(Video) ସ୍ତ୍ରୀ ନିର୍ଯାତନା ସହି ନ ପାରି ପ୍ରାଣ ହାରିଲେ ୩୩ ବର୍ଷୀୟ ଯୁବକ, କହିଲେ “ଅସ୍ତି ନାଳରେ ଭସେଇଦେବ”
ପ୍ରେମ ବିବାହ ଦେଲା ଯନ୍ତ୍ରଣା । କେତେ ସହିବ ମିଛ ଅପବାଦ । ଶେଷରେ ଭିଡିଓ କରି ପ୍ରାଣ ଦେଇଦେଲେ ଯୁବକ ।
ଇଟାୱା: ଉତ୍ତର ପ୍ରଦେଶ ଇଟାୱାରୁ ଏକ କରୁଣ ଘଟଣା ସାମ୍ନାକୁ ଆସିଛି । ଜଣେ ୩୩ ବର୍ଷୀୟ ଯୁବକ ଆତ୍ମହତ୍ୟା କରିଛନ୍ତି । ସ୍ତ୍ରୀ ନିର୍ଯ୍ୟାତନାକୁ ସହି ନ ପାରି ଏପରି କରିଥିବା ଯୁବକଜଣକ ମୃତ୍ୟୁ ପୂର୍ବର ଭିଡିଓରେ କହିଛନ୍ତି ।
ମୋହିତ ଯାଦବ; ପେଶାରେ ଜଣେ ଇଞ୍ଜିନିୟର । ତାଙ୍କ ସ୍ତ୍ରୀ ମୋହିତଙ୍କ ନାଁରେ ମିଛ ମାମଲା ରୁଜୁ କରିଛନ୍ତି । ଯାହା ପାଇଁ ତାଙ୍କୁ ଅକଥନୀୟ ଅତ୍ୟାଚାରର ଶିକାର ହେବାକୁ ପଡ଼ିଥିବା ସେ କହିଛନ୍ତି ।
ମୋହିତ ଏକ ହୋଟେଲରେ ଆତ୍ମହତ୍ୟା କରିଥିବା ଜଣାପଡ଼ିଛି । ମୃତ୍ୟୁ ପୂର୍ବର ଭିଡିଓଟିକୁ ସେ ହୋଟେଲ ରୁମରେ ହିଁ ସୁଟ୍ କରିଥିଲେ । ପ୍ରିୟା ଏବଂ ମୋହିତ ୭ ବର୍ଷ ସମ୍ପର୍କରେ ରହିବା ପରେ ବିବାହ କରିଥିଲେ । ୨୦୨୩ରେ ଭଉୟ ପରିବାରର ସହମତିରେ ବାହାଘର ହୋଇଥିଲା ।
୨ ମାସ ପୂର୍ବେ ପ୍ରିୟା ଏକ ଘରୋଇ ସ୍କୁଲରେ ଚାକିରି କରିଥିଲେ । ସେ ସମୟରେ ପ୍ରିୟା ଗର୍ଭବତୀ ଥିବାବେଳେ ତାଙ୍କ ମା’ପିଲା ନଷ୍ଟ କରିଦେଇଥିଲେ । ପ୍ରିୟା ଏବଂ ତାଙ୍କ ପରିବାର ମୋହିତଙ୍କ ଧନ ସମ୍ପତ୍ତି ଚାହୁଁଥିଲେ ।
ମୋହିତ ତାଙ୍କ ଘରଦ୍ୱାରା ପ୍ରିୟାଙ୍କ ନାଁରେ କରିବାକୁ ଶଶୁର ଘର ଲୋକେ ଚାପ ପକାଉଥିଲେ । ମୋହିତଙ୍କ ଶଳା ତାଙ୍କୁ ଜୀବନରୁ ମାରିଦେବାର ଧମ କମଧ୍ୟ ଦେଇଥିଲା । ସେମାନଙ୍କ କଥା ନ ମାନିବାରୁ ପ୍ରିୟାଙ୍କ ପରିବାର ଲୋକେ ମିଛ କେସରେ ମୋହିତଙ୍କୁ ଫସେଇଥିବା ସେ କହିଛନ୍ତି ।
ଭିଡିଓରେ ମୋହିତ କହିଛନ୍ତି ଯଦି ମୁଁ ମଲା ପରେ ମୋତେ ନ୍ୟାୟ ମିଳେ ତେବେ ମୋ ଅସ୍ତିକୁ ନାଳରେ ଭସେଇ ଦେବ…. । ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।
If I do not get justice even after my death, then flush my ashes into the drain. One more ATM has been closed permanently.
33 years old Engineer Mohit Yadav from Auraiya in UP ended his life inside a hotel in Etawah because of torture and threat from his wife Priya Yadav.
Before… pic.twitter.com/UW0HnU9Eyx— NCMIndia Council For Men Affairs (@NCMIndiaa) April 20, 2025