ନିଜ ଦଳର ବୁଥ୍ ଏଜେଣ୍ଟଙ୍କୁ କୁକୁର ସହ ତୁଳନା କଲେ ଖଡ୍ଗେ, Video ସେୟାର କରି ବିଜେପି କହିଲା ଏପରି କିଛି
ନୂଆଦିଲ୍ଲୀ:କଂଗ୍ରେସ ପକ୍ଷରୁ ଶନିବାର ଦିଲ୍ଲୀର ରାମଲୀଳା ମଇଦାନରେ ନ୍ୟାୟ ସଂକଳ୍ପ ର୍ୟାଲିର ଆୟୋଜନ କରାଯାଇଥିିଲା । ଏହି ର୍ୟାଲିରେ କଂଗ୍ରେସର ପୋଲିଂ ବୁଥ୍ ସ୍ତରୀୟ କାର୍ଯ୍ୟକର୍ତ୍ତାଙ୍କ ଠାରୁ ଆରମ୍ଭ କରି ବରିଷ୍ଠ ନେତା ମଧ୍ୟ ସାମିଲ ହୋଇଥିଲେ । ଦଳର କର୍ମୀମାନଙ୍କୁ ସମ୍ବୋଧନ କରିବା ସମୟରେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କେନ୍ଦ୍ରର ନରେନ୍ଦ୍ର ମୋଦୀ ସରକାରଙ୍କ ଉପରେ ବର୍ଷିଥିଲେ । ସେ କହିଥିଲେ କି ମୋଦୀ ସମସ୍ତଙ୍କ ସତ୍ୟାନାଶ କରି ଦେଇଛନ୍ତି ।
ଖଡ୍ଗେ ନ୍ୟାୟ ସଂକଳ୍ପ କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରି କହିଛନ୍ତି କି ରାହୁଲ ଗାନ୍ଧୀ ଦେଶର ସମ୍ବିଧାନକୁ ବଞ୍ଚାଇବା ଲାଗି ବିଜେପି ସରକାର ଦ୍ୱାରା ହେଉଥିବା ଅତ୍ୟାଚାର ବିରୁଦ୍ଧରେ ଲଢୁଛନ୍ତି । ଯଦି ଆପଣ ଏହି ଲଢେଇରେ ହାରିଯିବେ ତେବେ ଆପଣ ମୋଦୀଙ୍କ ଗୋଲାମ ହୋଇଯିବେ । ଏହାସହିତ ସେ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଉପରେ ବି ବର୍ଷିଥିଲେ । ଖଡଗେ କହିଥିଲେ ନୀତିଶ କୁମାର ଏବେ ପଲଟୁ ରାମରୁ ପଲଟୁ କୁମାର ହୋଇଯାଇଛନ୍ତି । ମୋଦୀଙ୍କ ଚରିତ୍ର ବି ଏହିଭଳି ବୋଲି ସେ କହିଥିଲେ ।
ତେବେ ସମ୍ବୋଧନ ଶେଷରେ କଂଗ୍ରେସ ଅଧ୍ୟକ୍ଷ ଅଜବ ତରିକାରେ କହିବା ଆରମ୍ଭ କରିଦେଇଥିଲେ । ସେ କହିଥିଲେ ଯେପରି କୁକୁର କିଣିବା ସମୟରେ ଦେଖାଯାଏ କି ଏହା ଠିକ୍ ଭାବରେ ଭୁକି ପାରୁଛି କି ନା ସେହିପରି ଭଲଭାବରେ ଭୋକିପାରୁଥିବା କାର୍ଯ୍ୟକର୍ତ୍ତାଙ୍କୁ ବୁଥ୍ର କାମ ଦିଆଯିବା ଉଚିତ ।
ତେବେ ଖଡଗେଙ୍କ ଏପରି ବୟାନକୁ ଅତ୍ୟନ୍ତ ଲଜ୍ଜାଜନକ ବୋଲି କହିଛନ୍ତି ବିଜେପି ଆଇଟି ସେଲ୍ ପ୍ରଭାରୀ ଅମିତ ମାଲବ୍ୟ । ସେ ଏକ୍ସରେ ଖଡଗେଙ୍କ ଏକ ଭିଡିଓ ସେୟାର କରିଛନ୍ତି ଓ ଲେଖିଛନ୍ତି ଯେଉଁ ଦଳର ଅଧ୍ୟକ୍ଷ ନିଜ ସଂଗଠନର ସବୁଠାରୁ ମଜଭୁତ ଓ ମହତ୍ତ୍ୱପୂର୍ଣ୍ଣ ଅଂଶ ବୁଥ୍ ଏଜେଣ୍ଟଙ୍କୁ କୁକୁର ସହ ତୁଳନା କରୁଛନ୍ତି ସେହି ଦଳର ଦୁର୍ଗତି ହେବା ନିଶ୍ଚୟ ।
जिस पार्टी का अध्यक्ष अपने संगठन की सबसे मज़बूत और महत्वपूर्ण कड़ी “बूथ एजेंट” को “कुत्ता” बनाकर उसका टेस्ट लेना चाहता है तो उस पार्टी की दुर्गति होनी तय ही है।
शर्मनाक। pic.twitter.com/O7UdO0rJvl
— Amit Malviya (@amitmalviya) February 3, 2024