ଶାସକ ଦଳର ୯ ବର୍ଷର କ୍ଷମତା ଉପରେ ୯ଟି ପ୍ରଶ୍ନ କରିଛି କଂଗ୍ରେସ …ଉତ୍ତର ରଖିଲା ବିଜେପି
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ରରେ ବିଜେପି ସରକାର ୯ ବର୍ଷ ପୂରଣ କରିଛି । ଏହି ପୂର୍ତ୍ତୀ ଅବସରରେ ପ୍ରଧାନମନ୍ତ୍ରୀଙ୍କ ୯ଟି ଐତିହାସିକ ନିଷ୍ପତ୍ତି ଚର୍ଚ୍ଚାରେ ଥିବାବେଳେ କଂଗ୍ରେସ ଏବେ ୯ଟି ପାଲଟା ପ୍ରଶ୍ନ ପଚାରିଛି । କିନ୍ତୁ ବିଜେପି ସାଂସଦ ତଥା ପୂର୍ବତନ କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ ଏହି ପ୍ରଶ୍ନକୁ ମିଥ୍ୟ କହିବା ସହ ଏହା ହେଉଛି କଂଗ୍ରେସର ଲଜ୍ଜାଜନକ କାର୍ୟ୍ୟ ବୋଲି କହିଛନ୍ତି ।
ମୋଦୀ ସରକାରଙ୍କ ୯ ବର୍ଷ ପୂରଣ ହେବା ପରେ ଜୟରାମ ରମେଶ କଂଗ୍ରେସ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରିଥିଲେ। ଏହି ସମୟରେ ସେ ଏକ ବୁକଲେଟ୍ ମଧ୍ୟ ପ୍ରକାଶ କରି କହିଛନ୍ତି ଯେ ଆମ ଦଳ ପ୍ରଧାନମନ୍ତ୍ରୀ ମୋଦୀଙ୍କୁ ୯ ଟି ପ୍ରଶ୍ନ ପଚାରୁଛନ୍ତି, ଆମେ ତାହାର ଉତ୍ତର ଜାଣିବାକୁ ଚାହୁଁଛୁ । ତେବେ ଆସନ୍ତୁ ଜାଣିବା ସେହି ୯ ଟି ପ୍ରଶ୍ନ କ’ଣ?
୧. ଦେଶରେ ମୁଦ୍ରାସ୍ଫୀତି ଏବଂ ବେକାରୀ କାହିଁକି ଆକାଶଛୁଆଁ ହେଉଛି? ମୋଦୀ ନିଜ ସାଙ୍ଗସାଥୀଙ୍କୁ ସର୍ବସାଧାରଣ ସମ୍ପତ୍ତି ବିକ୍ରି କରୁଛ କାହିଁକି?
୨. କୃଷକଙ୍କ ଆୟ କାହିଁକି ଦ୍ୱିଗୁଣା ହେଉ ନାହିଁ? କୃଷକମାନଙ୍କ ପାଇଁ ଏମଏସପି ଆଇନ କାହିଁକି ତିଆରି ହେଲା ନାହିଁ?
୩. ଆଦାନୀଙ୍କୁ ଲାଭ କରିବା ପାଇଁ ଏଲଆଇସି ଏବଂ ଏସବିଆଇ ରେ ଜମା କରିଥିବା ସାଧାରଣ ଲୋକଙ୍କ ଟଙ୍କା କାହିଁକି ବିନିଯୋଗ ହୋଇଛି? ଆଦାନୀଙ୍କ କମ୍ପାନୀରେ ଲାଗିଥିବା ୨୦ ହଜାର କୋଟି ଟଙ୍କା କାହାର ? ପ୍ରଧାନମନ୍ତ୍ରୀ ଉତ୍ତର ଦିଅନ୍ତୁ ।
୪. ଚୀନ୍କୁ ନାଲି ଆଖି ଦେଖାଇବା କଥା କହୁଥିବା ପ୍ରଧାନମନ୍ତ୍ରୀ ଚୀନ୍କୁ କାହିଁକି ଏକ କ୍ଲିନ୍ ଚିଟ୍ ଦେଇଛନ୍ତି? ଚୀନ ଆମ ଜମିକୁ ଜବରଦଖଲ କରିଛି ।
୫. ନିର୍ବାଚନୀ ଲାଭ ପାଇଁ ଗନ୍ଦା ରାଜନୀତି ଖେଳା ଯାଉଛି । ଯାହା ସମାଜରେ ଭୟର ବାତାବରଣ ସୃଷ୍ଟି କରୁଛି?
୬. ମହିଳା, ଦଳିତ, ସଂଖ୍ୟାଲଘୁଙ୍କ ପ୍ରତି ହେଉଥିବା ଅତ୍ୟାଚାର ଉପରେ ପ୍ରଧାନମନ୍ତ୍ରୀ କାହିଁକି ଚୁପ୍ ରହିଛନ୍ତି? ଜାତିସଂଘ ଜନଗଣନା ଦାବିରେ ପ୍ରଧାନମନ୍ତ୍ରୀ କାହିଁକି ଚୁପ୍ ଅଛନ୍ତି?
୭. ସାମ୍ବିଧାନିକ ଏବଂ ଗଣତାନ୍ତ୍ରିକ ଅନୁଷ୍ଠାନଗୁଡିକ କାହିଁକି ଦୁର୍ବଳ ହେଉଛି?
୮. ମନରେଗା ଭଳି ଯୋଜନା କାହିଁକି ଦୁର୍ବଳ ହେଉଛି?
୯. କରୋନାରେ ଭୁଲ ପରିଚାଳନା ଯୋଗୁଁ ପ୍ରାଣ ହରାଇଥିବା ୪୦ ଲକ୍ଷ ଲୋକଙ୍କ ପରିବାର କାହିଁକି ନ୍ୟାୟ ପାଇଲେ ନାହିଁ?
କଂଗ୍ରେସର ଏହି ୯ଟି ପ୍ରଶ୍ନବାଣରେ ଘାଇଲା ହୋଇଛି ବିଜେପି । ଯାହାର ଉତ୍ତର ରଖିବାକୁ ଯାଇ ବିଜେପି ସାଂସଦ ତଥା ପୂର୍ବତନ କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, “ତୁମେ ସମାଲୋଚନା କର, କିନ୍ତୁ ସମାଲୋଚନାରେ, ଦେଶ ଭିତରେ ଥିବା ସଂକଳ୍ପକୁ ଦୁର୍ବଳ କର ନାହିଁ । କୋଭିଡ ସମୟରେ ସେବା ଯୋଗାଇଥିବା ଲକ୍ଷ ଲକ୍ଷ କର୍ମଚାରୀ, ଡାକ୍ତର, ନର୍ସ, ସୁଇପର, ଆମ୍ବୁଲାନ୍ସ ଡ୍ରାଇଭରଙ୍କ ପ୍ରତି ଏହା ହେଉଛି ବଡ ଅପମାନ । କୋଭିଡ ସମୟରେ ସେମାନେ ଦେଶକୁ ବଞ୍ଚାଇବାକୁ ଚେଷ୍ଟା କରିଥିଲେ ।
कांग्रेस पार्टी के द्वारा नरेन्द्र मोदी सरकार के 9 साल पूरे होने पर शायद 9 सवाल पूछे गए हैं, लेकिन वो झूठ का बड़ा पुलिंदा है। ये कांग्रेस की बेशर्मी की पराकाष्ठा है।
– श्री @rsprasad pic.twitter.com/ybD1qBv3sq
— BJP (@BJP4India) May 26, 2023
