କୋଲକାତା ଦୁଷ୍କର୍ମ-ହତ୍ୟା ମାମଲା: ସ୍ୱାସ୍ଥ୍ୟ ମନ୍ତ୍ରାଳୟ ବାହାରେ ରୋଗୀର ଚିକିତ୍ସା କରିବେ ଡାକ୍ତର

ନୂଆଦିଲ୍ଲୀ: କୋଲକାତାରେ ମହିଳା ଡାକ୍ତରଙ୍କ ହତ୍ୟା ବିରୋଧରେ ସାରା ଦେଶରେ ଆନ୍ଦୋଳନ ଜାରି ରହିଛି। ସୋମବାର ଦିନ AIIMS ଏବଂ ଦିଲ୍ଲୀର ଅନ୍ୟ ହସ୍ପିଟାଲର ରେସିଡେଣ୍ଟ ଡାକ୍ତର ସ୍ୱାସ୍ଥ୍ୟ ମନ୍ତ୍ରାଳୟ ବାହାରେ ରୋଗୀଙ୍କ ଚିକିତ୍ସା କରି ନିଜର ବିରୋଧ ପ୍ରଦର୍ଶନ ଜାରି ରଖିବେ। ରେସିଡେଣ୍ଟ ଡାକ୍ତର ଆସୋସିଏସନ କହିଛନ୍ତି ଯେ, ଡାକ୍ତର ୧୯ ଅଗଷ୍ଟରୁ ଦିଲ୍ଲୀରେ ନିର୍ମନ ଭବନ ସାମ୍ନା ରାସ୍ତାରେ ରୋଗୀଙ୍କର ଚିକିତ୍ସା କରି ବିରୋଧ ପ୍ରଦର୍ଶନ କରିବେ। ଏଠାରେ କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରାଳୟର କାର୍ଯ୍ୟକାଳ ଅଟେ।

କୋଲକାତାରେ ଯେଉଁ ଜୁନିୟର ଡାକ୍ତରଙ୍କ ହତ୍ୟା କରାଯାଇଛି, ତାଙ୍କ ବାପା ପଶ୍ଚିମ ବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିରୋଧରେ ସ୍ୱର ଉତ୍ତୋଳନ କରିଛନ୍ତି। ସେ କହିଛନ୍ତି ଯେ, ମୋ ଝିଅକୁ ନ୍ୟାୟ ଦେବାକୁ ଦାବି କରୁଥିବା ଲୋକଙ୍କୁ ନୀରବ କରିବାକୁ ଚେଷ୍ଟା କରାଯାଇଛି।

ସେ କହିଛନ୍ତି, ‘ମୁଖ୍ୟମନ୍ତ୍ରୀ ନ୍ୟାୟ ଦେବା କଥା କହୁଛନ୍ତି, ହେଲେ ନ୍ୟାୟ ଦାବି କରୁଥିବା ସାଧାରଣ ଲୋକଙ୍କୁ ଜେଲ କାହିଁକି ପଠାଉଛନ୍ତି? ମୁଖ୍ୟମନ୍ତ୍ରୀ ଯାହା କରୁଛନ୍ତି, ସେଥିରେ ଆମେ ସନ୍ତୁଷ୍ଟ ନୁହେଁ। ଆମେ ରାଜ୍ୟ ସରକାରଙ୍କ ଦ୍ୱାରା ଆମକୁ ଦିଆଯାଇଥିବା କ୍ଷତିପୂରଣକୁ ଅସ୍ୱୀକାର କରିଛୁ।’