(Video) ରହସ୍ୟଜନକ ବିମାରୀ! ଏକସଙ୍ଗେ ପାରାଲାଇଜଡ୍ ହୋଇଗଲେ ୯୫ ଜଣ ସ୍କୁଲ ଛାତ୍ରୀ
ନୂଆଦିଲ୍ଲୀ: ଅନେକ ସମୟରେ ଆମ ପାଖପାଖରେ କିଛି ଅଜବ ଧରଣର ବିମାରୀ ଦେଖିବାକୁ ମିଳିଥାଏ । ଏଭଳି ସ୍ଥିତିରେ ଡାକ୍ତରମାନେ ମଧ୍ୟ ଚିନ୍ତିତ ହୋଇ ପଡ଼ିଥାନ୍ତି । ତେବେ ଅଚାନକ ବହୁ ସ୍କୁଲ ଛାତ୍ରୀ ଏକ ଅଜବ ଧରଣର ବିମାରୀରେ ସଂକ୍ରମିତ ହୋଇଯାଇଥିଲେ । ଫଳରେ ଚାଲିବାକୁ ସେମାନଙ୍କର ଦୁଇ ଗୋଡ଼ରେ ଶକ୍ତି ନଥିଲା । ଏହାର ଏକ ଭିଡିଓ ସାମ୍ନାକୁ ଆସିଛି ।
ସୂଚନା ମୁତାବକ, କେନିଆରେ ଦେଖିବାକୁ ମିଳିଛି ଏଭଳି ଏକ ଅଭାବନୀୟ ଘଟଣା । ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି, ସବୁ ଛାତ୍ରୀଙ୍କର ଶରୀରର ଦୁଇ ଗୋଡ଼ ଏକସଙ୍ଗେ ପାରାଲାଇଜଡ୍ ହୋଇଯାଇଥିଲା । ତେଣୁ ଉକ୍ତ ରୋଗର କାରଣ ଜାଣିବା ପାଇଁ ସମସ୍ତଙ୍କଠାରୁ ବ୍ଲଡ ଓ ୟୁରିନ୍ ସାମ୍ପୂଲ ସଂଗ୍ରହ କରାଯାଇଥିଲା । ବର୍ତ୍ତମାନ ସୁଦ୍ଧା ସେ ବାବଦରେ କିଛି ସ୍ପଷ୍ଟ ହୋଇନାହିଁ ।
ଏହି ଘଟଣା ପରେ କାକାମେଗା କାଉଣ୍ଟି ସହର ସ୍ଥିତ ସେଣ୍ଟ ସେରେସାସ ଏରେଗୀ ବାଳିକା ଉଚ୍ଚ ବିଦ୍ୟାଳୟକୁ ସଙ୍ଗେସଙ୍ଗେ ବନ୍ଦ କରିଦିଆଯାଇଥିଲା । ଅଧିକାଂଶ ଛାତ୍ରୀ ଚାଲିବାକୁ ଅକ୍ଷମ ହୋଇପଡ଼ିଥିଲେ । ତେଣୁ ପୀଡ଼ିତମାନଙ୍କର ରକ୍ତ ଓ ପରିସ୍ରା ନମୂନା ସଂଗ୍ରହ କରି କେନିଆ ମେଡିକାଲ ରିସର୍ଚ୍ଚ ଇନଷ୍ଟିଚ୍ୟୁଟ (କେଇଏମଆରଇ) ଲାବୋରେଟୋରୀକୁ ପଠାଯାଇଥିଲା । ସ୍କୁଲ ଛାତ୍ରୀମାନେ ଗତ କିଛି ସପ୍ତାହ ଧରି ହସ୍ପିଟାଲରେ ଭର୍ତ୍ତି ହୋଇଥିବା ଜଣାପଡ଼ିଛି । ତେଣୁ ଏହି ‘ମହାମାରୀ’ ଭଳି ସ୍ଥିତିକୁ ନେଇ ଛାତ୍ରୀଙ୍କର ଅଭିଭାବକଙ୍କର ଚିନ୍ତା ବଢ଼ିଯାଇଛି ।
VIDEO: A significant number of students from St. Theresa's Eregi Girls High School in Kenya have been admitted to the hospital due to an unexplained ailment. The majority of these girls are reportedly experiencing paralysis in their legs, leaving them incapable of walking. #kenya pic.twitter.com/1sPuMbIzPH
— Prince Carlton 🇺🇸 (@_PrinceCarlton_) October 5, 2023
