍ଷ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏଭଳି ସମୟରେ ରାଜ୍ୟରେ ରାଜନୈତିକ ହଲଚଲ ଜାରି ରହିଛି। କିନ୍ତୁ ଆଜି କିଛି ଏପରି ଦେଖିବାକୁ ମିଳିଥିଲା, ଯାହା ରାଜ୍ୟ ରାଜନୈତିକ ବିଶେଷଜ୍ଞମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଆଜି ଏକ ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜସ୍ଥାନ ମୁଖ୍ୟମନ୍ତ୍ରୀଙ୍କର ଖୁବ୍ ପ୍ରଶଂସା କରିଥିଲେ ।
ଆଜି ପ୍ରଧାନମନ୍ତ୍ରୀ ଆଜମେରଠାରେ ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ୍ର ଶୁଭାରମ୍ଭ କରୁଥିଲେ । ଏହି ଅବସରରେ ପ୍ରଧାନମନ୍ତ୍ରୀ ଗୋଟିଏ ପଟେ ଗେହଲଟଙ୍କର ପ୍ରଶଂସା କରୁଥିବା ବେଳେ ଅନ୍ୟପଟେ କଥାକଥାରେ କଟାକ୍ଷ କରୁଥିଲେ । ଏଭଳି ସ୍ଥିତିରେ ପ୍ରଧାନମନ୍ତ୍ରୀଙ୍କର ଆଜିର ବୟାନ ଅନେକ ଦିଗରେ ଗୁରୁତ୍ୱପୁର୍ଣ୍ଣ ଅଟେ ।
ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ରାଜସ୍ଥାନରେ ଶାସକ କଂଗ୍ରେସରେ ଚାଲିଥିବା ରାଜନୈତିକ ବିବାଦକୁ ସୂଚାଇ ରେଳ କାର୍ଯ୍ୟକ୍ରମକୁ ଆସିଥିବାରୁ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କୁ ଧନ୍ୟବାଦ ଜଣାଇଥିଲେ । ରାଜ୍ୟ ରେଳପଥ ସହ ଜଡିତ କିଛି ଦାବି ଉପସ୍ଥାପନ କରି ମୋଦୀ କହିଥିଲେ ଯେ ଜଣେ ବନ୍ଧୁ ଭାବରେ ମୁଁ ତୁମକୁ (ଗେହଲୋଟ୍) ବିଶ୍ୱାସ କରିଥିବାରୁ ମୁଁ ଆପଣଙ୍କୁ କୃତଜ୍ଞତା ଜଣାଉଛି । ତେବେ ଆଜିକାଲି ସେ ଏକ ରାଜନୈତିକ ସଙ୍କଟରେ ଅଛନ୍ତି । ସେ ଅନେକ ସଙ୍କଟ ଦେଇ ଗତି କରୁଛନ୍ତି । ଏହା ସତ୍ତ୍ୱେ ସେ ଏହି କାର୍ଯ୍ୟକ୍ରମରେ ବିକାଶ କାର୍ଯ୍ୟ ପାଇଁ ସମୟ ନେଇଥିଲେ । ଅଂଶ ଗ୍ରହଣ କରିଥିଲେ । ମୁଁ ସେମାନଙ୍କୁ ସ୍ୱାଗତ କରୁଛି ଏବଂ ସେମାନଙ୍କୁ ଅଭିନନ୍ଦନ ଜଣାଉଛି । “
