କଳିଯୁଗରେ ଭଗବାନ କୃଷ୍ଣଙ୍କ ଦେହରେ ବି ଲଗାଇଦେଲେ ନିଆଁ
ନୂଆଦିଲ୍ଲୀ: ବାଂଲାଦେଶରେ ବିରୋଧ ପ୍ରଦର୍ଶନକାରୀଙ୍କର ହିନ୍ଦୁ ଏବଂ ହିନ୍ଦୁ ମନ୍ଦିର ଉପରେ ଆକ୍ରମଣ ଜାରି ରଖିଛନ୍ତି। ଶୁକ୍ରବାର ରାତିରେ ଢାକାର ଏକ ହିନ୍ଦୁ ମନ୍ଦିରକୁ ଟାର୍ଗେଟ କରାଯାଇଥିବାର ଖବର ବର୍ତ୍ତମାନ ସାମ୍ନାକୁ ଆସିଛି। ସ୍ଥାନୀୟ ମିଡିଆ ରିପୋର୍ଟ ଅନୁସାରେ, ପ୍ରଦର୍ଶନକାରୀ ଇସ୍କନ ମନହଟ୍ଟା ମନ୍ଦିର ଢାକା ଉପରେ ଶୁକ୍ରବାର ରାତିରେ ଆକ୍ରମଣ କରିଛନ୍ତି।
ସୂଚନା ଅନୁସାରେ, ପ୍ରଥମେ ଏହି ମନ୍ଦିରରେ ଭଙ୍ଗାରୁଜା କରାଯାଇଥିଲା, ପରେ ଏହି ପ୍ରଦର୍ଶନକାରୀ ଦେବତାମାନଙ୍କ ମୂର୍ତ୍ତିରେ ନିଆଁ ଲଗାଇଦେଇଛନ୍ତି। ବାଂଲାଦେଶ ସ୍ଥିତ ଏହି ମନ୍ଦିରର ପରିଚାଳନା ଇସ୍କନ କରୁଥିଲା। ସେହିପରି ଏହି ଆକ୍ରମଣ ପରେ ପୁଣି ଥରେ ହିନ୍ଦୁ ସଂଗଠନଗୁଡିକ ଅଭିଯୋଗ ଆଣିଛନ୍ତି ଯେ, ପ୍ରଦର୍ଶନକାରୀ ଲଗାତାର ସଂଖ୍ୟାଲଘୁ ହିନ୍ଦୁମାନଙ୍କୁ ଟାର୍ଗେଟ କରିଛନ୍ତି ଏବଂ ମହମ୍ମଦ ୟୂନୁସ ମୁକଦର୍ଶକ ପାଲଟିଯାଇଛନ୍ତି।
କୋଲକାତା ଇସ୍କନର ଅପାଧ୍ୟକ୍ଷ ରାଧାରମଣ ଦାସ ମଧ୍ୟ ଏହି ଘଟଣାକୁ ସ୍ପଷ୍ଟ କରିଛନ୍ତି। ସେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, ‘ମନ୍ଦିରର ଟିଣ ଛାତକୁ ହଟାଯାଇଛି ଏବଂ ମୂର୍ତ୍ତିଗୁଡିକୁ ଜଳାଇବା ପୂର୍ବରୁ ପେଟ୍ରୋଲ ପକାଯାଇଛି। ଗୋଟିଏ ସପ୍ତାହ ପୂର୍ବରୁ, ଇସ୍କନ ନମହଟ୍ଟା କେନ୍ଦ୍ରକୁ ମୁସଲିମ ମାଓବାଦୀମାନେ ଜବରଦସ୍ତ ବନ୍ଦ କରିଦେଇଥିଲେ। ଚିନ୍ମୟ ଦାସ ପ୍ରଭୁଙ୍କୁ ଗିରଫ ଏବଂ ହିନ୍ଦୁ ସଂଗଠନ ଇସ୍କନ ଉପରେ ପ୍ରତିବନ୍ଧକ ଲଗାଇବାର ପ୍ରୟାସ କରାଯାଇ, ହିନ୍ଦୁ ବିରୋଧକୁ ଦମନ କରାଯାଉଛି। ହିନ୍ଦୁମାନଙ୍କର ଉତ୍ପୀଡନ ଜାରି ରହିଛି।’
