ଆଶ୍ଚର୍ଯ୍ୟଜନକ ରିପୋର୍ଟ: ୨୧୦୦ ସୁଦ୍ଧା ବନ୍ଦ ହେବ ବିବାହ ପ୍ରଥା, ଆଉ କେହି କରିବେନି ବିବାହ
ନୂଆଦିଲ୍ଲୀ: ସମୟକୁ ତାଳଦେଇ ବଦଳୁଛି ମଣିଷର ଚିନ୍ତାଧାରା, ସେହିପରି ବଦଳୁଛି ବିବାହର ଧାରଣା । ପୂର୍ବରୁ ବିବାହକୁ ଏକ ପବିତ୍ର ବନ୍ଧନ ଭାବେ ବିବେଚନା କରାଯାଉଥିଲା। ଥରେ ବିବାହ କରିବା ପରେ ସ୍ୱାମୀ-ସ୍ତ୍ରୀଙ୍କ ଅଲଗା ହେବା ନେଇ କୌଣସି ଚର୍ଚ୍ଚା ହେଉନଥିଲା । ସମୟ କ୍ରମେ ବିବାହ ସହିତ ଛାଡ଼ପତ୍ର ମଧ୍ୟ ବଢ଼ିବାରେ ଲାଗିଛି। ଟିକେ ଟିକେ କଥାରେ ଛାଡ଼ପତ୍ରରେ ଶେଷ ହେଉଛି ସମ୍ପର୍କ। ସେପଟେ ଅନୈତିକ ସମ୍ପର୍କ, ଲିଭ୍ ଇନ୍ ରିଲେସନ୍ ସିପ୍, ଡେଟିଂ, ପତ୍ନୀ ଅଦଳବଦଳ ଯାହା ଭାରତରେ ଘୃଣ୍ୟ, ଅଶ୍ଳୀଳ ବୋଲି ବିବେଚନା କରାଯାଉଥିବା ଏହି ସବୁ ଜିନିଷ ପୂର୍ବରୁ ବିଦେଶରେ ସୀମିତ ରହିଥିଲା, ତାହା ମଧ୍ୟ ସବୁଠି ଦେଖିବାକୁ ମିଳିଲାଣି।
ଏସବୁର ପରିଣାମ ହେଉଛି ମହିଳାମାନେ ସ୍ୱାଧୀନ ହେବାକୁ ଚାହାଁନ୍ତି, ବିବାହ କରିବାକୁ ଚାହାନ୍ତି ନାହିଁ । ଏସବୁର ପରିଣାମ ହେଉଛି ଆଗାମୀ ୬-୭ ଦଶନ୍ଧି ମଧ୍ୟରେ ଅର୍ଥାତ୍ ପ୍ରାୟ ୨୧୦୦ ବେଳକୁ ବିବାହ ର ଧାରଣା ଶେଷ ହୋଇଯିବ। କେହି ବିବାହ କରିବେ ନାହିଁ, ଏହା ଏକ ଚିନ୍ତାଜନକ ରିପୋର୍ଟ । ଏହାକୁ ନେଇ ବିଶେଷଜ୍ଞଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଯୁବପିଢ଼ି କ୍ୟାରିୟର, ବ୍ୟକ୍ତିଗତ ଅଭିବୃଦ୍ଧି ଏବଂ ଅଭିଜ୍ଞତା ଉପରେ ଅଧିକ ଧ୍ୟାନ ଦେଉଛନ୍ତି। ଏହା ସହିତ ଲିଭ୍ ଇନ୍ ରିଲେସନ୍ ସିପ୍ ଏବଂ ଅପ୍ରଚଳିତ ରିଲେସନ୍ ସିପ୍ ମଧ୍ୟ ବଢ଼ିବାରେ ଲାଗିଛି।
ଏହା ଦ୍ୱାରା ବିବାହର ଆବଶ୍ୟକତା ଦୂର ହୋଇଥାଏ। ଏହାବ୍ୟତୀତ ଟେକ୍ନୋଲୋଜି ଏବଂ ଆର୍ଟିଫିସିଆଲ ଇଣ୍ଟେଲିଜେନ୍ସକ୍ଷେତ୍ରରେ ଉନ୍ନତି ମଧ୍ୟ ଏହାର ଏକ କାରଣ। ଏହା ଦ୍ୱାରା ଭବିଷ୍ୟତରେ ମାନବ ସମ୍ପର୍କ ଭିନ୍ନ ଦେଖାଯାଇପାରିବ ବୋଲି ସେ ବିଶ୍ୱାସ କରନ୍ତି । ଏଥିସହିତ ଜୀବନଧାରଣ ଖର୍ଚ୍ଚ ଭଳି ଅର୍ଥନୈତିକ କାରଣ ମଧ୍ୟ ଲୋକଙ୍କୁ ବିବାହ ପ୍ରତି କମ୍ ଆକର୍ଷିତ କରୁଛି। ବିଶେଷକରି ମହିଳାମାନେ ଏବେ ଆତ୍ମନିର୍ଭରଶୀଳ ଜୀବନ ଚାହୁଁଛନ୍ତି।
ସେମାନଙ୍କୁ ନଖ ଦରକାର ନାହିଁ। ବିବାହ ହେଉଛି ଏକ ବନ୍ଧନ, ଯେଉଁଠି ସେମାନଙ୍କର ସ୍ୱାଧୀନତା ନାହିଁ, ସେମାନଙ୍କର କୌଣସି ଭବିଷ୍ୟତ ନାହିଁ, କ୍ୟାରିୟରରେ ଆଗକୁ ବଢିପାରିବେ ନାହିଁ, ଦିନକୁ ଦିନ ଏଭଳି ଭାବନା କରୁଥିବା ଲୋକଙ୍କ ସଂଖ୍ୟା ବୃଦ୍ଧି ପାଉଛି, ଯେଉଁକାରଣରୁ ଆଜିକାଲି ଅନେକ ଲୋକ ବିବାହ କରିବାକୁ ପ୍ରସ୍ତୁତ ନୁହଁନ୍ତି । ବିବାହ ପରେ ମଧ୍ୟ ସେମାନେ ସନ୍ତାନ ଜନ୍ମ କରିବାକୁ ନାରାଜ। ଯଦି ଏହି ଧାରା ଜାରି ରହେ ତେବେ ୨୧୦୦ ବେଳକୁ ବିବାହ ଭଳି କିଛି ହେବ ନାହିଁ ।
ଲାନ୍ସେଟ୍ ର ଏକ ଅଧ୍ୟୟନ ଅନୁଯାୟୀ, ବର୍ତ୍ତମାନ ପୃଥିବୀରେ ୮ ବିଲିୟନ ଲୋକ ବାସ କରୁଛନ୍ତି। ଆଗାମୀ ଦିନରେ ଏହି ସଂଖ୍ୟାରେ ଯଥେଷ୍ଟ ପରିବର୍ତ୍ତନ ହେବ। ସମଗ୍ର ବିଶ୍ୱରେ ଜନସଂଖ୍ୟା ପ୍ରଜନନ ହାର ଦ୍ରୁତ ଗତିରେ ହ୍ରାସ ପାଉଛି । ଏହି ପରିବର୍ତ୍ତନ ଭବିଷ୍ୟତରେ ମଣିଷକୁ ଅଧିକ ପ୍ରଭାବିତ କରିବ ବୋଲି ବିଶ୍ୱାସ କରାଯାଉଛି। ୧୯୫୦ ମସିହାରୁ ସବୁ ଦେଶରେ ଜନ୍ମ ହାର ହ୍ରାସ ପାଇବାରେ ଲାଗିଛି । ୧୯୫୦ ମସିହାରେ ଜନସଂଖ୍ୟା ପ୍ରଜନନ ହାର ୪.୮୪% ଥିଲା । ୨୦୨୧ ସୁଦ୍ଧା ଏହା ୨.୨୩%କୁ ଖସି ଆସିଛି। ୨୧୦୦ ସୁଦ୍ଧା ଏହା ୧.୫୯% କୁ ଖସିବାର ସମ୍ଭାବନା ରହିଛି।
View this post on Instagram