ହୃଦୟ ବିଦାରକ…ପରଲୋକରେ ୨୦ ବର୍ଷୀୟ ପ୍ରତିଭାଶାଳୀ କ୍ରିକେଟର: ମେ ୧ ତାରିଖରେ ନେଇଥିଲେ ୩ଟି ୱିକେଟ୍
ନୂଆଦିଲ୍ଲୀ: ଦେଶରେ ଲୋକସଭା ନିର୍ବାଚନ ପାଇଁ ବିଭିନ୍ନ ପର୍ଯ୍ୟାୟରେ ମତଦାନ ପ୍ରକ୍ରିୟା ଜାରି ରହିଥିବା ବେଳେ ଏହା ମଧ୍ୟରେ ଆସିଛି ଏକ ବଡ଼ ଖବର । ଜଣେ ୨୦ ବର୍ଷୀୟ ଯୁବ କ୍ରିକେଟରଙ୍କର ପରଲୋକ ଘଟିଛି । ଯେଉଁ ବୟସରେ ଜଣେ ଖେଳାଳି ଦେଶର ସୁନାମ ପାଇଁ କଠିନ ସଂଘର୍ଷ କରିଥାଏ, ସେହି ସମୟରେ ସେ ଅଚାନକ ତାଙ୍କର ଦୁଃଖଦ ମୃତ୍ୟୁ ଘଟିଛି । ସବୁଠାରୁ ହୃଦୟ ବିଦାରକ କଥା ହେଉଛି, ଏହି ପ୍ରତିଭାଶାଳୀ କ୍ରିକେଟର ଜଣଙ୍କ ଗତ ୧ ତାରିଖରେ ଏକ କ୍ରିକେଟ ମ୍ୟାଚରେ ଖେଳି ୩ଟି ୱିକେଟ ଅକ୍ତିଆର କରିଥିଲେ । ମାତ୍ର ଆଜି ସେ ଆଉ ଆମ ଗହଣରେ ନାହାନ୍ତି ।
ଖବର ମୁତାବକ, ଇଂଲଣ୍ଡ କ୍ରିକେଟ ଜଗତରୁ ଆସିଛି ଏଭଳି ଏକ ଦୁଃଖଦ ଖବର । ୨୦ ବର୍ଷୀୟ ସ୍ପିନ ବୋଲର ଜୋଶ ବେକର ଆଉ ନାହାନ୍ତି । ମେ ୧ ତାରିଖରେ ବେକର ଏକ ମ୍ୟାଚରେ ଖେଳି ୩ଟି ୱିକେଟ ଅକ୍ତିଆର କରିଥିଲେ । ଇଂଲଣ୍ଡ ଟେଷ୍ଟ ଅଧିନାୟକ ବେନ ଷ୍ଟୋକ୍ସନଙ୍କ ସହିତ ତାଙ୍କର ଖାସ୍ ସମ୍ପର୍କ ରିହଥିଲା । ସେ ୱର୍ସେଷ୍ଟେରଶୟାର କ୍ରିକେଟ କ୍ଲବ ତରଫରୁ ଖେଳୁଥିଲେ । ବେକରଙ୍କ ନିଧନ ବାଦରେ କ୍ଲବ ପକ୍ଷରୁ କୌଣସି ବୟାନ ଦିଆଯାଇନଥିବା ବେଳେ କ୍ରିକେଟରଙ୍କ ପରିବାରର ଗୋପନୀୟତାକୁ ସମ୍ମାନ ଦେବାକୁ କୁହାଯାଇଛି ।
ତେବେ ବେକରଙ୍କ ମୃତ୍ୟୁ ପଛର କାରଣ ସ୍ପଷ୍ଟ ହୋଇନାହିଁ । ୨୦୨୧ରେ ୧୭ ବର୍ଷ ବୟସରେ ବେକର କ୍ଲବରେ ଡେବ୍ୟୁ କରିବା ସହ ନିଜର ଚୁକ୍ତି ସ୍ୱାକ୍ଷର କରିଥିଲେ । ସେ ୨୨ଟି ପ୍ରଥମଟି ଶ୍ରେଣୀ ମ୍ୟାଚ ଖେଳି ୪୩ଟି ୱିକେଟ ଓ ୨୫ଟି ହ୍ୱାଇଟ ବ୍ଲ ମ୍ୟାଚ (ଲିଷ୍ଟ-ଏ ଓ ଟି-୨୦) ଖେଳି ୨୭ଟି ୱିକେଟ ଅକ୍ତିଆର କରିଥିଲେ । ବେକର ଜଲେ ଉଦ୍ଦୀୟମାନ ଅଲରାଉଣ୍ଡର ଥିଲେ । ଗତବର୍ଷ ଗ୍ଲକଷ୍ଟରଶାୟର ବିପକ୍ଷରେ ଖେଳି ସେ କ୍ୟାରିୟରର ସର୍ବଶ୍ରେଷ୍ଠ ୭୫ ରନ୍ ସଂଗ୍ରହ କରିବା ସହତ ଦୁଇଟି ଅର୍ଦ୍ଧଶତକ କରିଥିଲେ । ସେ ଇଂଲଣ୍ଡର ଅଣ୍ଡର-୧୯ ଟିମ୍ ପାଇଁ ମଧ୍ୟ ଖେଳିଥିଲେ । ଚଳିତ ମାସ ପହିଲାରେ ଏକ ମ୍ୟାଚରେ ୬୬ ରନ୍ ଦେଇ ୩ଟି ୱିକେଟ ଅକ୍ତିଆର କରିଥିଲେ । ଏକଦା ବେକରଙ୍କ ଗୋଟିଏ ଓଭରରେ ଷ୍ଟୋକ୍ସ ୫ଟି ଛକା ଓ ୧ଟି ଚୌକା ମାରି ଚର୍ଚ୍ଚାକୁ ଆସିଥିଲେ । ମାତ୍ର ପରେ ହ୍ୱାଟସଆପ ଜରିଆର ମେସେଜ୍ ପଠାଇ ଷ୍ଟୋକ୍ସ ବେକରଙ୍କୁ ପ୍ରୋତ୍ସାହିତ କରିଥିଲେ ।
Worcestershire County Cricket Club is heartbroken to announce the untimely passing of Josh Baker, who was aged only 20 years old.
The love and prayers of everyone at the Club go out to Josh’s family and friends at this time.
➡️ https://t.co/p5C9G0apV0 pic.twitter.com/DNNOnG4Gy7
— Worcestershire CCC (@WorcsCCC) May 2, 2024
