ଧାଡ଼ି ପହଣ୍ଡିରେ ଆସୁଛନ୍ତି ବଳଭଦ୍ର, ଘଣ୍ଟଘଣ୍ଟା, ହରିବୋଲରେ ପ୍ରକମ୍ପିତ ହେଲା ବଡ଼ଦାଣ୍ଡ
ପୁରୀ: ଆଜି ପବିତ୍ର ରଥଯାତ୍ରା। ବର୍ତ୍ତମାନ ଆରମ୍ଭ ହେଲା ବଡ଼ଠାକୁର ବଳଭଦ୍ରଙ୍କ ପହଣ୍ଡି। ଧାଡ଼ି ପହଣ୍ଡିରେ ଆସୁଛନ୍ତି ବଳଭଦ୍ର। ପ୍ରଭୁଙ୍କୁ ଦେଖିବା ପରେ ଲାଗୁଛି, ସେ ମାଉସୀ ମାଆଙ୍କ ପାଖକୁ ଯିବା ଲାଗି ବହୁତ ଖୁସି ଅଛନ୍ତି। ଘଣ୍ଟଘଣ୍ଟା, ହରିବୋଲରେ ପ୍ରକମ୍ପିତ ହେଲା ବଡ଼ଦାଣ୍ଡ।
ଏହା ପୂର୍ବରୁ ଆରମ୍ଭ ହୋଇଥିଲା ସୁଦର୍ଶନଙ୍କ ପହଣ୍ଡି। ଦର୍ପଦଳନ ରଥରେ ବିରାଜମାନ କରିଛନ୍ତି ସୁଦର୍ଶନ। ଘଣ୍ଟଘଣ୍ଟାରେ ଉଚ୍ଛୁଳି ପଡୁଛି ବଡ଼ଦାଣ୍ଡ। ଶ୍ରୀଜିଉଙ୍କ ପହଣ୍ଡି ବିଜେ ନୀତି ହୋଇସାରିଛି।
କଡ଼ା ସୁରକ୍ଷାବଳୟରେ ଶ୍ରୀକ୍ଷେତ୍ର । AI ନଜରରେ ରହିଛି ପୁରୀ । ବିଭିନ୍ନ ସ୍ଥାନରେ ଲାଗିଛି 275 AI କ୍ୟାମେରା । ସିସିଟିଭି ନଜରରେ ଉତ୍ତରା ଛକରୁ ପୁରୀ ।
ପୁରୀ-କୋଣାର୍କ ରୋଡ଼ରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଅଘଟଣ ଏଡ଼ାଇବାକୁ ପ୍ରଶାସନ ସଜାଗ ରହିଛି । ନିୟୋଜିତ ଅଛନ୍ତି ବିମ ଡିସ୍ପୋଜାଲ୍ ସ୍କାଡ୍ । ସଜାଗ ଅଛନ୍ତି ଆଣ୍ଟିଟେରୋରିଷ୍ଟ ସ୍କାଡ୍ ।
ସ୍ପେଶାଲ ଟେକଲିକାଲ ୟୁନିଟ ଭଳି ସୁରକ୍ଷା ବ୍ୟବସ୍ଥା କରାଯାଇଛି । 205 ପ୍ଲାଟୁନ ପୋଲିୟ ଫୋର୍ସ ମୁତୟନ ଅଛନ୍ତି । 21 ଆଇପିଏସ୍ ସହ 12ଶହ ଅଫିସର ଅଛନ୍ତି ନିୟୋଜିତ ।