ଭାରତ-ଇଂଲଣ୍ଡ ଟେଷ୍ଟ: ମ୍ୟାଚ୍ ମଝିରୁ ନାଁ ପ୍ରତ୍ୟାହାର କଲେ ଆର. ଅଶ୍ୱିନ, କ’ଣ ରହିଛି କାରଣ?
ନୂଆଦିଲ୍ଲୀ: ରବିଚନ୍ଦ୍ରନ ଅଶ୍ୱିନ ଇଂଲଣ୍ଡ ବିପକ୍ଷ ରାଜକୋଟ ଟେଷ୍ଟରୁ ନିଜ ନାମ ପ୍ରତ୍ୟାହାର କରିନେଇଛନ୍ତି। ପରିବାରରେ ଡାକ୍ତରୀ ଜରୁରୀକାଳୀନ ପରିସ୍ଥିତି ଯୋଗୁଁ ଅଶ୍ୱିନ ତୁରନ୍ତ ନିଜ ନାମ ପ୍ରତ୍ୟାହାର କରିନେଇଛନ୍ତି। ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଳାଙ୍କ ଟୁଇଟ୍ ରୁ ତାଙ୍କ ମା’ ଅସୁସ୍ଥ ଥିବା ଜଣାପଡ଼ିଛି। ଶୁକ୍ଳା ତାଙ୍କ ମା’ଙ୍କ ଆଶୁ ଆରୋଗ୍ୟ କାମନା କରିଛନ୍ତି।
Wishing speedy recovery of mother of @ashwinravi99 . He has to rush and leave Rajkot test to Chennai to be with his mother . @BCCI
— Rajeev Shukla (@ShuklaRajiv) February 16, 2024
ବିସିସିଆଇ ଟୁଇଟ୍ କରି କହିଛି, “ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ (ବିସିସିଆଇ) ଏବଂ ମୋ ସାଥୀ ଓ କର୍ମଚାରୀଙ୍କ ସମେତ ଦଳର ସମସ୍ତ ସଦସ୍ୟ ଏହି ଗମ୍ଭୀର ପରିସ୍ଥିତିରେ ଅଶ୍ୱିନ ଏବଂ ତାଙ୍କ ପରିବାରକୁ ପୂର୍ଣ୍ଣ ସମର୍ଥନ ଜଣାଇଛନ୍ତି।”
R Ashwin withdraws from the 3rd India-England Test due to family emergency.
In these challenging times, the Board of Control for Cricket in India (BCCI) and the team fully supports Ashwin.https://t.co/U2E19OfkGR
— BCCI (@BCCI) February 16, 2024
ଏଭଳି ସ୍ଥିତିରେ ଭାରତୀୟ ବୋର୍ଡ ଓ ଟିମ୍ ଅଶ୍ୱିନଙ୍କୁ ସମସ୍ତ ସୁବିଧା ଯୋଗାଇ ଦେବା ଜାରି ରଖିବ। ଆବଶ୍ୟକ ପଡ଼ିଲେ ସେଥିପାଇଁ ଅଶ୍ୱିନଙ୍କ ସହ ଆଲୋଚନା ଜାରି ରହିବ। ଖେଳାଳି ଏବଂ ସେମାନଙ୍କ ପରିବାରର ଗୋପନୀୟତା ବଜାୟ ରଖିବାକୁ ବିସିସିଆଇ ପ୍ରଶଂସକ ଏବଂ ଅନ୍ୟମାନଙ୍କୁ ନିବେଦନ କରିଛି, କାରଣ ସେ ଏକ ଚ୍ୟାଲେଞ୍ଜିଂ ସମୟ ଦେଇ ଗତି କରୁଛନ୍ତି।