Breaking: ନରି ପଣ୍ଡାଙ୍କୁ ଯାତ୍ରାରୁ ବ୍ୟାନ୍, ଆଉ ଯାତ୍ରାରେ ଦେଖିବାକୁ ମିଳିବନି ନରିଙ୍କ କମେଡ଼ି

ଭୁବନେଶ୍ୱର: ଯାତ୍ରା ମାଲିକ ସଂଘର ବଡ଼ ନିଷ୍ପତ୍ତି। ନରି ପଣ୍ଡାଙ୍କୁ କଲେ ବୟକଟ୍। ଯାତ୍ରା ହାସ୍ୟ ଅଭିନେତା ନରିପଣ୍ଡାଙ୍କୁ ଯାତ୍ରାରୁ ବୟକଟ୍ କରାଯାଇଛି। ନରି ପଣ୍ଡାଙ୍କୁ ବ୍ୟାନ୍ କରିଛି ଯାତ୍ରା ମାଲିକ ସଂଘ। ନରିଙ୍କୁ ଡବୟକଟ୍ କରିଥିବା ନେଇ ଯାତ୍ରା ମାଲିକ ସଂଘ ସମ୍ପାଦକ ସୂଚନା ଦେଇଛନ୍ତି।

ନିକଟରେ ତୁଳସୀ ଗଣନାଟ୍ୟ ମାଲିକଙ୍କ ନାଁରେ ସଙ୍ଗୀନ ଅଭିଯୋଗ ଆଣିଥିଲେ ଯାତ୍ରା ହାସ୍ୟ ଅଭିନେତା ନରି ପଣ୍ଡା। ଏପରିକି ତୁଳସୀ ଯାତ୍ରା ପାର୍ଟିର ମାଲିକ ତାଙ୍କୁ ନିସ୍ତୁକ ମାଡ଼ ମାରି ରକ୍ତାକ୍ତ କରିଥିବା ନେଇ ସଙ୍ଗୀନ ଅଭିଯୋଗ ଆଣିଥିଲେ ନରି।

କେବଳ ସେତିକି ନୁହେଁ ତୁଳସୀ ମାଲିକ ତାଙ୍କୁ ଖରାପ ଭାଷାରେ ଗାଳିଗୁଲଜ କରିବା ସହ, ତାଙ୍କୁ ସ୍ତ୍ରୀଙ୍କୁ ମଧ୍ୟ ଖରାପ ଭାଷାରେ ଗାଳି ଦେଇଥିବା ନେଇ ନରି ସଙ୍ଗୀନ ଅଭିଯୋଗ କରିଥିଲେ। ଏପରିକି ସେ ଯାତ୍ରା ଛାଡ଼ିଦେବେ ବୋଲି ମଧ୍ୟ କହୁଥିଲେ।

ଏପରିକି ତାଙ୍କ ନିଜ ଜୀବନ ଓ ପରିବାର ପ୍ରତି ବିପଦ ଥିବା ନେଇ ରାତି ଅଧରେ ଅନଲାଇନରେ FIR ମଧ୍ୟ କରିଥିଲେ। ଏହି ମାମଲା ଏତେ ବଢି ଯାଇଥିଲା ଯେ, କିଛି ଯାତ୍ରା କଳାକାର ମଧ୍ୟ ନିଜ ନିଜ ମନ୍ତବ୍ୟ ଦେବା ଆରମ୍ଭ କରିଥିଲେ।

ହେଲେ ଏବେ ଯାତ୍ରା ମାଲିକ ସଂଘ ଏକ ବଡ଼ ନିଷ୍ପତ୍ତି ନେଇଛି। ଯାତ୍ରା ହାସ୍ୟ ଅଭିନେତା ନରି ପଣ୍ଡାଙ୍କୁ ଯାତ୍ରାରୁ ବୟକଟ୍ କରିଛି। ଏନେଇ ସୂଚନା ଦେଇଛନ୍ତି ଯାତ୍ରା ମାଲିକ ସଂଘର ସମ୍ପାଦକ।