(Video) ଆନ୍ଦୋଳିତ କଲା ଭଳି ଭିଡିଓ… ଛାଡଖାଇରେ ନିଜ ଜୀବନକୁ ରକ୍ଷା କରିବା ପାଇଁ ଗଛକୁ ଚଢିପଡିଲା ଛେଳି

ନୂଆଦିଲ୍ଲୀ: ରବିବାର ରାଜ୍ୟବାସୀ ପାଳିଛନ୍ତି ଛାଡଖାଇ । ମାସେ କାଳ ଧରି ଆମିଷ ଖାଇନଥିବା ବେଳେ ପୂର୍ଣ୍ଣିମା ପରଦିନ ଆମିଷ ଖାଇ ଛାଡଖାଇ ପାଳିଥାନ୍ତି ଲୋକେ । ତେବେ ଏଥର ପୂର୍ଣ୍ଣିମା ପରଦିନ ସଂକ୍ରାନ୍ତି ପଡିବାରୁ ଲୋକେ ରବିବାର ଦିନ ଛାଡଖାଇ ପାଳିଛନ୍ତି । ମାଛ, ମାଂସ, ଚିକେଟ ଖାଇ ଛାଡଖାଇକୁ ସେଲିବ୍ରେସନ କରିଛନ୍ତି । ଚିକେଟ ମଟନର ଦାମ୍ ଅହେତୁକ ବୃଦ୍ଧି ହୋଇଥିଲେ ମଧ୍ୟ ଖାଉଟିଙ୍କ ଉପରେ କୌଣସି ପ୍ରଭାବ ପଡିନଥିଲା । ଅନେକ ଜୀବନକୁ ହତ୍ୟା କରାଯାଇଥିବା ବେଳେ ରେକର୍ଡ ସଂଖ୍ୟକ ବିକ୍ରି ହୋଇଥିବା ନେଇ ଜଣାପଡିଛି । କେବଳ ଭୁବନେଶ୍ବର ହିଁ 5 କୋଟି ଟଙ୍କାର ବେପାର ହୋଇଛି । ଏହାରି ଭିତରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି  । ଛାଡଖାଇରେ ବଳି ପଡିବାରୁ ବର୍ତ୍ତିବାକୁ ଛେଳିଟି ଖଜୁରୀ ଗଛରେ ଚଢିପଡିଛି । ଭିଡିଓଟିକୁ ଦେଖିଲେ ଏଭଳି ମନେହଉଛି ଯେ, ଛେଳିଟି ବୁଝିଯାଇଛି ଯେ ତାକୁ ହତ୍ୟା କରାଯିବ । ମାଂସଲୋଭୀ ମଣିଷ 800 ଟଙ୍କା କିଲୋ ଦେଇ ମଧ୍ୟ ମାଂସ ଖାଇବ । ତଳେ ଅନେକ ଛେଳି ବନ୍ଧା ହୋଇ ରହିଥିବା ବେଳେ ଉକ୍ତ ଛେଳିଟି ଗଛ ଉପରେ ଛିଡା ହୋଇ ତଳକୁ ଚାହିଁ ରହିଛି ।

କଥାରେ ଅଛି, ଯେତେବେଳେ ମୃତ୍ୟୁକୁ ପାଖରୁ ଦେଖାଯାଏ, ସେତେବେଳେ ଶକ୍ତି ଆହୁରି ବୃଦ୍ଧି ପାଇଥାଏ । ଏହି ଉକ୍ତିଟି ଛେଳି କ୍ଷେତ୍ରରେ ମଧ୍ୟ ପ୍ରଯୁଜ୍ୟ ବୋଲି ଜଣାପଡିଛି । ଛେଳି କେବେ ଗଛ ଚଡିବା ଦେଖାଯାଇନଥିଲେ ହେଁ ଏହି ଭିଡିଓ ସମସ୍ତଙ୍କୁ ଆନ୍ଦୋଳିତ କରୁଛି । ସୋସିଆଲ ମିଡିଆରେ ମଧ୍ୟ ଏହି ଭିଡିଓ ଖୁବ ଭାଇରାଲ ହେଉଛି ।