ସାବଧାନ! ଭୁଲରେ ବି ବସିକି କରନ୍ତୁନି ଆରତୀ, ନଚେତ…

ଓଡିଶା ଭାସ୍କର: ହିନ୍ଦୁ ଧର୍ମରେ ପୂଜାପାଠର ବିଶେଷ ମହତ୍ତ୍ୱ ରହିଛି। କୁହାଯାଏ ଯେ, ଯେଉଁ ଘରେ ନିୟମିତ ଭାବେ ବିଧିବିଧାନରେ ପୂଜା କରାଯାଏ, ସେଠାରେ ସୁଖ, ଶାନ୍ତି ଭରି ରହିଥାଏ। ପୂଜାର ଶେଷ ଆରତୀ ମାଧ୍ୟମରେ ହୋଇଥାଏ ଏବଂ ଆରତୀ ବିନା କୌଣସି ପୂଜା ସମ୍ପୂର୍ଣ୍ଣ ହୋଇନଥାଏ।

ତେବେ, ଆରତୀ କରିବାର ମଧ୍ୟ କିଛି ନିୟମ ରହିଛି, ଯାହାକୁ ଅନେକ ଲୋକ ଅଣଦେଖା କରିଥାନ୍ତି। ଅନେକଙ୍କୁ ଆରତୀର ସଠିକ ପଦ୍ଧତି ଜଣା ନଥାଏ। କେହି ବସି କରି ଆରତୀ କରନ୍ତି ତ ଆଉ କେହି ଠିଆ ହୋଇ କରନ୍ତି। କିନ୍ତୁ ଏଥିରୁ କେଉଁଟି ସଠିକ ଆସନ୍ତୁ ଜାଣିବା।

ଆରତୀର ସଠିକ ପଦ୍ଧତି: ବେଦ ଓ ପୁରାଣରେ ଉଲ୍ଲେଖ ରହିଛି ଯେ, ସଚ୍ଚା ମନରେ କରାଯାଇଥିବା ପୂଜା ସବୁବେଳେ ଗ୍ରହଣୀୟ ହୋଇଥାଏ। ତେବେ, ଆରତୀ ସମ୍ପର୍କିତ କିଛି ନିୟମ ଧାର୍ମିକ ଗ୍ରନ୍ଥରେ ମଧ୍ୟ ଉଲ୍ଲେଖ ରହିଛି।

ଧାର୍ମିକ ବିଶ୍ୱାସ ଅନୁଯାୟୀ, ବସି ଆରତୀ କରିବା କେବେବି ଶୁଭ ନୁହେଁ। ଆରତୀ ସମୟରେ ଠିଆ ହୋଇ କରିବା ଶୁଭ ବୋଲି ବିବେଚନା କରାଯାଏ। ବିଶେଷ କରି ଟିକେ ନଇଁକି ଆରତୀ କଲେ ଏହା ଆହୁରି ଶୁଭ ହୋଇଥାଏ। ଏହା ସହ, ଆରତୀ ସବୁବେଳେ ପିତ୍ତଳ, ତମ୍ବା କିମ୍ବା ରୂପାର ଥାଳିରେ କରାଯିବା ଉଚିତ।

କିପରି କରିବେ ଆରତୀ? ଆରତୀ ଆରମ୍ଭ କରିବା ସମୟରେ ପ୍ରଥମେ ଭଗବାନଙ୍କ ପାଦ ଆଡ଼କୁ ଥାଳି ବୁଲାଇବା ଉଚିତ। ଏହି ସମୟରେ ଥାଳିକୁ ଚାରିଥର ବୁଲାଇବା ଶୁଭ ବୋଲି ବିବେଚନା କରାଯାଏ। ତା ପରେ ଭଗବାନଙ୍କ ନାଭି ଏବଂ ଭଗବାନଙ୍କ ମୁଖ ସାମ୍ନାରେ ଥାଳିକୁ ଗୋଟିଏ ଥର ବୁଲାଇବା ଉଚିତ। ଶେଷରେ ଭଗବାନଙ୍କ ସମ୍ପୂର୍ଣ୍ଣ ଶରୀର ଆଡ଼କୁ ଥାଳିକୁ ସାତଥର ଘୁରାଇ ଆରତୀ ସମ୍ପନ୍ନ କରିବା ଉଚିତ।

ଏହା ଦ୍ୱାରା ପୂଜା ବିଧିବିଧାନ ଅନୁଯାୟୀ ସମ୍ପନ୍ନ ହେବା ସହ ଘରେ ସକାରାତ୍ମକତା ବଜାୟ ରହିଥାଏ।