କାର୍କୁ ପିଟିଲା ବସ୍, ଗୋଟିଏ ପରିବାରର ଚାଲିଗଲା ୫ ଜୀବନ
ନୂଆଦିଲ୍ଲୀ: ଦେଶରେ ବଢୁଛି ଦୁର୍ଘଟଣା ମାମଲା। ଏଭଳି ଏକ ଦୁର୍ଘଟଣା କବର ରାଜସ୍ଥାନରୁ ସାମ୍ନାକୁ ଆସିଛି। କରୌଲୀ ଜିଲ୍ଲାରେ ମଙ୍ଗଳବାର ରାତିରେ ଏକ ବଡ଼ ସଡ଼କ ଦୁର୍ଘଟଣା ଘଟିଛି। ଦୁର୍ଘଟଣାରେ କାରରେ ଯାତ୍ରା କରୁଥିବା ୫ଜଣ ଲୋକଙ୍କ ମୃତ୍ୟୁ ଘଟିଛି ଏବଂ ବସରେ ଯାତ୍ରା କରୁଥିବା ୧୫ ଜଣ ମଧ୍ୟ ଆହତ ହୋଇଛନ୍ତି। ଏହି ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ଦୁର୍ଘଟଣା ଏତେ ଭୟଙ୍କର ହୋଇଛି ଯେ, ଯେଉଁଥିରେ କାରରେ ଯାତ୍ରା କରୁଥିବା ଗୋଟିଏ ପରିବାରର ୫ଜଣ ଲୋକଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଡିଏମ ତୀଲାଭ ସକ୍ସେନା, ଏସପି ବୃଜେଶ ଜ୍ୟେତି ଉପାଧ୍ୟାୟ ଏବଂ ଏସଏପି ଗୁମନାରାମ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚିଛନ୍ତି। ସେ କାର ଏବଂ ବସରେ ଫଶିଥିବା ଲୋକଙ୍କୁ ବାହାର କରି ଜିଲ୍ଲା ହସ୍ପିଟାଲରେ ଭର୍ତ୍ତି କରାଇଛନ୍ତି।
ମୃତକଙ୍କ ମଧ୍ୟରେ ସ୍ୱାମୀ-ସ୍ତ୍ରୀ, ପୁଅ-ଝିଅ ଏବଂ ଜଣେ ମହିଳା ସଂପର୍କୀୟ ସାମିଲ ଅଛନ୍ତି। ମୃତକଙ୍କ କାରରେ ମିଳିଥିବା ଆଧାର କାର୍ଡ ଜରିଆରେ ସମସ୍ତଙ୍କ ପରିଚୟ ମିଳିଛି।
