Breaking: ତେଲେଙ୍ଗାନାରେ ବସ୍ ଦୁର୍ଘଟଣା, ଚାଲିଗଲା 4 ଓଡ଼ିଆ ଶ୍ରମିକଙ୍କର ପ୍ରାଣ
ତେଲେଙ୍ଗାନା ସୂର୍ଯ୍ୟାପେଟ-ଖମାମ ରାସ୍ତାରେ ଦୁର୍ଘଟଣା । ୪ ଓଡ଼ିଆ ଶ୍ରମିକ ମୃତ ।
ନୂଆଦିଲ୍ଲୀ: ତେଲେଙ୍ଗାନାରେ ବଡ ଧରଣର ସଡକ ଦୁର୍ଘଟଣା । ଆଖିବୁଜିଲେ 4 ଓଡିଆ ଶ୍ରମିକ । ତେଲେଙ୍ଗାନାର ସୂର୍ଯ୍ୟାପେଟ-ଖମାମ ହାଇଓ୍ବେରେ ଘଟିଛି ଏହି ଦୁର୍ଘଟଣା ।
ତେବେ 4ଜଣଙ୍କ ମୃତ୍ୟୁ ହୋଇଥିବା ବେଳେ ଏକାଧିକ ବ୍ୟକ୍ତି ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଦୁଇଜଣ ମହିଳା ରହିଥିବା ସୂଚନା ମିଳିଛି ।
ବାଲି ଟ୍ରକକୁ ଧକ୍କା ଦେଇଥିଲା ବସ୍: ସୂଚନା ଅନୁସାରେ, ଶୁକ୍ରବାର ଭୋର ସମୟରେ ଏହି ଦୁର୍ଘଟଣା ହୋଇଛି । ଚିଭମେଲା ମଣ୍ଡଳର ଆଲିପୁର ଗ୍ରାମ ନିକଟରେ ଏହି ଦୁର୍ଘଟଣା ହୋଇଛି । ଶ୍ରମିକମାନେ ଦାଦନ ଖଟିବା ପାଇଁ ଏକ ବସ୍ ଯୋଗେ ନୂଆପଡା ସିନାପାଲିରୁ ହାଇଦ୍ରାବାଦ ଅଭିମୁଖେ ଆସୁଥିଲେ ।
ଏହି ସମୟରେ ଏକ ବାଲି ବୋଝେଇ ଟ୍ରକ ରାସ୍ତାକଡରେ ଛିଡା ହୋଇଥିଲା । ବସଟି ଭାରସାମ୍ୟ ହରାଇ ଦ୍ରୁତ ବେଗରେ ଆସି ଟ୍ରକକୁ ଧକ୍କା ଦେଇଥିଲା । ଫଳରେ 4 ଜଣ ଓଡିଆ ଶ୍ରମିକଙ୍କର ମୃତ୍ୟୁ ହୋଇଛି ।
ଆହତମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ କେଉଁ ପରିସ୍ଥିତିରେ ଏଭଳି ଦୁର୍ଘଟଣା ଘଟିଗଲା ତାହା ବର୍ତ୍ତମାନ ସୁଦ୍ଧା ଜଣାପଡି ନାହିଁ । ସ୍ଥାନୀୟ ପୋଲିସ ଘଟାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।