Corona Update: ୧୨ ହଜାର କରୋନା ପଜିଟିଭ୍ , ୨୪ ଘଣ୍ଟାରେ ୪୨ ମୃତ, ୬୭ ହଜାର ଉପରେ ସଂକ୍ରମଣ

ନୂଆଦିଲ୍ଲୀ : ବର୍ତ୍ତମାନ କରୋନା ସାରା ଦେଶରେ ବିପଜ୍ଜନକ ପରିସ୍ଥିତି ସୃଷ୍ଟି କଲାଣି । ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ୧୨,୧୯୩ ଟି କରୋନା ପଜିଟିଭ୍ ରିପୋର୍ଟ ଆସିଛି। ଏହାକୁ ମିଶାଇ ଦେଶରେ ସକ୍ରିୟ କରୋନା ରୋଗୀଙ୍କ ସଂଖ୍ୟା ୬୭,୫୫୬ କୁ ବୃଦ୍ଧି ପାଇଛି। ଏଥିସହ ୪୨ ସଂକ୍ରମିତ ଲୋକଙ୍କର ମୃତ୍ୟୁ ଘଟିଛି। ଦେଶରେ କରୋନା ଜୀବାଣୁ ଯୋଗୁଁ ଏପର୍ଯ୍ୟନ୍ତ ୫ ଲକ୍ଷ ୩୧ ହଜାର ୩୦୦ ଲୋକଙ୍କର ମୃତ୍ୟୁ ହୋଇଛି। ଗତ ୨୪ ଘଣ୍ଟା ମଧ୍ୟରେ କରୋନା ଠାରୁ ୧୦,୭୬୫ ଲୋକ ସୁସ୍ଥ ହୋଇଛନ୍ତି। ଏହାକୁ ମିଶାଇ କରୋନାରେ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୪,୪୨,୮୩,୦୨୧ କୁ ବୃଦ୍ଧି ପାଇଛି ।

ଅନ୍ୟପକ୍ଷରେ ଗତକାଲି ଭାରତରେ ୧୧,୬୯୨ ଟି ନୂଆ କରୋନା ସଂକ୍ରମଣ ହୋଇଥିଲା। ଏହି ଦୃଷ୍ଟିକୋଣରୁ ଆଜି ମଧ୍ୟ କରୋନା ସଂକ୍ରମଣ ହାର ବୃଦ୍ଧି ଘଟିଛି । ବର୍ତ୍ତମାନ ଭାରତର କରୋନା ସକ୍ରିୟ ସଂଖ୍ୟା ୬୭,୫୫୬ ଥିବାବେଳେ ସୁସ୍ଥ ହାର ୯୮.୬୬% ରହିଛି ।