ବନ୍ଦ ପଡ଼ିଥିବା LIC ପଲିସିକୁ ପୁଣିଥରେ ଚାଲୁ କରିବାର ସୁବର୍ଣ୍ଣ ସୁଯୋଗ, ସରକାରୀ କମ୍ପାନୀ ଆରମ୍ଭ କରିଲେ ଏହି ବିଶେଷ ଅଭିଯାନ
ବନ୍ଦ ପଡ଼ିଥିବା ଜୀବନ ବୀମା ପଲିସିକୁ ପୁଣିଥରେ କରିପାରିବେ ଚାଲୁ, ଜାଣନ୍ତୁ କେମିତି
ନୂଆଦିଲ୍ଲୀ: ଦେଶର ସର୍ବବୃହତ ବୀମା କମ୍ପାନୀ, ଭାରତୀୟ ଜୀବନ ବୀମା ନିଗମ (ଏଲଆଇସି) ସୋମବାର ଏକ ବଡ଼ ଘୋଷଣା କରିଛି। Public Sectorର ଏଲଆଇସି କହିଛି ଯେ, ଏହା ବନ୍ଦ ହୋଇଥିବା ବ୍ୟକ୍ତିଗତ ବୀମା ପଲିସିକୁ ପୁନଃ ଆରମ୍ଭ କରିବା ପାଇଁ ଏକ ଅଭିଯାନ ଆରମ୍ଭ କରିଛି।
ଏହି ସ୍ୱତନ୍ତ୍ର ଅଭିଯାନ ଗୋଟିଏ ମାସ ପାଇଁ ଚାଲିବ। ବନ୍ଦ ହୋଇଥିବା ବୀମା ପଲିସିକୁ ପୁନଃ ଆରମ୍ଭ କରିବା ପାଇଁ ଏହି ଅଭିଯାନ ସୋମବାର, ୧୮ ଅଗଷ୍ଟରୁ ଆରମ୍ଭ ହୋଇଛି ଏବଂ ୧୭ ସେପ୍ଟେମ୍ବର ୨୦୨୫ ପର୍ଯ୍ୟନ୍ତ ଚାଲିବ। ଏହି ଅଭିଯାନ ଅଧୀନରେ, ପଲିସି ପୁନଃ ଆରମ୍ଭ କରିବା ପାଇଁ ବିଳମ୍ବ ଫିରେ ଆକର୍ଷଣୀୟ ରିହାତି ଦିଆଯିବ।
ଏଲଆଇସି ଏକ ବିବୃତ୍ତିରେ କହିଛି ଯେ, ଏହି ଯୋଜନା ଅଧୀନରେ, ସମସ୍ତ ଅଣ-ଲିଙ୍କ୍ ହୋଇଥିବା ଅର୍ଥାତ୍ Term Insurance Policy ଯୋଜନା ପାଇଁ ବିଳମ୍ବ ଫି ଉପରେ 30 ପ୍ରତିଶତ ପର୍ଯ୍ୟନ୍ତ ରିହାତି ଦିଆଯାଉଛି, ଯାହା Revival ପାଇଁ ଯୋଗ୍ୟ ହେଲେ ସର୍ବାଧିକ 5000 ଟଙ୍କା ପର୍ଯ୍ୟନ୍ତ ହୋଇପାରେ।
ସେହି ସମୟରେ, Micro Insurance Policy ପାଇଁ ବିଳମ୍ବ ଫି ଉପରେ 100 ପ୍ରତିଶତ ରିହାତି ଦିଆଯାଉଛି। ଏହି ସ୍ୱତନ୍ତ୍ର Revival ଅଭିଯାନ ଅଧୀନରେ, ପଲିସିର ନିୟମ ଏବଂ ସର୍ତ୍ତାବଳୀ ପୂରଣ ହେଲେ, ପ୍ରଥମ ଅପେକ୍ଷିତ ପ୍ରିମିୟମ୍ ତାରିଖରୁ 5 ବର୍ଷ ମଧ୍ୟରେ ପଲିସି ଆରମ୍ଭ କରାଯାଇପାରିବ।
LIC offers an excellent opportunity for revival of lapsed policy.#LIC #LapsedPolicy pic.twitter.com/UQFj2lNtSr
— LIC India Forever (@LICIndiaForever) August 18, 2025
କମ୍ପାନୀ ଏହାର ବିବୃତ୍ତିରେ କହିଛି ଯେ, ଚିକିତ୍ସା/ସ୍ୱାସ୍ଥ୍ୟ ଆବଶ୍ୟକତା ଉପରେ କୌଣସି ରିହାତି ଦିଆଯିବ ନାହିଁ। ପ୍ରିମିୟମ୍ ପେମେଣ୍ଟ ଅବଧି ମଧ୍ୟରେ ସମାପ୍ତ ହୋଇଥିବା ଏବଂ ପଲିସି ଅବଧି ସମାପ୍ତ ହୋଇନଥିବା ପଲିସିଗୁଡ଼ିକୁ ଏହି ଅଭିଯାନରେ ପୁନଃଆରମ୍ଭ କରାଯାଇପାରିବ।