ସ୍ତବ୍ଧ କରିଦେଲା ଭଳି ଭିଡିଓ; ଫୁଟବଲ ମ୍ୟାଚ୍ ବେଳେ ହେଲା ବଜ୍ରପାତ, ଚାଲିଗଲା ଖେଳାଳିଙ୍କ ଜୀବନ
ନୂଆଦିଲ୍ଲୀ: ପେରୁରେ ଏକ ଫୁଟବଲ ମ୍ୟାଚ୍ ବେଳେ ହେଲା ବଜ୍ରପାତ। ଏଥିରେ ଜଣେ ଖେଳାଳିଙ୍କ ମୃତ୍ୟୁ ଘଟିଛି । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି । ପେରୁର ଜୁଭେଣ୍ଟୁଡ୍ ବେଲାଭିସ୍ତା ନାମକ ଦୁଇଟି କ୍ଲବ୍ ଏବଂ ହୁଆନକାୟୋର ଫାମିଲିଆ ଚୋକା ମଧ୍ୟରେ ଖେଳାଯାଇଥିବା ମ୍ୟାଚ୍ ସମୟରେ ଏହି ଦୁଃଖଦ ଘଟଣା ଘଟିଛି । ଏଥିରେ କିଛି ଖେଳାଳି ଆହତ ହୋଇଥିବା ମଧ୍ୟ ସୂଚନା ମିଳିଛି ।
ସୋସିଆଲ ମିଡିଆରେ ପ୍ରକାଶିତ ପୋଷ୍ଟ ଅନୁଯାୟୀ, ପ୍ରବଳ ବର୍ଷା ଯୋଗୁଁ ରେଫରି ଖେଳାଳିଙ୍କୁ ପଡ଼ିଆ ବାହାରକୁ ଆସିବାକୁ କହିଥିଲେ । ଖେଳାଳିମାନେ ପଡ଼ିଆ ବାହାରକୁ ଯାଉଥିବା ବେଳେ ୩୯ ବର୍ଷୀୟ ଫୁଟବଲ ଖେଳାଳି ଜୋସେ ହ୍ୟୁଗୋ ଡି ଲା କ୍ରୁଜ୍ ମେସାଙ୍କ ଉପରେ ବଜ୍ରପାତ ହୋଇଥିଲା । ଘଟଣାସ୍ଥଳରେ ସେ ପୋଡ଼ିହୋଇ ଯାଇଥିବା ଦେଖାଯାଉଛି । ଅନ୍ୟ କିଛି ଖେଳାଳି ବି କିଛି ପୋଡ଼ି ହୋଇଯାଇଥିବା କୁହାଯାଉଛି, ସେମାନଙ୍କୁ ଡାକ୍ତରଖାନା ନିଆଯାଇଛି ।
In Peru, a soccer player died after being struck by lightning during a match
The tragedy occurred on November 3 during a match between clubs Juventud Bellavista and Familia Chocca, held in the Peruvian city of Huancayo.
During the game, a heavy downpour began and the referee… pic.twitter.com/yOqMUmkxaJ
— NEXTA (@nexta_tv) November 4, 2024
ଡିଫେଣ୍ଡର ଜୋସେ ହ୍ୟୁଗୋ ଡି ଲା କ୍ରୁଜ୍ ମେସାଙ୍କ ମୃତ୍ୟୁ ଘଟିଥିବା ବେଳେ ଏରିକ୍ ଏଷ୍ଟିଭେନ୍ କ୍ସେଣ୍ଟେ କୁଏଲର୍, ଜୋଶେପ୍ ଗୁସ୍ତାଭୋ ପାରିଓନା ଚୋକା ଏବଂ କ୍ରିଷ୍ଟିଆନ୍ ସେସର ପିଟୁଏ କହୁଆନାଙ୍କ ଭଳି ଖେଳାଳି ବଜ୍ରାଘାତରେ ଆକ୍ରାନ୍ତ ହୋଇ ଚିକିତ୍ସାଧୀନ ଅଛନ୍ତି । ସ୍ଥାନୀୟ ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ ଗୋଲରକ୍ଷକ ଜୁଆନ୍ ଚୋକାଲାକ୍ଟାଙ୍କ ଅବସ୍ଥା ସଙ୍କଟାପନ୍ନ ରହିଛି । ଅପରାହ୍ନ ପ୍ରାୟ ୪ଟା ବେଳକୁ ମ୍ୟାଚ୍ ବାତିଲ ହୋଇଥିବା ରିପୋର୍ଟରେ କୁହାଯାଇଛି ।
