ଜେଇଇ ମେନ୍ ୨୦୨୫ ପରୀକ୍ଷା ପାଟର୍ନରେ ପରିବର୍ତ୍ତନ: ପ୍ରଶ୍ନର ଚୟନ ପାଇଁ ଏବେ ଆଉ ମିଳିବନି ବିକଳ୍ପ

ନୂଆଦିଲ୍ଲୀ: ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ଜେଇଇ ମେନ ୨୦୨୫ ପରୀକ୍ଷା ଢାଞ୍ଚାରେ ପରିବର୍ତ୍ତନ କରିଛି । ଜାତୀୟ ପରୀକ୍ଷା ଏଜେନ୍ସି ମଧ୍ୟ ଏ ସମ୍ପର୍କରେ ବିଜ୍ଞପ୍ତି ଜାରି କରିଛି । ଏନଟିଏ କହିଛି ଯେ କୋଭିଡ-୧୯ ମହାମାରୀ ସମୟରେ ରିଲିଫ୍ ପଦକ୍ଷେପ ଭାବରେ କାର୍ଯ୍ୟକାରୀ ହୋଇଥିବା କାଗଜର ସେକ୍ସନ୍ ବିରେ ଥିବା ଇଚ୍ଛାଧୀନ ପ୍ରଶ୍ନ ଫର୍ମାଟ୍ ବର୍ତ୍ତମାନ ବନ୍ଦ ହୋଇଯିବ ।

ପୂର୍ବରୁ ଛାତ୍ରଛାତ୍ରୀମାନଙ୍କୁ ପ୍ରତ୍ୟେକ ବିଷୟର ସେକ୍ସନ ବିରେ ୧୦ ରୁ ୫ ଟି ସାଂଖ୍ୟିକ ପ୍ରଶ୍ନର ସମାଧାନ କରିବାର ବିକଳ୍ପ ଦିଆଯାଇଥିଲା ।
ଏହା ୨୦୨୧ ରେ ଆରମ୍ଭ ହୋଇଥିଲା, ଯାହା ୨୦୨୪ ପର୍ଯ୍ୟନ୍ତ ପ୍ରଭାବଶାଳୀ ଥିଲା । ଆଗାମୀ ପରୀକ୍ଷାରେ ଛାତ୍ରଛାତ୍ରୀମାନେ ଏହି ସୁବିଧା ପାଇବେ ନାହିଁ । ଜେଇଇ ମେନ୍ ୨୦୨୫ ର ସେକ୍ସନ ବି ରେ ବର୍ତ୍ତମାନ ପ୍ରତ୍ୟେକ ବିଷୟ ପାଇଁ କେବଳ ୫ ସାଂଖ୍ୟିକ ପ୍ରଶ୍ନ ରହିବ, ଯେଉଁଥିରେ ପ୍ରାର୍ଥୀଙ୍କୁ ସମସ୍ତ ପ୍ରଶ୍ନର ଉତ୍ତର ଦେବାକୁ ପଡ଼ିବ । ୨୦୨୧ ପୂର୍ବରୁ ଏହି ପାଟର୍ନ ଥିଲା ।
ନୂଆ ପାଟର୍ନ କ’ଣ ?

ଜାତୀୟ ପରୀକ୍ଷା ଏଜେନ୍ସି ଅନୁଯାୟୀ, ଇଞ୍ଜିନିୟରିଂ ପାଠ୍ୟକ୍ରମ ପାଇଁ ଜେଇଇ ମେନ୍ ପରୀକ୍ଷା ପେପରରେ ତିନୋଟି ବିଭାଗ ରହିବ । ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଏବଂ ଗଣିତ । ପରୀକ୍ଷା ସମୟ ୩ ଘଣ୍ଟା ହେବ ଏବଂ ସମୁଦାୟ ୯୦ ଟି ପ୍ରଶ୍ନ ପଚରାଯିବ, ଯେଉଁଥିରେ ପ୍ରତ୍ୟେକ ବିଭାଗର ୩୦ ଟି ପ୍ରଶ୍ନ ଅନ୍ତର୍ଭୁକ୍ତ ହେବ । ସେକ୍ସନ୍ ଏ’ରେ ୨୦ ଟି ଏକାଧିକ ବିକଳ୍ପ ପ୍ରଶ୍ନ (ଏମସିକ୍ୟୁ) ଥିବାବେଳେ ସେକ୍ସନ ବି ରେ ୧୦ ଟି ସାଂଖ୍ୟିକ ପ୍ରଶ୍ନ ରହିବ । ସଂଶୋଧିତ ପରୀକ୍ଷା ପାଟର୍ନ ଅନୁଯାୟୀ, ସେକ୍ସନ ବି’ର ସମସ୍ତ ପାଞ୍ଚଟି ପ୍ରଶ୍ନ ବାଧ୍ୟତାମୂଳକ ହେବ । ପରୀକ୍ଷା ମୋଟ ୩୦୦ ମାର୍କର ହେବ ଏବଂ ପ୍ରତ୍ୟେକ ସଠିକ ପ୍ରଶ୍ନ ପାଇଁ ପ୍ରାର୍ଥୀ ୪ ମାର୍କ ପାଇବେ । ପ୍ରତ୍ୟେକ ଉତ୍ତର ପାଇଁ ୧ ମାର୍କ କଟାଯିବ ।