10 ବର୍ଷର ସ୍ବପ୍ନ 10 ମିନିଟରେ ଜଳି ପାଉଁଶ,… ଡେଲିଭରିର କିଛି କ୍ଷଣ ଭିତରେ ହୁତୁହୁତୁ ହୋଇ ଜଳିଲା Ferrari (Video)
ରାଜରାସ୍ତରେ ହୁତୁହୁତୁ ହୋଇ ଜଳିଲା ଫେରାରୀ ।
ନୂଆଦିଲ୍ଲୀ: ସମସ୍ତେ ନିଜ ସ୍ୱପ୍ନର କାରରେ ଯାତ୍ରା କରିବାକୁ ଚାହାଁନ୍ତି । ଲୋକମାନେ ନିଜ ପ୍ରିୟ କାରରେ ଯାତ୍ରା କରିବା ପାଇଁ ମଧ୍ୟ ଅନେକ ପ୍ରୟାସ କରନ୍ତି । କିନ୍ତୁ ଦଶନ୍ଧି ଧରି ଅପେକ୍ଷା କରି ଟଙ୍କା ସଞ୍ଚୟ କରିବା ପରେ ଯଦି ଆପଣ ଆପଣଙ୍କର ସ୍ୱପ୍ନର କାର ପାଆନ୍ତି ଏବଂ କିଛି ଘଣ୍ଟା ମଧ୍ୟରେ ତାହା ଜଳି ପାଉଁଶ ହୋଇଯାଏ ତେବେ କଣ ହେବ ଭାବିବାବି କଷ୍ଟକର ହୋଇଯିବ ।
ଜାପାନରେ ମଧ୍ୟ ସମାନ ଏକ ଘଟଣା ଦେଖିବାକୁ ମିଳିଛି । ଯେଉଁଠାରେ ଜଣେ ସଂଗୀତ ପ୍ରଯୋଜକଙ୍କ କୋଟି କୋଟି ଟଙ୍କାର ଫେରାରି 458 ସ୍ପାଇଡର କାର ଡେଲିଭରି ହେବାର କିଛି ଘଣ୍ଟା ମଧ୍ୟରେ ନିଆଁ ପିଣ୍ଡୁଳାରେ ପରିଣତ ହୋଇଗଲା।
ଟୋକିଓର ବାସିନ୍ଦା 33 ବର୍ଷୀୟ ସଂଗୀତ ପ୍ରଯୋଜକ ହୋନକନ୍ ସମ୍ପ୍ରତି ଏକ ଫେରାରି 458 ସ୍ପାଇଡର ସ୍ପୋର୍ଟସ୍ କାର କିଣିଛନ୍ତି । କିନ୍ତୁ କାର ଡେଲିଭରି ହେବାର ମାତ୍ର କିଛି ଘଣ୍ଟା ପରେ, ତାଙ୍କ କାରଟି ରାସ୍ତାରେ ଯାଉଥିବା ସମୟରେ ହଠାତ୍ ନିଆଁ ଲାଗିଗଲା।
ଏହି ଘଟଣା କୋଟି କୋଟି ଟଙ୍କାର ଲଗଜରୀ ସ୍ପୋର୍ଟସ୍ କାରର ସୁରକ୍ଷା ଉପରେ ମଧ୍ୟ ପ୍ରଶ୍ନ ଉଠାଇଛି । କାରଟିରେ କିପରି ନିଆଁ ଲାଗିଲା ସେ ବିଷୟରେ ତଦନ୍ତ କରାଯାଉଛି । ଏହି ଘଟଣା ଦ୍ୱାରା କାର ମାଲିକ ଗଭୀର ଭାବରେ ମର୍ମାହତ ହୋଇଥିଲେ । କାରଣ ସେ 2.5 କୋଟି ଟଙ୍କାରୁ ଅଧିକ ମୂଲ୍ୟର ଏହି କାରଟି କିଣିବା ପାଇଁ 10 ବର୍ଷରୁ ଅଧିକ ସମୟ ଅପେକ୍ଷା କରିଥିଲେ ।
କୁହାଯାଉଛି ଯେ ହୋନକନଙ୍କୁ ୧୬ ଏପ୍ରିଲରେ ତାଙ୍କ କାରର ଡେଲିଭରି ମିଳିଥିଲା। ଯେତେବେଳେ ସେ ଡିଲରସିପ୍ ରୁ ତାଙ୍କ କାର ବାହାର କରି ଟୋକିଓର ମିନାଟୋ ଅଞ୍ଚଳ ଦେଇ ଯାଉଥିଲେ, ତାଙ୍କ କାରରେ କିଛି ଅସୁବିଧା ହୋଇଥିଲା। ଯେତେବେଳେ ସେ କାରର ପଛ ପାର୍ଶ୍ୱକୁ ଦେଖିଲେ, ସେ ଦେଖିଲେ ଯେ କାରର ପଛ ପାର୍ଶ୍ୱରୁ ଧୂଆଁ ବାହାରୁଛି ।
ସେ ବୁଝିପାରିଲେ ଯେ କାରରେ କିଛି ଯାନ୍ତ୍ରିକ ତ୍ରୁଟି ଅଛି । ଧୂଆଁ ବାହାରୁଥିବା ଦେଖି, ହୋନକନ ତୁରନ୍ତ ରାସ୍ତାରେ ତାଙ୍କ କାରକୁ ଅଟକାଇ ବାହାରକୁ ଡେଇଁ ପଡ଼ିଲେ । କିନ୍ତୁ ମାତ୍ର ୨୦ ମିନିଟ୍ ମଧ୍ୟରେ, ଯେଉଁ କାର ପାଇଁ ସେ ବର୍ଷ ବର୍ଷ ଧରି ଅପେକ୍ଷା କରିଥିଲେ, ସେହି କାର ତାଙ୍କ ଆଖି ଆଗରେ ନିଆଁରେ ଘେରି ରାସ୍ତାରେ ଠିଆ ହୋଇଗଲା।
ହୋନକନ ତାଙ୍କ ସ୍ୱପ୍ନର କାର କିଣିବା ପାଇଁ ଦଶ ବର୍ଷରୁ ଅଧିକ ସମୟ ଅପେକ୍ଷା କରିଥିଲେ। ଡିଲରସିପରୁ ତାଙ୍କ ନୂତନ ଫେରାରି କାର ବାହାର କରିବାର ୧ ଘଣ୍ଟା ମଧ୍ୟରେ ଏହି ଦୁର୍ଘଟଣା ଘଟିଥିଲା।
フェラーリってホントに燃えるんだね。 pic.twitter.com/S2bOMCWsDH
— まっきー＠DeafVR (@Mackey_0430) April 16, 2025