(Video)ଜି ୨୦ ସମ୍ମିଳନୀ ଲାଗି ଭାରତର ଗରିବୀ ଉପରେ ଢାଙ୍କି ଦିଆଯାଇଛି ସବୁଜ ଚାଦର, ଭିଡିଓ ସେୟାର କରି କଡା ଭାଷାରେ ସମାଲୋଚନା କଲେ ରାହୁଲ
ନୂଆଦିଲ୍ଲୀ: ଦିଲ୍ଲୀରେ ଜି୨୦ ଶିଖର ସମ୍ମିଳନୀ ଆରମ୍ଭ ହୋଇଯାଇଛି । ଆମେରିକା,ବ୍ରିଟେନ, ଚୀନ ସହିତ ବହୁ ଦେଶର ନେତା ଏବେ ଏହି ସମ୍ମିଳନୀରେ ଯୋଗ ଦେବାକୁ ଭାରତରେ ଅବସ୍ଥାନ କରୁଛନ୍ତି । ଏହି ସମୟରେ ବିରୋଧୀ ଦଳ ଲଗାତର ସରକାରଙ୍କ ଉପରେ ଆକ୍ରମଣ କରିବାରେ ଲାଗିଛି । ଏହି ହାଇ ପ୍ରୋଫାଇଲ ପ୍ରୋଗ୍ରାମ ଲାଗି କେନ୍ଦ୍ର ସରକାର ଦିଲ୍ଲୀର ସୌନ୍ଦର୍ଯ୍ୟକରଣ କରିଛନ୍ତି । ଏହି କ୍ରମରେ ସହରର ଝୁମ୍ପୁଡି ବସ୍ତି ଅଞ୍ଚଳକୁ କଭର କରି ଦିଆଯାଇଛି । ଏହାକୁ ନେଇ କଂଗ୍ରେସ ସାଂସଦ ରାହୁଲ ଗାନ୍ଧି ଟ୍ୱିଟ କରି କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି କେନ୍ଦ୍ର ସରକାର ଦେଶର ଗରିବ ଲୋକଙ୍କୁ ଲୁଚାଉଛନ୍ତି । ନିଜର ଅତିଥିଙ୍କ ସାମ୍ନାରେ ଭାରତର ପ୍ରକୃତ ପରିଚୟ ଲୁଚାଇବାରେ କୌଣସି ଯଥାର୍ଥତା ନାହିଁ ।
ଜି ୨୦ ସମ୍ମିଳନୀକୁ ଦୃଷ୍ଟିରେ ରଖି ସରକାର ଝୁମ୍ପୁଡି ଘରଗୁଡିକୁ ଲୁଚାଇବା ବା ନଷ୍ଟ କରିଦେବାର ଯେଉଁ ପ୍ରୟାସ କରିଛନ୍ତି ତାହାକୁ ନେଇ କଂଗ୍ରେସ ଶନିବାର ସରକାରଙ୍କୁ କଡା ଭାଷାରେ ସମାଲୋଚନା କରିଛି । ରାହୁଲ ଗାନ୍ଧୀ କହିଛନ୍ତି, ଭାରତର ବାସ୍ତବିକତା ଅତିଥିଙ୍କୁ ଲୁଚାଇବାର କୌଣସି ଆବଶ୍ୟକତା ନାହିଁ । କଂଗ୍ରେସ ପକ୍ଷରୁ ଟ୍ୱିଟରରେ ଏକ ଭିଡିଓ ସେୟାର କରାଯାଇ ସରକାର କିପରି ଜି ୨୦ ସମ୍ମିଳନୀ ଲାଗି ଦିଲ୍ଲୀର ଝୁମ୍ପୁଡି ବସ୍ତି ଅଞ୍ଚଳକୁ ସବୁଜ ଚାଦରରେ ଘୋଡାଇ ରଖିଛନ୍ତି ତାହା ଦର୍ଶାଇଛନ୍ତି ।
सरकार हमें कीड़ा-मकोड़ा समझती है। हम इंसान नहीं हैं क्या?
– दिल्ली की रहने वाली रानी ये बात कहती हैं।
G20 से पहले मोदी सरकार ने अपनी नाकामी छिपाने के लिए इनके घरों को पर्दे से ढकवा दिया है।
क्योंकि राजा को गरीब से नफरत है। pic.twitter.com/kIKB2WP835
— Congress (@INCIndia) September 9, 2023
କଂଗ୍ରେସ ମହାସଚିବ ଜୟରାମ ରମେଶ କହିଛନ୍ତି ଜି ୨୦ର ଉଦ୍ଦେଶ୍ୟ ପ୍ରମୁଖ ବିଶ୍ୱ ଅର୍ଥବ୍ୟବସ୍ଥାକୁ ଏକତ୍ର କରି ବୈଶ୍ୱିକ ସମସ୍ୟ ସମାଧାନର ସହଯୋଗାତ୍ମକ ଉପାୟ ବାହାର କରିବା । କିନ୍ତୁ ଏହି କାର୍ଯ୍ୟକ୍ରମ ଲାଗି ଝୁମ୍ପୁଡି ବସ୍ତିକୁ ଢାଙ୍କି ରଖିବା କିମ୍ବା ନଷ୍ଟ କରିଦେବା କେତେଦୂର ସମୀଚିନ । ତେବେ ଝୁମ୍ପୁଡି ବସ୍ତି ଢଙ୍କାଯିବାର ଭିଡିଓ ସେୟାର କରିବା ପୂର୍ବରୁ ବିରୋଧୀ ଦଳ ଜି୨୦ ସମ୍ମିଳନୀ ପୂର୍ବରୁ ବୁଲା କୁକୁର ଓ ଅନ୍ୟ ପଶୁଙ୍କ ପ୍ରତି କ୍ରୁରତାର ଭିଡିଓ ମଧ୍ୟ ସେୟାର କରିଥିଲେ । ଝୁମ୍ପୁଡି ବସ୍ତିର ଜଣେ ନିବାସୀ କହିଛନ୍ତି ସରକାର ଆମକୁ କୀଟପୋକ ପରି ଭାବୁଛନ୍ତି । ଆମେ କ’ଣ ମଣିଷ ନୋହୁଁ ।