Asia Cup 2025: ଭାରତ-ପାକିସ୍ତାନ ହାତ ନମିଳାଇବା ବିବାଦ ପରେ ACC ନେଲା ବଡ ନିଷ୍ପତ୍ତି, ବ୍ୟାନ୍ ହେଲେ ଏହି ଖେଳାଳି!

ଓଡିଶାଭାସ୍କର: ଏସିଆ କପ୍ ୨୦୨୫ କେବଳ ଖେଳ ପାଇଁ ନୁହେଁ ବରଂ ବିବାଦ ପାଇଁ ଏବେ ଖବରରେ ରହିଛି। ଭାରତ ଏବଂ ପାକିସ୍ତାନ ମଧ୍ୟରେ ଗ୍ରୁପ୍ ପର୍ଯ୍ୟାୟ ମ୍ୟାଚ୍ ସମୟରେ ଏକ ବଡ଼ ହଙ୍ଗାମା ହୋଇଥିଲା।

ଟିମ୍ ଇଣ୍ଡିଆର ଖେଳାଳିମାନେ ପାକିସ୍ତାନୀ ଦଳ ସହିତ ହାତ ମିଳାଇବାକୁ ମନା କରିଥିଲେ। ଏହା ପାକିସ୍ତାନ-ୟୁଏଇ ମ୍ୟାଚ୍ ଉପରେ ମଧ୍ୟ ପ୍ରଭାବ ପକାଇଥିଲା, ଯାହା ଏକ ଘଣ୍ଟା ବିଳମ୍ବରେ ଆରମ୍ଭ ହୋଇଥିଲା।

ପାକିସ୍ତାନ କ୍ରିକେଟ୍ ବୋର୍ଡ ମଧ୍ୟ ଟୁର୍ଣ୍ଣାମେଣ୍ଟ ସମୟରେ ପ୍ରୋଟୋକଲ୍ ଉଲ୍ଲଂଘନ କରିବାର ଗମ୍ଭୀର ଅଭିଯୋଗର ସମ୍ମୁଖୀନ ହେଉଛି। ଏସବୁ ମଧ୍ୟରେ, ଏସିଆନ୍ କ୍ରିକେଟ୍ ପରିଷଦ (ACC) ଏକ ବଡ଼ ନିଷ୍ପତ୍ତି ନେଇଛି।

ACC ନେଲା ବଡ଼ ନିଷ୍ପତ୍ତି: ଏସିଆ କପ୍ ୨୦୨୫ରେ ଭାରତ ଏବଂ ପାକିସ୍ତାନ ମଧ୍ୟରେ ହାଇ-ଭୋଲଟେଜ୍ ମ୍ୟାଚ୍ ନେଇ ସୃଷ୍ଟି ହୋଇଥିବା ଉତ୍ତେଜନାକୁ କମ କରିବା ପାଇଁ ଏସୀୟ କ୍ରିକେଟ ପରିଷଦ (ACC) ଏକ ବଡ଼ ପଦକ୍ଷେପ ନେଇଛି।

ସାମ୍ବାଦିକ ସମ୍ମିଳନୀରେ କୌଣସି ରାଜନୈତିକ ପ୍ରଶ୍ନ ସାମ୍ୱାଦିକ ମାନେ ପଚାରି ପାରିବେ ନାହିଁ ବୋଲି ACC ନୂତନ ନିର୍ଦ୍ଦେଶାବଳୀ ଜାରି କରିଛି।ଭାରତ ଏବଂ ପାକିସ୍ତାନ ମଧ୍ୟରେ ପରିବେଶକୁ ଶାନ୍ତ କରିବା ପାଇଁ ଏହି ନିଷ୍ପତ୍ତି ନିଆଯାଇଛି।

ଗତ ରବିବାର ହାତ ନମିଳାଇବା ବିବାଦ ପରେ, ଭାରତୀୟ ସାମ୍ବାଦିକମାନେ ସାମ୍ବାଦିକ ସମ୍ମିଳନୀରେ କଠିନ ପ୍ରଶ୍ନ ଉଠାଇଥିଲେ। ଏହି ପରିସ୍ଥିତି ACCର ଗଣମାଧ୍ୟମକୁ ଅକଳ ସ୍ଥିତିରେ ପକାଇଥିଲା।

ପାକିସ୍ତାନୀ ଦଳ କୌଣସି ସାମ୍ବାଦିକ ସମ୍ମିଳନୀ କରିନାହିଁ: ଏହି ସମୟରେ ଜଣେ ବରିଷ୍ଠ ଆଇସିସି ସଦସ୍ୟ ପାକିସ୍ତାନ କ୍ରିକେଟ୍ ବୋର୍ଡ (ପିସିବି)ର ମନୋଭାବ ଉପରେ ପ୍ରଶ୍ନ ଉଠାଇଛନ୍ତି।

ସେ ପଚାରିଛନ୍ତି ଯେ ଅଭ୍ୟାସ ମ୍ୟାଚରେ ଅଂଶଗ୍ରହ କରୁଥିବା ସମୟରେ ଦଳ କାହିଁକି ବାଧ୍ୟତାମୂଳକ ସାମ୍ବାଦିକ ସମ୍ମିଳନୀରେ ଯୋଗ ଦେଇନାହିଁ। ଏହି ସାମ୍ବାଦିକ ସମ୍ମିଳନୀ ପାକିସ୍ତାନ ଏବଂ ୟୁଏଇ ମଧ୍ୟରେ ମ୍ୟାଚ୍ ପୂର୍ବରୁ ହେବାର ଥିଲା। ତଥାପି ପାକିସ୍ତାନୀ ଦଳର କେହି ସାମ୍ବାଦିକ ସମ୍ମିଳନୀରେ ଯୋଗ ଦେଇ ନଥିଲେ।