ଅତୁଲ ସୁଭାଷଙ୍କୁ ଭିନ୍ନ ଢଙ୍ଗରେ ଶ୍ରଦ୍ଧାଞ୍ଜଳି ଦେଲା ଏହି ରେଷ୍ଟୁରାଣ୍ଟ, ଭାଇରାଲ ହେଉଛି ଫଟୋ
ନୂଆଦିଲ୍ଲୀ: ଅତୁଲ ସୁଭାଷଙ୍କ ନାମକ ଜଣେ ଇଞ୍ଜିନିୟର କିଛିଦିନ ତଳେ ଜୀବନ ହାରିଦେଇଥିଲେ। ବେଙ୍ଗଲୁରୁର ଏହି ଇଞ୍ଜିନିୟରଙ୍କ ଜୀବନ ହାରିବା ଘଟଣା ସମସ୍ତେ ଜାଣିଛନ୍ତି। ଜୀବନ ହାରିବା ପୂର୍ବରୁ ଅତୁଳ ସୁଭାଷ ୬୩ ମିନିଟର ଏକ ଭିଡିଓ କରିଥିଲେ ଯାହା ସୋସିଆଲ ମିଡିଆରେ ଖୁବ ଭାଇରାଲ ହୋଇଛି। ବର୍ତ୍ତମାନ ସେହି ଭିଡିଓ ପରେ ସୋସିଆଲ ମିଡିଆରେ ଏକ ବିଲ୍ ର ଫଟୋ ଖୁବ ଭାଇରାଲ ହେଉଛି। ଏହି ଫଟୋ ଏଥିପାଇଁ ଭାଇରାଲ ହେଉଛି, କାରଣ ଏହା ଅତୁଳ ସୁଭାସଙ୍କୁ ଏକ ଖାସ ଭାବେ ଶ୍ରଦ୍ଧାଞ୍ଜଳି ପ୍ରଦାନ କରିଛି।
ବର୍ତ୍ତମାନ ସୋସିଆଲ ମିଡିଆରେ ଯେଉଁ ବିଲ୍ରର ଫଟୋ ଭାଇରାଲ ହେଉଛି, ଏହି ବିଲ୍ରେ ଆଇଟମ ଏବଂ ପେମେଣ୍ଟର ସୂଚନା ତଳେ ଅତୁଲ ସୁଭାଷଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରାଯାଇଛି। ବିଲ୍ର ସର୍ବନିମ୍ନରେ ଲେଖାଯାଇଛି, ‘ଆମେ ଅତୁଲ ସୁଭାସଙ୍କ ଜୀବନହାରିବାକୁ ନେଇ ଗଭୀର ଶୋକ ପ୍ରକାଶ କରୁଛୁ। ତାଙ୍କର ଜୀବନ ଅନ୍ୟ ଲୋକଙ୍କ ପରି ମୂଲ୍ୟବାନ ଥିଲା। ଆରଆଇପି ଭାଇ। ଆମେ ଆଶା କରୁଛୁ ଯେ, ଆର ପାରିରେ ଆପଣଙ୍କୁ ଶାନ୍ତି ମିଳୁ।’ ଏପରି ଭାବେ ରେଷ୍ଟୁରାଣ୍ଟ ଅତୁଳ ସୁଭାଷଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି। ବର୍ତ୍ତମାନ ଏହି ବିଲ୍ ର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।
