ଶରୀରରେ ଅକ୍ସିଜେନ ସ୍ତର କମିଲେ ଦେଖାଯିବ ଏପରି ଲକ୍ଷଣ, ଜାଣନ୍ତୁ କେବେ ରୋଗୀଙ୍କୁ ନେବେ ମେଡିକାଲ ?
ନୂଆଦିଲ୍ଲୀ,୨୭ ।୪: ସାରା ଦେଶରେ କରୋନା ଯୋଗୁଁ ହାହାକାର ସୃଷ୍ଟି ହୋଇଛି । ସଂକ୍ରମଣରୁ ରକ୍ଷା ପାଇବା ପାଇଁ ଲୋକମାନେ ସବୁ ପ୍ରକାରର ପ୍ରୟାସ କରୁଛନ୍ତି । ଏହା ସତ୍ତ୍ୱେ ଲୋକମାନେ କରୋନାର ଦ୍ୱିତୀୟ ଲହରରୀରୁ ରକ୍ଷା ପାଇପାରୁନାହାନ୍ତି । କରୋନାର ନୂଆ ଷ୍ଟ୍ରେନରେ ରୋଗୀଙ୍କୁ ଭେଣ୍ଟିଲେଟର ଅପେକ୍ଷା ଅକ୍ସିଜେନ୍ ଦରକାର । ଅକ୍ସିଜେନର ଦ୍ରୁତ ବ୍ୟବହାର ଓ ମେଡିକାଲରେ ଏହାର ହ୍ରାସ ଯୋଗୁଁ ରୋଗୀମାନେ ଡାକ୍ତରଖାନାରେ ପହଞ୍ଚିବା ପରେ ମଧ୍ୟ ମୃତ୍ୟୁ ବରଣ କରୁଛନ୍ତି । ଏଭଳି ପରିସ୍ଥିତିରେ ହୋମ୍ ଆଇସୋଲେସନରେ ଚିକିତ୍ସିତ ହେଉଥିବା ରୋଗୀଙ୍କ ପାଇଁ ବିପଦ ରହିଛି । ଘରେ ଚିକିତ୍ସିତ ହେଉଥିବା ରୋଗୀମାନଙ୍କ ପାଇଁ ଜାଣିବା ଜରୁରି କି, କେତେବେଳେ ଅକ୍ସିଜେନ୍ ସ୍ତର କମିଥାଏ ଓ କେତେବେଳେ ମେଡିକାଲ ଯିବା ଉଚିତ୍? ତେବେ ଆସନ୍ତୁ ଜାଣିବା ଅକ୍ସିଜେନ ହ୍ରାସ ହେବାର ଲକ୍ଷଣ କ’ଣ ଓ ଯଦି ଏହା ଘଟେ ତେବେ କଣ କରିବା ଉଚିତ୍…
୧- ସୂଚନା ମୁତାବକ, ଦିଲ୍ଲୀ AIIMSର ନିର୍ଦ୍ଦେଶକ ରଣଦୀପ ଗୁଲେରିଆ କହିଛନ୍ତି ଯେ ଘରୋଇ କ୍ୟାଣ୍ଟିନରେ ଚିକିତ୍ସିତ ହେଉଥିବା ରୋଗୀମାନେ ସେମାନଙ୍କର ଅମ୍ଳଜାନ ଲେବଲକୁୁ ପର୍ଯ୍ୟାୟକ୍ରମେ ଯାଞ୍ଚ କରିବା ଉଚିତ୍ । ଏଥିପାଇଁ ଘରେ ପଲ୍ସ ଅକ୍ସିମିଟର ଡିଭାଇସକୁ ରଖନ୍ତୁ ଓ ଏହାକୁ ହାତର ଆଙ୍ଗୁଠିରେ ଲଗାଇ ଯାଞ୍ଚ କରନ୍ତୁ । ଯଦି ରିଡିଙ୍ଗ ୯୪ ରୁ ଅଧିକ ସ୍ତର ଅଛି, ତେବେ ଆପଣ ବିପଦରୁ ଦୂରରେ ଅଛନ୍ତି ।
୨- କରୋନା ହେଲେ ଅକ୍ସିଜେନ ସ୍ତର ଶୀଘ୍ର କମିଯାଏ । ଏପରି ପରିସ୍ଥିତିରେ, ଯଦି ରୋଗୀର SpO2 ଲେବଲ ୯୪ରୁ ୧୦୦ ଭିତରରେ ରହିଛି, ତେବେ ଏହା ସୁସ୍ଥ ରହିବାର ଲକ୍ଷଣ । କିନ୍ତୁ ଯଦି ସ୍ତର ୯୪ ତଳକୁ ଖସିଯାଏ, ତେବେ ଏହା ହାଇପୋକ୍ସୋମିଆ ସୃଷ୍ଟି କରିପାରେ । ଏପରି ହେବା ଦ୍ୱାରା ଅନେକ ସମସ୍ୟା ସୃଷ୍ଟି ହୋଇପାରେ । ଯଦି ଅକ୍ସିଜେନ ସାଚୁରେଚର ସ୍ତର ୯୦ ରୁ କମେ, ତେବେ ଏହା ରୋଗୀ ପାଇଁ ବିପଦର ସଙ୍କେତ । ଏପରି ପରିସ୍ଥିତିରେ ରୋଗୀକୁ ତୁରନ୍ତ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିବା ଉଚିତ୍ ।
୩- ଯଦି ରୋଗୀର ଅମ୍ଳଜାନ ସ୍ତର ୯୧ ରୁ ୯୪ ମଧ୍ୟରେ ଥାଏ, ତେବେ ଘରେ ତାଙ୍କୁ ପ୍ରୋନିଙ୍ଗ ବ୍ୟାୟାମ କରାନ୍ତୁ କିମ୍ବା ପ୍ରୋନିଙ୍ଗ ଅବସ୍ଥାରେ ଶୋଇ ଜୋରରେ ନିଶ୍ୱାସ ପ୍ରଶ୍ୱାସ ନେବାକୁ କୁହନ୍ତୁ । ଏହାର ସୂଚନା ଆପଣ ଇଣ୍ଟରନେଟରେ ଅତି ସହଜରେ ପାଇବେ । ଏହାର ସାହାଯ୍ୟରେ ଶରୀରରେ ଅକ୍ସିଜେନ ସ୍ତର ବୃଦ୍ଧି ପାଇଥାଏ ।
୪- ଯଦି ଶରୀରରେ ଅକ୍ସିଜେନର ଅଭାବ ହୁଏ, ତେବେ ଚେହେରାର ରଙ୍ଗ ନୀଳ ହେବାକୁ ଲାଗେ ଓ ଓଠ ମଧ୍ୟ ନୀଳ ହୋଇଯାଏ । ଏହା ସ୍ୟାନୋସିସର ଲକ୍ଷଣ ବୋଶି କୁହାଯାଏ । ହେଲଦୀ ଅକ୍ସିଜେନେରେଟ ବ୍ଲଡ ଯୋଗୁଁ ଆମ ଶରୀର ଲାଲ୍ କିମ୍ବା ନୀଳ ହୋଇଥାଏ । କିନ୍ତୁ ଶରୀରରେ ଅକ୍ସିଜେନ ଲେବଲ କମ୍ ହେଲେ ବି ଏପରି ଲକ୍ଷଣ ଦେଖାଦେଇଥାଏ ।
୫- ଅକ୍ସିଜେନ ଲେବଲ କମିବାରୁ ରୋଗୀଙ୍କୁ ନିଶ୍ୱାସ ପ୍ରଶ୍ୱାସରେ କଷ୍ଟ, ଛାତି ଯନ୍ତ୍ରଣା, ମୁଣ୍ଡ ବିନ୍ଧା, ଲଗାତାର କାଶ, ବିଚଳିତ ଅନୁଭବ କରିଥାନ୍ତି । ଏହିପରି ଲକ୍ଷଣ ଦେଖିବା ପରେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ଓ ରୋଗୀଙ୍କୁ ଯଥାଶୀଘ୍ର ଡାକ୍ତରଖାନାରେ ଭର୍ତ୍ତି କରାନ୍ତୁ ।