ଯଦି ସମ୍ପର୍କ ଭାଙ୍ଗିବା ଉପରେ ଅଛି, ତେବେ ସ୍ୱାମୀ-ସ୍ତ୍ରୀଙ୍କୁ ଏକାଠି ରଖିବା ଅତ୍ୟନ୍ତ କ୍ରୁରତା: ସୁପ୍ରିମକୋର୍ଟ
ନୂଆଦିଲ୍ଲୀ: ସୁପ୍ରିମକୋର୍ଟ କହିଛନ୍ତି ଯେ, ଯେତେବେଳେ ବିବାହ ଭାଙ୍ଗିବାକୁ ଯାଉଛି ଏବଂ ଏହାକୁ ବଞ୍ଚାଇବାର କୌଣସି ସମ୍ଭାବନା ନାହିଁ, ତେବେ ସ୍ୱାମୀ-ସ୍ତ୍ରୀଙ୍କୁ ଏକାଠି ରଖିବା ଅତ୍ୟନ୍ତ ନିଷ୍ଠୁରତା । ଛାଡପତ୍ର ମାମଲାର ଶୁଣାଣି ବେଳେ ସର୍ବୋଚ୍ଚ ନ୍ୟାୟାଳୟ ଏହି ମନ୍ତବ୍ୟ ଦେଇଛନ୍ତି ।
ବେଞ୍ଚ କହିଛନ୍ତି ଯେ, ପରିସ୍ଥିତିରେ ଲଗାତାର ତିକ୍ତତା, ମରିଯାଇଥିବା ଭାବପ୍ରବଣତା ଏବଂ ଦୀର୍ଘ ଦିନର ପୃଥକତା ‘ବିବାହର ଅପୂରଣୀୟ ଭାଙ୍ଗିବା’ ମାମଲା ଭାବରେ ବିବେଚନା କରାଯାଇପାରେ ।
ଛାଡପତ୍ର ପାଇଁ ସମ୍ବିଧାନର ଧାରା ୧୪୨ ବ୍ୟବହାର କରୁଥିବାବେଳେ ଜଷ୍ଟିସ ସଞ୍ଜୟ କିଶନ କୌଲ ଏବଂ ସୁଦର୍ଶନ ଧୁଲିଆଙ୍କ ବେଞ୍ଚ ଏହି ମନ୍ତବ୍ୟ ଦେଇଛନ୍ତି । ବେଞ୍ଚ କହିଛନ୍ତି ଯେ, ଯେତେବେଳେ ବିବାହ ଅପୂରଣୀୟ ଭାବରେ ଭାଙ୍ଗିଯାଏ, ସେତେବେଳେ ଏକମାତ୍ର ସମାଧାନ ହେଉଛି ଛାଡପତ୍ର । ସ୍ୱାମୀଙ୍କ ଦ୍ୱାରା ଦାଖଲ ହୋଇଥିବା ଆବେଦନକୁ ବିଚାର କରୁଥିବାବେଳେ ବେଞ୍ଚ କହିଛନ୍ତି ଯେ, ଏହା ବିବାହର ଅପୂରଣୀୟ ଭାଙ୍ଗିବାର ଏକ ଅକୃଷ୍ଟ ମାମଲା ।
ଛାଡପତ୍ର ସମ୍ବନ୍ଧରେ ନିକଟରେ ହୋଇଥିବା ଦୁଇଟି ବିଚାରକୁ ସର୍ବୋଚ୍ଚ ନ୍ୟାୟାଳୟ ଦର୍ଶାଇଛନ୍ତି । ଗୋଟିଏ ନିଷ୍ପତ୍ତିରେ କୁହାଯାଇଥିଲା ଯେ, ଯେଉଁ ବିବାହ କୌଣସି ପ୍ରକାରେ ଭାଙ୍ଗି ଯାଇଛି ତାହା କ୍ରୁରତା କାରଣରୁ ଶେଷ ହୋଇପାରିବ । ଦ୍ୱିତୀୟ ନିଷ୍ପତ୍ତିରେ କୁହାଯାଇଛି ଯେ, ବିବାହର ଅପୂରଣୀୟ ଭାଙ୍ଗିବା କାରଣରୁ ଛାଡପତ୍ର ପ୍ରଦାନ ପାଇଁ ଧାରା ୧୪୨ ବ୍ୟବହାର କରାଯାଇପାରିବ ।
ସର୍ବୋଚ୍ଚ ନ୍ୟାୟାଳୟ ତାଙ୍କ ନିଷ୍ପତ୍ତିରେ କହିଛନ୍ତି େ. ପିଲାମାନଙ୍କ ସ୍ୱାର୍ଥ ପାଇଁ ଯଦି ଉଭୟ ସ୍ୱାମୀ-ସ୍ତ୍ରୀ ସେମାନଙ୍କ ମତଭେଦକୁ ଅଲଗା କରି ଏକାଠି ରହିବାକୁ ନିଷ୍ପତ୍ତି ନେଇପାରନ୍ତି, ତା’ହେଲେ ଏହାଠାରୁ ଅଧିକ କିଛି ଆମକୁ ସନ୍ତୁଷ୍ଟ କରିବ ନାହିଁ । ଅଦାଲତ କହିଛନ୍ତି ଯେ, ଉଭୟ ପକ୍ଷ ସେମାନଙ୍କ କଠୋର ମନୋଭାବ ହେତୁ ଚୁକ୍ତିନାମା ପାଳନ କରିବାରେ ବିଫଳ ହୋଇଛନ୍ତି ଏବଂ ଆମେ ଦୁଃଖର ସହ କହିବାକୁ ବାଧ୍ୟ ଯେ ବର୍ତ୍ତମାନ ଉଭୟ ଏକାଠି ରହିପାରିବେ ନାହିଁ ।