CAPF ଏବଂ ଆସାମ ରାଇଫଲରେ ୨୪୦୦୦ କର୍ମଚାରୀଙ୍କ ପ୍ରତିନିଯୁକ୍ତିକୁ ମଞ୍ଜୁରୀ: ନିର୍ଦ୍ଦେଶ ଜାରି କରିଛି ଗୃହ ମନ୍ତ୍ରଣାଳୟ

ନୂଆଦିଲ୍ଲୀ: ଉନ୍ନତ ପ୍ରୋତ୍ସାହନମୂଳକ ସୁଯୋଗ, କର୍ମଚାରୀଙ୍କ ନୂତନ ନିଯୁକ୍ତି ଏବଂ ବିଭିନ୍ନ ଆଭ୍ୟନ୍ତରୀଣ ସୁରକ୍ଷା କାର୍ଯ୍ୟ ପାଇଁ ଗୁଣାତ୍ମକ ମାନବ ସମ୍ବଳ ସୁନିଶ୍ଚିତ କରିବା ପାଇଁ କେନ୍ଦ୍ର ସରକାର ପ୍ରମୁଖ ପଦକ୍ଷେପ ନେଇଛନ୍ତି । ପାଞ୍ଚଟି କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ ଏବଂ ଆସାମ ରାଇଫଲ୍ସର ବିଦ୍ୟମାନ ମାନବ ସମ୍ବଳକୁ ପ୍ରାୟ ୨୪ ହଜାର କର୍ମଚାରୀଙ୍କ ରିଜର୍ଭ ଡେପୁଟେସନକୁ ସରକାର ଅନୁମୋଦନ କରିଛନ୍ତି ।

ଗୃହ ମନ୍ତ୍ରଣାଳୟ (ଏମଏଚଏ) ମଙ୍ଗଳବାର ସିଆରପିଏଫ୍, ବିଏସଏଫ, ଆଇଟିବିପି, ସିଆଇଏସଏଫ, ଏସଏସବି ଏବଂ ଆସାମ ରାଇଫଲରେ ୨୩ ହଜାର ୯୫୮ କର୍ମଚାରୀଙ୍କ ରିଜର୍ଭ ଡେପୁଟେସନ ପାଇଁ ନିର୍ଦ୍ଦେଶ ଜାରି କରିଛି । ଆସାମ ରାଇଫଲ୍ସ ବ୍ୟତୀତ ଏହି ପାଞ୍ଚଟି ସଶସ୍ତ୍ର ପୋଲିସ ବାହିନୀ (ସିଏପିଏଫ) ଆତଙ୍କବାଦ ବିରୋଧୀ ଅପରେସନ, ସୀମା ରକ୍ଷା କରିବା, ନିର୍ବାଚନ ପରିଚାଳନା ଏବଂ ଦେଶରେ ଆଇନ ଶୃଙ୍ଖଳା ପରି ବିଭିନ୍ନ ଆଭ୍ୟନ୍ତରୀଣ ସୁରକ୍ଷା ଦାୟିତ୍ୱ ତୁଲାଇବା ପାଇଁ ନିୟୋଜିତ କରାଯାଇଛି ।

ସ୍ପେଶାଲ୍ ପ୍ରୋଟେକ୍ସନ୍ ଗ୍ରୁପ୍ (ଏସିଜି), ନ୍ୟାସନାଲ ସିକ୍ୟୁରିଟି ଗାର୍ଡ (ଏନଏସଜି), ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ (ଏନଡିଆରଏଫ), ଇଣ୍ଟେଲିଜେନ୍ସ ବ୍ୟୁରୋ (ଆଇବି) ପରି ବିଭିନ୍ନ ବିଶେଷ ସଂଗଠନର ଏଗୁଡ଼ିକ ହେଉଛି ପ୍ରାଥମିକ ମାନବ ସମ୍ବଳ । ଏହି ଏଜେନ୍ସିଗୁଡିକ ଗୃହ ମନ୍ତ୍ରଣାଳୟ ଅଧୀନରେ କାମ କରନ୍ତି ଏବଂ ଭାରତର ଆଭ୍ୟନ୍ତରୀଣ ସୁରକ୍ଷା ପାଇଁ ଦାୟୀ ।