ଅଜନ୍ତା ଏଲୋରା ଫିଲ୍ମ ଫେଷ୍ଟିଭାଲର ସମ୍ମାନିତ ଅଧ୍ୟକ୍ଷ ହେଲେ ଆଶୁତୋଷ ଗୋୱାରିକର
ମୁମ୍ୱାଇ: ୧୦ମ ଅଜନ୍ତା ଏଲୋରା ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ସମ୍ମାନଜନକ ଅଧ୍ୟକ୍ଷ ଭାବେ ବରିଷ୍ଠ ଚଳଚ୍ଚିତ୍ର ନିର୍ମାତା ଆଶୁତୋଷ ଗୋୱାରିକରଙ୍କୁ ମନୋନୀତ କରାଯାଇଛି। ଆଶୁତୋଷଙ୍କ ଅନେକ ଫିଲ୍ମ ଅସ୍କାର ପାଇଁ ମନୋନୀତ ହୋଇଛି । ତାଙ୍କର ଫିଲ୍ମ ଲଗାନ, ସ୍ୱଦେଶ, ଯୋଧା ଆକବର, ପାନିପତ କେବଳ ଦର୍ଶକଙ୍କୁ ଆକର୍ଷିତ କରିନଥିଲା ବରଂ ଚଳଚ୍ଚିତ୍ର ସମୀକ୍ଷକମାନଙ୍କୁ ମଧ୍ୟ ଆକର୍ଷିତ କରିଥିଲା ।
ସେ ଓସ୍କାର ପୁରସ୍କାର ପ୍ରଦାନ କରୁଥିବା ଏକାଡେମୀ ଅଫ୍ ମୋସନ୍ ପିକ୍ଚର୍ ଆର୍ଟସ୍ ଆଣ୍ଡ ସାଇନ୍ସର ଭୋଟିଂ ସଦସ୍ୟ। ଆସନ୍ତା ବର୍ଷ ଜାନୁଆରି ୧୫ରୁ ୧୯ ତାରିଖ ପର୍ଯ୍ୟନ୍ତ ଛତ୍ରପତି ସମ୍ଭାଜୀନଗରରେ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଅନୁଷ୍ଠିତ ହେବ। ପ୍ରତିଷ୍ଠାତା ସଭାପତି ନନ୍ଦ କିଶୋର କାଗଲିୱାଲ ଓ ମୁଖ୍ୟ ପୃଷ୍ଠପୋଷକ ଅଙ୍କୁଶରାଓ କଦମଙ୍କ ନେତୃତ୍ୱରେ ଗଠିତ ଆୟୋଜକ କମିଟି ଉତ୍ସବର ବିବରଣୀ ପ୍ରଦାନ କରିଥିଲେ।
ଆଶୁତୋଷ ଗୋୱାରିକର ଓ ସୁନୀଲ ସୁକଥନକରଙ୍କ ସମେତ ଚଳଚ୍ଚିତ୍ର ମହୋତ୍ସବ ଆୟୋଜନ ପାଇଁ ଆୟୋଜକ କମିଟି ସଦସ୍ୟଙ୍କ ନାମ ଘୋଷଣା କରିଛି। ମରାଠୱାଡା ଆର୍ଟ, କଲଚର ଆଣ୍ଡ ଫିଲ୍ମ ଫାଉଣ୍ଡେସନ ପକ୍ଷରୁ ଅଜନ୍ତା ଏଲୋରା ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଆୟୋଜନ କରାଯାଏ । ନାଥ ଗ୍ରୁପ୍, ଏମ୍ଜିଏମ୍ ବିଶ୍ୱବିଦ୍ୟାଳୟ, ଯଶବନ୍ତରାଓ ଚୌହାନ ସେଣ୍ଟର ପକ୍ଷରୁ ଏହାକୁ ଉପସ୍ଥାପନ କରାଯାଇଛି।
ଏହାକୁ ଏଫ୍ଆଇପିଇଏସ୍ସିଆଇ ଓ ଏଫ୍ ଏଫ୍ ଏସ୍ ଆଇ ଭଳି ପ୍ରତିଷ୍ଠିତ ଅନୁଷ୍ଠାନ ସମର୍ଥନ କରୁଛନ୍ତି। ଏହା ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ, ଜାତୀୟ ଚଳଚ୍ଚିତ୍ର ଉନ୍ନୟନ ନିଗମ ଏବଂ ମହାରାଷ୍ଟ୍ର ସରକାରଙ୍କ ଦ୍ୱାରା ସ୍ୱୀକୃତିପ୍ରାପ୍ତ ।