Video: ମହିଳାଙ୍କୁ ୪୦୦ ମିଟର ଟାଣିନେଲା ଅଟୋ, ପ୍ରାଣ ବିକଳରେ ଚିତ୍କାର କରୁଥିଲେ ମହିଳା ଶୁଣିଲାନି ଡ୍ରାଇଭର
ନୂଆଦିଲ୍ଲୀ: ମହାରଷ୍ଟ୍ରର କୋହ୍ଲାପୁରରୁ ଏକ ଆଶ୍ଚର୍ଯ୍ୟକର ଘଟଣା ସାମ୍ନାକୁ ଆସିଛି । ଏଠାରେ ଏକ ଅଟୋ ଜଣେ ମହିଳାଙ୍କୁ ୪୦୦ ମିଟର ଯାଏଁ ଘୋଷଡ଼ି ନେଇଥିଲା । କୁହାଯାଉଛି କି ଭଡ଼ାକୁ ନେଇ ବିବାଦ ମଝିରେ ଏହି ଘଟଣା ଘଟିଛି । ମହିଳା ଜଣଙ୍କର ଶାଢ଼ି ଅଟୋ ଲାଗିଥିବା ଗାର୍ଡ଼ରେ ଲାଗିଯିବାରୁ, ଏତେ ବଡ଼ ଦୁର୍ଘଟଣା ଘଟିଯାଇଥିଲା । ଏହି ସମୟର ଭିଡିଓ ମଧ୍ୟ ସାମ୍ନାକୁ ଆସିଛି ।
ପୋଲିସ ସୂଚନା ମୁତାବକ, ମହିଳାଙ୍କ ସ୍ୱାମୀ ଅଟୋ ଡ୍ରାଇଭରଙ୍କ ସହିତ ଭଡ଼ାକୁ ନେଇ ଆଲୋଚନା କରୁଥିଲେ, ଏହି ସମୟରେ ମହିଳା ଜଣକ ସେଠାକୁ ଆସିଥିଲେ ଏବଂ ସେ ମଧ୍ୟ ଅଟୋ ଚାଳକଙ୍କ ସହିତ ଭଡ଼ାକୁ ନେଇ ସେମାନଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଡ୍ରାଇଭର ଏହି ସମୟରେ ହଠାତ୍ ଅଟୋ ଚଲାଇ ଦେଇଥିଲେ ଏବଂ ମହିଳାଙ୍କ ଶାଢ଼ି ଅଟୋର ଗାର୍ଡ଼ରେ ଲାଗି ରହିଯାଇଥିଲା । ଏହାପରେ ମହିଳା ଜଣକ ଅଟୋ ପଛରେ ପ୍ରାୟ ୪୦୦ ମିଟର ଯାଏଁ ଘୋଷାଡ଼ି ହୋଇଯାଇଥିଲେ । ଏହି ଘଟଣାରେ ମହିଳା ଜଣକ ଗୁରୁତ୍ତର ଆହତ ହୋଇଥିଲେ ।
महाराष्ट्र का कोल्हापुर में चौकाने वाली घटना, ऑटो ड्राइवर से महिला का झगड़ा हुआ तो ड्राइवर ने महिला को 200 मीटर घसीटा..#Maharashtra pic.twitter.com/zixA4KhBV1
— Vivek Gupta (@imvivekgupta) July 6, 2023
ତେବେ କିଛି ବାଟ ଦୂରରେ ଜଣେ ଯୁବକ ଅଟୋକୁ ଅଟକାଇଥିଲେ, କିନ୍ତୁ ସେ ଅଟକି ନଥିଲା । ମହିଳା ଜଣକ ପ୍ରାଣ ବିକଳରେ ଚିତ୍କାର କରୁଥିଲେ ମଧ୍ୟ ଅଟୋ ଚାଳକଙ୍କ ଉପରେ ଏହାର କୋଣସି ପ୍ରବାବ ପଡ଼ିନଥିଲା । ଘଟଣାସ୍ଥଳରେ ଥିବା ଲୋକମାନେ ତୁରନ୍ତ ମହିଳାଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରିଥିଲେ ।
ଏହି ଘଟଣାକୁ ନେଇ ପୋଲିସ କହିଛି ଯେ, ପୁରା ଘଟଣା ସିସିଟିଭିରେ କଏଦ୍ ହୋଇଛି । ପୋଲିସ ଏବେ ଘଟଣାରେ ସମ୍ପୃକ୍ତ ଅଟୋ ଚାଳକକୁ ଚିହ୍ନଟ କରିବାକୁ ଚେଷ୍ଟା କରୁଛି । ଆଖପାଖର ସମସ୍ତ ସିସିଟିଭିକୁ ପୋଲିସ ଯାଞ୍ଚ କରୁଛି । ଖୁବ୍ଶୀଘ୍ର ଅଭିଯୁକ୍ତ ଅଟୋଚାଳକ ଗିରଫ ହେବ ବୋଲି ପୋଲିସ କହିଛି ।
