କୋଲକାତା ଡାକ୍ତର ଦୁଷ୍କର୍ମ ଘଟଣା: Elective Service ପାଇଁ ଦେଶବ୍ୟାପୀ ଡାକ୍ତରଙ୍କ ଆନ୍ଦୋଳନ, ରାସ୍ତାକୁ ଓହ୍ଲାଇଲେ Resident Doctors
ପଶ୍ଚିମବଙ୍ଗ: କୋଲକାତାରେ ମହିଳା ଡାକ୍ତରଙ୍କୁ ଦୁଷ୍କର୍ମ ଏବଂ ହତ୍ୟା ମାମଲା ଏବେ ସାରା ଦେଶରେ ଆନ୍ଦୋଳନର ରୂପ ନେଇଛି । ଏ ନେଇ ଫେଡେରେସନ୍ ଅଫ୍ ରେଜିଡେଣ୍ଟ ଡକ୍ଟର୍ସ ଆସୋସିଏସନ୍(FORDA) ଦେଶବ୍ୟାପୀ ଆନ୍ଦୋଳନ କରିବା ପାଇଁ ଆହ୍ୱାନ ଦେଇଛି । ଆସନ୍ତା ସୋମବାରରୁ ହସ୍ପିଟାଲରେ ଇଲେକ୍ଟିଭ ସର୍ଭିସ ପ୍ରଦାନ କରିବା ପାଇଁ ଆସୋସିଏସନ୍ ପକ୍ଷରୁ ଦାବି ହୋଇଛି । ଏହି ମାମଲା ପରେ ପ୍ରଭାବିତ ହୋଇଥିବା ମେଡିକାଲ କମ୍ୟୁନିଟିରେ ଏକତା ଏବଂ ପୀଡ଼ିତାଙ୍କୁ ଉପଯୁକ୍ତ ନ୍ୟାୟ ସହିତ ସ୍ୱାସ୍ଥ୍ୟକର୍ମୀମାନଙ୍କ ପ୍ରତି ସୁରକ୍ଷା ବ୍ୟବସ୍ଥା ବୃଦ୍ଧି କରିବା ପାଇଁ ଆନ୍ଦୋଳନର ରାସ୍ତା ବାଛିଛି FORDA ।
“ଆର.ଜି କରଙ୍କ ସହକର୍ମୀଙ୍କ ସହ ଆମର ଏକତାର ଚିହ୍ନ ଭାବରେ ଆମେ ସୋମବାର ଠାରୁ ଡାକ୍ତରଖାନାଗୁଡ଼ିକରେ ଚୟନ ସେବା ବନ୍ଦ କରିବାକୁ ଦେଶବ୍ୟାପୀ ଘୋଷଣା କରିଛୁ। ଏହି ନିଷ୍ପତ୍ତି ହାଲୁକା ଭାବେ ନିଆଯାଇନଥାଏ, କିନ୍ତୁ ନ୍ୟାୟ ତଥା ସୁରକ୍ଷା ପାଇଁ ଉଠିଥିବା ଦାବିଗୁଡିକ ଯଥାଶୀଘ୍ର ପୂରଣ କରିବାକୁ ଆନ୍ଦୋଳନର ଆବଶ୍ୟକ ରହିଛି । ଏ ନେଇ ଏକ ବିଜ୍ଞପ୍ତିରେ ଦର୍ଶାଇଛି FORDA ।
ଇଲେକ୍ଟିଭ ସର୍ଭିସ ଏକ ଅତ୍ୟାବଶ୍ୟକ କିମ୍ବା ମେଡିକାଲ କ୍ଷେତ୍ରରେ ଜରୁରୀ ନୁହେଁ, ତେଣୁ ଏହି ସେବାକୁ ବନ୍ଦ କରାଯିବ । ରୋଗୀଙ୍କୁ ଅନ-ସାଇଟରେ ପ୍ରଦାନ କରାଯାଇଥିବା ନିର୍ଧାରିତ କ୍ଲିନିକାଲ୍ ଆନାସ୍ଥେସିଆ ସେବା ମଧ୍ୟ ଏଥିରେ ସାମିଲ ରହିଛି । FORDA କହିଛି ଯେ, ସେମାନଙ୍କ ସେବା ନିଶ୍ଚିତ କରିବାକୁ ଏହି ସେବାଗୁଡିକ ବନ୍ଦ କରିବାର ନିଷ୍ପତ୍ତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ନିଷ୍ପତ୍ତି ହାଲୁକା ଭାବେ ନିଆଯାଇନଥାଏ, କିନ୍ତୁ ନ୍ୟାୟ ତଥା ସୁରକ୍ଷା ପାଇଁ ଉଠିଥିବା ଦାବିଗୁଡିକ ଯଥାଶୀଘ୍ର ପୂରଣ କରିବାକୁ ଆନ୍ଦୋଳନର ଆବଶ୍ୟକ ରହିଛି ବୋଲି କହିଛି ଫେଡେରେସନ୍ ।
ମାମଲାରେ FORDA ତରଫରୁ ହୋଇଥିବା ଦାବି:
- ଆରଜି କର ମେଡିକାଲ କଲେଜ ବାସିନ୍ଦାଙ୍କ ଦାବି ଉପରେ ତୁରନ୍ତ କାର୍ୟ୍ୟାନୁଷ୍ଠାନ
- ଡାକ୍ତରଙ୍କ ସୁରକ୍ଷା ପାଇଁ ଶାନ୍ତିପୂର୍ଣ୍ଣ ଭାବରେ ଆନ୍ଦୋଳନ କରିବା ଅଧିକାର ବିରୋଧରେ ପୋଲିସର ସହଯୋଗ
- ମୃତକଙ୍କ ପରିବାର ପାଇଁ ଉପଯୁକ୍ତ କ୍ଷତିପୂରଣ ସମେତ ପୀଡିତାଙ୍କ ପାଇଁ ତୁରନ୍ତ ନ୍ୟାୟ
- କେନ୍ଦ୍ର ସରକାରଙ୍କ ଦ୍ୱାରା ସ୍ୱାସ୍ଥ୍ୟକର୍ମୀଙ୍କ ପାଇଁ ଏକ ସୁରକ୍ଷା ପ୍ରୋଟୋକଲ୍ ରିଲିଜ୍ କରିବା ସହ ଏହାକୁ କାର୍ୟ୍ୟକାରୀ କରିବା ଏବଂ କଡା ପାଳନ ପାଇଁ ନିର୍ଦ୍ଦେଶ
- କେନ୍ଦ୍ରୀୟ ସ୍ୱାସ୍ଥ୍ୟସେବା ସୁରକ୍ଷା ଆଇନର ଅନୁମୋଦନକୁ ତ୍ୱରାନ୍ୱିତ କରିବା ପାଇଁ ଡାକ୍ତରୀ ସମ୍ପ୍ରଦାୟର ପ୍ରତିନିଧୀଙ୍କ ସମେତ ଏକ ବିଶେଷଜ୍ଞ କମିଟି ଗଠନ
ଏହି ମାମଲାକୁ ନେଇ କୋଲକାତାରେ ଡାକ୍ତର ଏବଂ ଛାତ୍ରମାନଙ୍କ ବିରୋଧ ଦେଖାଦେଇଛି । ଏହାବ୍ୟତୀତ ନର୍ସ ଏବଂ ମେଡିକାଲ ଛାତ୍ରଛାତ୍ରୀମାନେ ନ୍ୟାୟ ଦାବିରେ ଏକ କ୍ୟାଣ୍ଡଲ ମାର୍ଚ୍ଚ ମଧ୍ୟ କରିଛନ୍ତି । ତେବେ ଏହି ବିରୋଧ ପ୍ରଦର୍ଶନରେ କେହି ଜଣେ ବାହାର ଲୋକ ସାମିଲ ହେବାକୁ ଚେଷ୍ଟା କରିଥିବା ବେଳେ ମାମଲା ଗରମ ହୋଇଥିଲା । ଏହି ମାରପିଟରେ ୨ ଜଣ ପୋଲିସ କର୍ମଚାରୀ ଆହତ ହୋଇଛନ୍ତି । ଏହାପୂର୍ବରୁ ଇଣ୍ଡିଆନ୍ ମେଡିକାଲ ଆସୋସିଏସନ୍(IMA) ଏହି ମାମଲାରେ ତୁରନ୍ତ କାର୍ଯ୍ୟାନୁଷ୍ଠାନ ସହିତ ୪୮ ଘଣ୍ଟା ମଧ୍ୟରେ ପୀଡ଼ିତାଙ୍କୁ ନ୍ୟାୟ ଦାବିରେ ଏକ ବିବୃତ୍ତି ଜାରି କରିଛି । ନଚେତ ଦେଶବ୍ୟାପୀ ବିରୋଧ ପ୍ରଦର୍ଶନ କରାଯିବ ବୋଲି ଚେତାବନୀ ଦେଇଥିଲା IMA ।
