‘ମୁଁ କ୍ଷମା ମାଗୁଛି’: ବମ୍ବେ ହାଇକୋର୍ଟର ବିଚାରପତି ହାଉସଫୁଲ କୋର୍ଟରେ ଘୋଷଣା କଲେ ଇସ୍ତଫା
ନାଗପୁର: ଖୋଲା କୋର୍ଟରେ ଏକ ଆଶ୍ଚର୍ଯ୍ୟଜନକ ପଦକ୍ଷେପ ନେଇ ବମ୍ବେ ହାଇକୋର୍ଟର ଜଷ୍ଟିସ ରୋହିତ ବି ଦେଓ ତାଙ୍କ ଇସ୍ତଫା ଘୋଷଣା କରିଛନ୍ତି। ଜଷ୍ଟିସ ରୋହିତ ଦେବ କୋର୍ଟରେ ଉପସ୍ଥିତ ଥିବା ଲୋକଙ୍କୁ କହିଛନ୍ତି, “ଯଦି ମୁଁ କାହାକୁ ଆଘାତ ଦେଇଛି, ତେବେ ମୁଁ ଏଥିପାଇଁ କ୍ଷମା ପ୍ରାର୍ଥନା କରୁଛି। କିନ୍ତୁ ମୁଁ ମୋର ଆତ୍ମ ସମ୍ମାନ ବିରୁଦ୍ଧରେ କାର୍ଯ୍ୟ କରିପାରିବି ନାହିଁ।”
ତେବେ ଇସ୍ତଫା ଘୋଷଣା ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ଜଷ୍ଟିସ୍ ଦେବ କହିଛନ୍ତି ଯେ ବ୍ୟକ୍ତିଗତ କାରଣରୁ ସେ ଏହି ପଦ ଛାଡିଛନ୍ତି। ମୁଁ ମୋର ଇସ୍ତଫା ରାଷ୍ଟ୍ରପତିଙ୍କ ନିକଟକୁ ପଠାଇଛି। ଜଷ୍ଟିସ୍ ଦେଓଙ୍କୁ ଜୁନ୍ ୨୦୧୭ ରେ ବମ୍ବେ ହାଇକୋର୍ଟର ବିଚାରପତି ଭାବେ ନିଯୁକ୍ତି ପାଇଥିଲେ। ସେ ଡିସେମ୍ବର ୨୦୨୫ ରେ ଅବସର ନେବାକୁ ନେଇଥାନ୍ତେ। ବିଚାରପତି ହେବା ପୂର୍ବରୁ ସେ ଆଡଭୋକେଟ୍ ଜେନେରାଲ୍ ଥିଲେ।
ବମ୍ବେ ହାଇକୋର୍ଟର ନାଗପୁର ବେଞ୍ଚରେ ବସିଥିବା ଜଷ୍ଟିସ୍ ଦେଓ ୨୦୨୨ ମସିହାରେ ମାଓବାଦୀ ଲିଙ୍କ୍ ମାମଲାରେ ଦିଲ୍ଲୀ ବିଶ୍ୱବିଦ୍ୟାଳୟର ପୂର୍ବତନ ପ୍ରଫେସର ଜିଏନ୍ ସାଇବାବାଙ୍କୁ ଦୋଷମୁକ୍ତ କରି ହେଡଲାଇନ ଦେଇଥିଲେ। ସେ ଜିଏନ୍ ସାଇବାବାଙ୍କୁ ନିର୍ଦ୍ଦୋଷରେ ଖଲାସ କରି ତାଙ୍କ ଉପରେ ଆଜୀବନ କାରାଦଣ୍ଡ ବାତିଲ କରିଥିଲେ। ତେବେ ସୁପ୍ରିମକୋର୍ଟ ଏହି ନିଷ୍ପତ୍ତିକୁ ସ୍ଥଗିତ ରଖି ହାଇକୋର୍ଟର ନାଗପୁର ବେଞ୍ଚକୁ ଏହି ମାମଲାର ଶୁଣାଣି କରିବାକୁ ନିର୍ଦ୍ଦେଶ ଦେଇଛନ୍ତି।
ଗତ ସପ୍ତାହରେ ଜଷ୍ଟିସ୍ ଦେବ ମହାରାଷ୍ଟ୍ର ସରକାରଙ୍କ ଜାନୁଆରୀ ୩ ର ସଂକଳ୍ପ (ଆଦେଶ) ର କାର୍ଯ୍ୟକୁ ସ୍ଥଗିତ ରଖିଥିଲେ। ଏହି ନିର୍ଦ୍ଦେଶ ମାଧ୍ୟମରେ ନିର୍ମାଣ କାର୍ଯ୍ୟରେ ନିୟୋଜିତ କଣ୍ଟ୍ରାକ୍ଟରଙ୍କ ଦ୍ୱାରା ଛୋଟ ଖଣିଜ ପଦାର୍ଥର ବେଆଇନ ଖଣି ସମ୍ପର୍କିତ ଦଣ୍ଡବିଧାନ ପ୍ରକ୍ରିୟା ବାତିଲ କରିବାକୁ ରାଜ୍ୟକୁ କ୍ଷମତା ଦିଆଯାଇଥିଲା।