LIC କୁ ବଡ ଝଟକା : ସରକାରୀ ବିଭାଗ ଲଗାଇଲେ ଜୋରିମାନା, ଜଣାନ୍ତୁ କ’ଣ ରହିଛି ଏହାର କାରଣ
ନୂଆଦିଲ୍ଲୀ : ଭାରତୀୟ ଜୀବନ ବୀମା ନିଗମ (LIC) ମାଧ୍ୟମରେ ଲୋକଙ୍କୁ ବୀମା ପ୍ରଦାନ କରାଯାଇଥାଏ । ଏଲଆଇସି ମାଧ୍ୟମରେ ଜୀବନ ଏବଂ ସ୍ୱାସ୍ଥ୍ୟ ବୀମା ପ୍ରଦାନ କରାଯାଇଥାଏ । ଏଥି ସହିତ, ଏଲଆଇସି ଦେଶର ଏକ ବଡ କମ୍ପାନୀ ଯାହାକି ଦୀର୍ଘ ବର୍ଷ ଧରି ଭାରତରେ ଚାଲିଆସୁଛି । ଏଲଆଇସିରେ ଦିଆଯାଇଥିବା ଯୋଜନାଗୁଡିକରୁ ଲୋକମାନେ ଭିନ୍ନ ଭିନ୍ନ ପ୍ରକାରର ସୁବିଧା ପାଉଛନ୍ତି । କିନ୍ତୁ ବର୍ତ୍ତମାନ ଏଲଆଇସିକୁ ଏକ ଝଟକା ଲାଗିଛି । ଏଲଆଇସି ଉପରେ ଜରିମାନା ଲାଗୁ କରାଯାଇଛି ଏବଂ ଏହି ଜୋରିମାନା ଜିଏସ୍ଟି ତରଫରୁ ଏଲଆଇସି ଉପରେ ଲାଗୁ କରାଯାଇଛି ।
ଦ୍ରବ୍ୟ ଏବଂ ସେବା କରର କର୍ତ୍ତୃପକ୍ଷ, ଟିକସ ଅଳ୍ପ ଦେୟ ପାଇଁ ଲାଇଫ ଇନସୁରାନ୍ସ କର୍ପୋରେସନ୍ ଅଫ୍ ଇଣ୍ଡିଆ (LIC) ଉପରେ ଏକ ଦଣ୍ଡବିଧାନ କରିଛନ୍ତି । LIC ଉପରେ ୩୬୮୪୪ ଟଙ୍କାର ଜରିମାନା ଲାଗୁ କରାଯାଇଛି । ଏନେଇ ବୁଧବାରକୁ ବୀମା କମ୍ପାନୀ ଏହି ସୂଚନା ଦେଇଛି । ଏଲଆଇସି ଷ୍ଟକ୍ ଏକ୍ସଚେଞ୍ଜକୁ କହିଛି ଯେ, ଏଲଆଇସିକୁ ଜମ୍ମୁ କାଶ୍ମୀର ପାଇଁ ସୁଧ ଏବଂ ଜରିମାନା ସହିତ ଜିଏସ୍ଟି ସଂଗ୍ରହ ପାଇଁ ଏହା ଏକ ସଞ୍ଚାର ଆଦେଶ ମିଳିଛି ।
ରାଜ୍ୟ ଟିକସ ଅଧିକାରୀ, ଶ୍ରୀନଗରର ତରଫରୁ ଅକ୍ଟୋବର ୯, ୨୦୨୩ର ବିଜ୍ଞପ୍ତି ଅନୁଯାୟୀ, LIC କିଛି ବିଲ୍ (ଇନଭଏସ୍) ଉପରେ ୧୮ ପ୍ରତିଶତ ବଦଳରେ ୧୨ ପ୍ରତିଶତ ଜିଏସ୍ଟି ପ୍ରଦାନ କରିଛି । ତେଣୁ ଟିକସ କର୍ତ୍ତୃପକ୍ଷ ୨୦୧୯-୨୦ ପାଇଁ ଡିମାଣ୍ଡ ଅର୍ଡର ଏବଂ ପେନାଲ୍ଟି ନୋଟିସ ଜାରି କରିଛନ୍ତି। ଏଥିରେ ଜିଏସ୍ଟି ହେଉଛି ୧୦,୪୬୨ ଟଙ୍କା, ଜରିମାନା ୨୦,୦୦୦ ଟଙ୍କା ଏବଂ ସୁଧ ୬,୩୮୨ ଟଙ୍କା ରହିଛି । ଏନେଇ LIC କହିଛି ଯେ, ଏହା ନିଗମର ଆର୍ଥିକ, କାର୍ଯ୍ୟକ୍ଷମ କିମ୍ବା ଅନ୍ୟାନ୍ୟ କାର୍ଯ୍ୟକଳାପ ଉପରେ ପ୍ରଭାବ ପକାଇ ନାହିଁ ।
