ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା, ନିଜ ଘରେ ଲଗାଇଲେ ଫାଶୀ
ମୁମ୍ବାଇ,୧୪ ।୬: ବଲିଉଡ ଜଗତର ସଫଳ ଅଭିନେତା ସୁଶାନ୍ତ ସିଂ ରାଜପୁତଙ୍କର ଆଜି ମୃତ୍ୟୁ ଘଟିଛି । ମୁମ୍ବାଇ ବାନ୍ଦ୍ରା ସ୍ଥିତ ବାସଭବନରେ ଆତ୍ମହତ୍ୟା କରିଥିବା ସୂଚନା ମିଳିଛି । ସେ ବେକରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ଏନେଇ ସୁଶାନ୍ତଙ୍କ ଘରେ କାମ କରୁଥିବା ଜଣେ ବ୍ୟକ୍ତି ପୋଲିସକୁ ଫୋନ କରି ଜଣାଇଛନ୍ତି । ଏନେଇ ବଲିଉଡ ଜଗତରେ ଆଜି ଦୁଃଖର କଳା ବାଦଲ ଛାଇଯାଇଛି । ସେ ଧୋନୀଙ୍କ ବାୟୋପିକ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଥିଲେ ।
ତେବେ ସୁଶାନ୍ତଙ୍କ ମୃତ୍ୟୁର କାରଣ ଏପର୍ଯ୍ୟନ୍ତ ସୁଦ୍ଧା ଜଣାପଡିନାହିଁ । ବିହାରର ପାଟନାରେ ସୁଶାନ୍ତ ସିଂ ରାଜପୁତଙ୍କ ଘର । ସୁଶାନ୍ତ ବଲିଉଡର ଜଣେ ଲୋକପ୍ରିୟ ଅଭିନେତା ଥିବା ବେଳେ ସେ ଟିଭି ଅଭିନେତା ଭାବେ ନିଜର କ୍ୟାରିୟର ଆରମ୍ଭ କରିଥିଲେ । ସେ ପ୍ରଥମେ ‘କିସ ଦେଶ ମେ ବୈ ମେରା ଦିଲ’ ସିରିଏଲରେ କାମ କରିଥିଲେ । ପରେ ପବିତ୍ର ରିସ୍ତାରେ କାମ କରିବା ପରେ ବେଶ ଲୋକପ୍ରିୟତା ଅର୍ଜନ କରିଥିଲେ । ଏହା ସହ ଧୋନିଙ୍କ ବାୟୋପିକ୍ରେ ଅଭିନୟ କରିଥିଲେ ସୁଶାନ୍ତ ସିଂ । ‘କାଇପୋଚେ’ ଚଳଚ୍ଚିତ୍ରରେ ଡେବ୍ୟୁ କରିଥିଲେ ସୁଶାନ୍ତ । ପିକେ, ଛିଛୋରେ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ । କିଛି ଦିନ ତଳେ ତାଙ୍କ ମ୍ୟାନେଜର୍ ଦିଶାଙ୍କର ମୃତ୍ୟୁ ହୋଇଥିଲା ।
