୧୫ ବର୍ଷ ଧରି ଏହି ମନ୍ଦିରକୁ ନାଗ ଦେବତା ଆସି ଶିବଙ୍କୁ ପୂଜା କରୁଛନ୍ତି, ଜାଣନ୍ତୁ କେଉଁଠି…
ଯଦି ଜଣେ ସାଧାରଣ ମଣିଷ କୌଣସି ଦେବତାଙ୍କ ଆରାଧନା କରେ, ତେବେ ତାହା ଜୀବନ ପାଇଁ ଶୁଭ ସଙ୍କେତ ବୋଲି ଗ୍ରହଣ କରାଯାଇଥାଏ । ମାତ୍ର ଯଦି ଗୋଟିଏ ପଶୁ କିମ୍ବା ପକ୍ଷୀ ଭଗବାନଙ୍କୁ ପୂଜା କରୁଥିବାର ଆମ ନଜରକୁ ଆସେ, ତେବେ ଏହା ଆମକୁ ଆଶ୍ଚର୍ଯ୍ୟ ଚକିତ କରିଦେଇଥାଏ ।
ଉତ୍ତରପ୍ରଦେଶରେ ସଲେମାବାଦ ନାମକ ଏକ ଛୋଟ ଗାଁ ରହିଛି । ସେଠାରେ ବହୁ ପୂରାତନ ଏକ ଶିବ ମନ୍ଦିରରେ ଶିବଙ୍କୁ ଏବେ ବି ନାଗ ଦେବତା ପୂଜା କରିବା ପାଇଁ ନିୟମିତ ଆସୁଛନ୍ତି, ଏକଥା କହିଛନ୍ତି ଗାଁଲୋକେ ।
ଭଗବାନ ଶିବଙ୍କର ଅତି ପ୍ରିୟ ଅଟନ୍ତି ନାଗ ଦେବତା । ତେଣୁ ମହାପ୍ରଭୁ ଶିବ ନିଜ ଗଳାରେ ନାଗଙ୍କୁ ପ୍ରତ୍ୟେକ ମୁହୂର୍ତ୍ତରେ ଧାରଣ କରି ବୁଲିଥାନ୍ତି । ନାଗ ଦେବତା ଏହି ମନ୍ଦିରକୁ ଆସି ୫ ଘଣ୍ଟା ପର୍ଯ୍ୟନ୍ତ ରହିଥାନ୍ତି । ନାଗ ଦେବତା ସକାଳ ୧୦ଟାରୁ ମନ୍ଦିର ମଧ୍ୟକୁ ପ୍ରବେଶ କରି ଅପରାହ୍ଣ ୩ଟା ଫେରିଯାଆନ୍ତି ।
ନାଗଦେବତା ଫେରିଯିବା ପରେ ମନ୍ଦିରରେ ଶିବଙ୍କ ଦର୍ଶନଙ୍କ ପାଇଁ ଶ୍ରଦ୍ଧାଳୁଙ୍କ ଭିଡ଼ ଜମିଥାଏ । ନାଗ ଦେବତା ଆଜି ପର୍ଯ୍ୟନ୍ତ କାହାର କୌଣସି ଅନିଷ୍ଠ କରିଥିବାର ଦେଖାଯାଇନାହିଁ । ଆଖପାଖ ଅଞ୍ଚଳରେ ଏହି ମନ୍ଦିରକୁ ନେଇ ବେଶ୍ ଚର୍ଚ୍ଚା ।