ଛଟ ପର୍ବ ଲାଗି ରେଳ ଷ୍ଟେସନରେ ପ୍ରବଳ ଭିଡ, ଦଳାଚକଟାରେ ଜଣେ ମୃତ ବହୁ ଯାତ୍ରୀ ଆହତ
ସୁରଟ:ଗୁଜରାଟର ସୁରଟ ରେଳ ଷ୍ଟେସନରେ ଶନିବାର ଦଳା ଚକଟାରେ ଜଣଙ୍କ ମୃତ୍ୟୁ ହୋଇଥିବା ବେଳେ ବହୁ ଲୋକ ଆହତ ହୋଇଛନ୍ତି । ଆଗାମୀ ଛଟ ପର୍ବ ଲାଗି ବିହାର ଯାଉଥିବା ବିଶେଷ ଟ୍ରେନରେ ଚଢିବା ସମୟରେ ହୋଇଥିବା ଠେଲାପେଲାରେ ୪୦ ବର୍ଷୀୟ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଯାଇଛି ଓ ଅନ୍ୟ ୨ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।
ଏ ସଂପର୍କରେ ପଶ୍ଚିମ ରେଲୱେର ପୋଲିସ ଅଧୀକ୍ଷକ କହିଛନ୍ତି ଆଜି ସକାଳେ ଯାତ୍ରୀମାନେ ସୁରଟ ରେଳଷ୍ଟେସନରୁ ତାପ୍ତୀ ଗଙ୍ଗା ଏକ୍ସପ୍ରେସ ଟ୍ରେନରେ ଚଢିବା ସମୟରେ ଠେଲାପେଲା ଆରମ୍ଭ ହୋଇଯାଇଥିଲା । ଏହି କାରଣରୁୁ କିଛି ଲୋକ ଚେତା ହରାଇ ତଳେ ପଡି ଯାଇଥିଲେ । ରେଳ ଷ୍ଟେସନରେ ପ୍ରବଳ ଭିଡ ଥିବାରୁ ଏପରି ପରିସ୍ଥିତି ଉପୁଜିଥିଲା ବୋଲି ପୋଲିସ କହିଛି ।
