ମାଟିରେ ମିଶିଲା କଳ୍କୀ ବାବାଙ୍କ ସାମ୍ରାଜ୍ୟ, ବୈକୁଣ୍ଠ ଆଶ୍ରମ ଉପରେ ବୁଲଡୋଜର
ଭୁବନେଶ୍ବର: ଭାଙ୍ଗିଲା ଭୁବନେଶ୍ବରର ଖଣ୍ଡଗିରି ସ୍ଥିତ ବୈକୁଣ୍ଠ ଧାମ ଆଶ୍ରମ । ବିଡିଏ ପକ୍ଷରୁ ଆଶ୍ରମ ଉପରେ ଚାଲିଲା ବୁଲ୍ଡୋଜର୍ । ନିର୍ଦ୍ଧାରିତ ସମୟ ୧୨ଟାରେ ଚାଲିଲା ବୁଲଡୋଜର୍ ।
1ପ୍ଲାଟୁନ ଫୋର୍ସ ପୋଲିସ ନିୟୋଜିତ – ସରକାରୀ ଜମିରେ ଏହି ଆଶ୍ରମ ରହିଥିବାରୁ ଉଚ୍ଛେଦ କରାଯାଇଛି । 2ଟି ଜେସିବି ଆଶ୍ରମ ଭାଙ୍ଗିବା କାର୍ଯ୍ୟରେ ଲାଗିଥିବା ବେଳେ 1 ପ୍ଲାଟୁନ ଫୋର୍ସ ପୋଲିସ ମଧ୍ୟ ନିୟୋଜିତ ହୋଇଛନ୍ତି । ଏହି କାର୍ଯ୍ୟରେ ଯେଭଳି କୌଣସି ବାଧା ନହୁଏ ସେଥିପାଇଁ ସବୁ ପ୍ରକାର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
ପୂର୍ବରୁ ଦିଆଯାଇଥିଲା ଡେଡଲାଇନ- ସୂଚନା ଅନୁସାରେ, ବିଡିଏ ପକ୍ଷରୁ ଆଶ୍ରମ ଖାଲି କରିବା ନେଇ ଘୋଷଣା କରାଯାଇଥିଲା । 12ଟା ଡେଡଲାଇନ ଦିଆଯାଇଥିବା ବେଳେ ସଠିକ ସମୟରେ ଉଚ୍ଚେଦ କାର୍ଯ୍ୟ ଆରମ୍ଭ କରାଯାଇଛି ।
ସନ୍ଧ୍ୟା ସୁଦ୍ଧା ସରିବ ଉଚ୍ଛଦ କାର୍ଯ୍ୟ- ତେବେ ଏନେଇ ବିଡିଏ ଅଧିକାରୀ କହିଛନ୍ତି, ଆଶ୍ରମ ପରିସରରେ ଉଚ୍ଛେଦ ସମୟରେ ଯେପରି କୌଣସି ଅପ୍ରତିକର ସ୍ଥିତି ସୃଷ୍ଟି ନହୁଏ ସେଥିପାଇଁ ପୋଲିସ ମୁତୟନ ରହିଛନ୍ତି । ଆଜ ସନ୍ଧ୍ୟା ସୁଦ୍ଧା ଉଚ୍ଛେଦ କାମ ଶେଷ କରାଯିବ ।
ଯଦି କିଛି ବାକି ରୁହେ ତେବେ ଆସନ୍ତା କାଲି ଏହାକୁ ପୂରଣ କରାଯିବ। ଏହାପରେ ୧୦୪ ଡିସିମିଲ ଜମି ଉପରେ ପାଚେରୀ ନିର୍ମାଣ କରାଯାଇ ସରକାରୀ ସମ୍ପତ୍ତିର ସୁରକ୍ଷା କରାଯିବ ।
