ଯାତ୍ରା ଦେଖିବା ପଡ଼ିଲା ମହଙ୍ଗା, ୪ ଜଣଙ୍କ ଘରେ କଳାକନା ବୁଲାଇଲେ ଚୋର
ସୋର: ଯାତ୍ରା ଦେଖିବାକୁ ଯାଇଥିବା ସମୟରେ କଳାକନା ବୁଲାଇଲେ ଚୋର । ଚାରି ଜଣଙ୍କ ଘରୁ କବାଟ ତାଡ଼ି ଲୁଟି ନେଲେ ସୁନା ଗହଣା ।
ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିିଳିଛି ସୋର ଥାନା ଅନ୍ତର୍ଗତ ତୁଣ୍ଡପଡ଼ା ଗାଁରେ ।
କ’ଣ ଲୁଟ୍: ତୁଣ୍ଡପଡ଼ା ଗାଁର କିଛି ପରିବାର ଯାତ୍ରା ଦେଖିବାକୁ ଯାଇଥିଲେ । ଏହାର ଫାଇଦା ଉଠାଇ ଘରେ ପଶିଥିଲେ ଚୋର ।
ତେବେ ଏକାଥରକେ ୪ ଜଣଙ୍କ ଘରୁ ସୁନା ଅଳଙ୍କାର ସହ ନଗଦ ଟଙ୍କା ଲୁଟିଥିଲେ ଚୋର ।
ପୋଲିସ ତଦନ୍ତ: ଘଟଣାଟି ସାମ୍ନାକୁ ଆସିବା ପରେ ପୋଲିସରେ ଅଭିଯୋଗ କରିଥିଲେ ପୀଡ଼ିତ ପରିବାର ।
ସିସିଟିଭିରେ ଲୁଟ୍ ସମୟର ଦୃଶ୍ୟ କଏଦ ହୋଇଥିବା ବେଳେ ଚୋରକୁ ଧରିବା ପାଇଁ ସୋର ପୋଲିସର ଅଧିକ ତଦନ୍ତ ଜାରି ରହିଛି ।
